كوروناۆيرۋس پاندەمياسى «سوزىلمالى» سيپاتقا يە بولۋى مۇمكىن، ال ونىڭ اسەرى ونداعان جىلدار بويى ءبىلىنۋى ىقتيمال. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس گەبرەيەسۋس مالىمدەدى.

1 تامىز كۇنى ددسۇ-نىڭ توتەنشە كوميتەتى قىتايدان باستاۋ العان كوروناۆيرۋس ىندەتىنىڭ التى ايدان كەيىنگى احۋالىنا باعا بەرۋ ءۇشىن جينالىس وتكىزدى. ىندەتتىڭ تاراۋىنا بايلانىستى حالىقارالىق دەڭگەيدەگى توتەنشە جاعداي قاڭتار ايىندا جاريالانعان بولاتىن.

بىرقاتار ەكسپەرت پەن ساياساتكەر – ولاردىڭ قاتارىندا اقش پرەزيدەنتى دونالد ترامپ تا بار – ددسۇ-نى ەپيدەمياعا قارسى تىم باياۋ قيمىلدادى دەپ سىنعا الدى. سەنبى، 1 تامىز كۇنى وتكەن جيىندا ددسۇ باسشىسى توتەنشە جاعدايدىڭ قىتايدان تىس جەردە كوروناۆيرۋستان ءبىر دە ءبىر ادام ءالى قايتىس بولماعان كەزدە جاريالانعانىن ايتتى.

امەريكالىق دجونس حوپكينس ۋنيۆەرسيتەتىنىڭ ەسەبى بويىنشا، الەم بويىنشا كوروناۆيرۋس ينفەكتسياسىن جۇقتىرعاندار سانى 18 ميلليونعا جاقىنداپ، 685 مىڭنان استام Covid ءولىمى تىركەلدى. ناۋرىزدىڭ باسىندا ىندەت پاندەميا بولىپ جاريالاندى. بۇل كەزدە ۆيرۋس ەۋروپادا ۇلكەن قارقىنمەن تاراي باستاعان.

Abai.kz