بۇگىن استانا قالاسىندا «اق جول» دەموكراتيالىق پارتياسى قازاق مەملەكەتىنىڭ، ۇلتىنىڭ مۇددەسىن قورعاپ، ۇلىقتاپ جۇرگەن قوعامدىق ۇيىمدار مەن ۇلت پاتريوتتارىنىڭ تاراپىنان تاپسىرىلعان سايلاۋالدى اماناتتى قابىلدادى.  «ءبىز، «اق جول» پارتياسىنا تومەندەگى ماسەلەلەردى بارشا قازاقستان ازاماتتارىنىڭ اماناتى دەپ ءتۇسىنىپ، سايلاۋالدى تۇعىرناماسى مەن باعدارلاماسىنىڭ تەمىرقازىعى ەتىپ ۇسىندىق» دەيدى ۇلت پاتريوتتارى.

«اق جولعا» تاپسىرىلعان امانات مىنانداي جولداردان تۇرادى:

- قازاقستاننىڭ تاۋەلسىزدىگىن، ساياسي، ەكونوميكالىق دەربەستىگىن كوزدىڭ قاراشىعىنداي ساقتاپ، قورعاۋ;

- قازاق جەرىنىڭ بارلىق بايلىعىن حالىقتىڭ الەۋمەتتىك، رۋحاني قاجەتىنە جاراتۋ;

- ازاماتتاردىڭ سايلاۋ ەركى مەن تاڭداۋ قۇقىن قامتاماسىز ەتىپ، ءادىل دە تازا سايلاۋ وتكىزۋگە پارتيانىڭ بار كۇش جىگەرىن جۇمساۋ;

- «مەملەكەتتىك ءتىل تۋرالى»، «يمپەريالىق وتارلاۋ ساياساتىنىڭ زاردابىن جويۋ تۋرالى»، «ونوماستيكا تۋرالى» جاڭا زاڭداردى ءبىرىنشى كەزەكتە قابىلداتۋعا كۇش سالۋ;

- قازاقستان ەكونوميكاسىنىڭ دەربەستىگىن ساقتاۋ;

-  شيكىزات ونىمدەرىن ءجونسىز شەتكە شىعارۋدى شەكتەۋ;

- جەرگىلىكتى كاسىپكەرلەردىڭ قىزمەتى مەن وتاندىق ءونىم وندىرىسىنە قولداۋ كورسەتۋ;

- ەلەكتر قۋاتىن وندىرۋدە الەمدىك تاجىريبەگە سۇيەنىپ، وزگە بالامالى قۋات كوزدەرىن پايدالانۋدى جۇزەگە اسىراتىن مەلەكەتتىك باعدارلاما جاساۋ;

بۇگىن استانا قالاسىندا «اق جول» دەموكراتيالىق پارتياسى قازاق مەملەكەتىنىڭ، ۇلتىنىڭ مۇددەسىن قورعاپ، ۇلىقتاپ جۇرگەن قوعامدىق ۇيىمدار مەن ۇلت پاتريوتتارىنىڭ تاراپىنان تاپسىرىلعان سايلاۋالدى اماناتتى قابىلدادى.  «ءبىز، «اق جول» پارتياسىنا تومەندەگى ماسەلەلەردى بارشا قازاقستان ازاماتتارىنىڭ اماناتى دەپ ءتۇسىنىپ، سايلاۋالدى تۇعىرناماسى مەن باعدارلاماسىنىڭ تەمىرقازىعى ەتىپ ۇسىندىق» دەيدى ۇلت پاتريوتتارى.

«اق جولعا» تاپسىرىلعان امانات مىنانداي جولداردان تۇرادى:

- قازاقستاننىڭ تاۋەلسىزدىگىن، ساياسي، ەكونوميكالىق دەربەستىگىن كوزدىڭ قاراشىعىنداي ساقتاپ، قورعاۋ;

- قازاق جەرىنىڭ بارلىق بايلىعىن حالىقتىڭ الەۋمەتتىك، رۋحاني قاجەتىنە جاراتۋ;

- ازاماتتاردىڭ سايلاۋ ەركى مەن تاڭداۋ قۇقىن قامتاماسىز ەتىپ، ءادىل دە تازا سايلاۋ وتكىزۋگە پارتيانىڭ بار كۇش جىگەرىن جۇمساۋ;

- «مەملەكەتتىك ءتىل تۋرالى»، «يمپەريالىق وتارلاۋ ساياساتىنىڭ زاردابىن جويۋ تۋرالى»، «ونوماستيكا تۋرالى» جاڭا زاڭداردى ءبىرىنشى كەزەكتە قابىلداتۋعا كۇش سالۋ;

- قازاقستان ەكونوميكاسىنىڭ دەربەستىگىن ساقتاۋ;

-  شيكىزات ونىمدەرىن ءجونسىز شەتكە شىعارۋدى شەكتەۋ;

- جەرگىلىكتى كاسىپكەرلەردىڭ قىزمەتى مەن وتاندىق ءونىم وندىرىسىنە قولداۋ كورسەتۋ;

- ەلەكتر قۋاتىن وندىرۋدە الەمدىك تاجىريبەگە سۇيەنىپ، وزگە بالامالى قۋات كوزدەرىن پايدالانۋدى جۇزەگە اسىراتىن مەلەكەتتىك باعدارلاما جاساۋ;

- ۇلتتىق عىلىم، ءبىلىم بەرۋ، دەنساۋلىق ساقتاۋ سالاسىنىڭ جوعارى دەڭگەيدە  دامۋىنا جاعداي جاساۋ;

- جاھاندانۋ داۋىرىندە رۋحاني ازعىندىققا اكەلەتىن داعدارىستان ۇلتىمىزدى ساقتاپ قالۋ جولىن انىقتاپ; ءوز حالقىنىڭ تاريحي، رۋحاني قۇندىلىقتارى نەگىزىندە ۇرپاق تاربيەلەۋ ءۇشىن قازاق حالقىنىڭ رۋحاني دامىپ، ۇلتتىق جاڭعىرۋىن مەملەكەتتىك تۇرعىدا ىسكە اسىرۋعا ات سالىسۋ.

«اق جول» پارتياسىنىڭ توراعاسى ازات پەرۋاشەۆ مىرزاعا ۇلت پاتريوتتارىنىڭ اماناتىن «ۇلى دالا» رەسپۋبليكالىق قوعامدىق بىرلەستىگىنىڭ اتىنان ايدوس سارىم، «ۇلت تاعدىرى» قوزعالىسى اتىنان دوس كوشىم، «ادىلەت» تاريحي-اعارتۋ بىرلەستىگىنىڭ اتىنان بەيبىت قويشىباەۆ تابىس ەتتى.

جيىن بارىسىندا ءسوز العان پارتيا توراعاسى ا.پەرۋاشەۆ: «بارلىعىمىز دا ەل بىرلىگى مەن مەملەكەت تۇتاستىعىنا، ءبىزدىڭ تۋعان حالقىمىزدىڭ الەۋمەتتىك، رۋحاني دامۋىنا، يگىلىگىنە قىزمەت ەتۋگە ءتيىسپىز. بۇگىنگى سىزدەرمەن كەزدەسۋ «اق جول» پارتياسى مەن ۇلتتىق-پاتريوتتىق كۇشتەر اراسىنداعى ىنتىماقتاستىقتىڭ، قارىم-قاتىناستىڭ زاڭدى جالعاسى. بۇدان ءارى سىزدەر مەن بىزدەر وسى باعىتتاعى ءىس-شارالاردى بىرلەسىپ ىسكە اسىرامىز دەپ ويلايمىن» دەدى.

القا قوتان وتىرىستىڭ ۇستىندە ءسوز العان شەشەندەر جيىرماسىنشى عاسىردىڭ باسىندا وزىق ويلارىمەن، حالىققا قالتقىسىز قىزمەت ەتكەن، سونىسىمەن قازاققا اياۋلى بولىپ قالعان «الاش وردا» قايراتكەرلەرى تۋرالى دا اڭگىمە قوزعادى.  وسى رەتتە ۇلتشىلداردىڭ ءسوزىن جالعاستىرعان ازات پەرۋاشەۆ: «الاش وردا» قايراتكەرلەرى حح عاسىردىڭ باسىندا-اق ۇلتتىق بىرلىكتى، ەكونوميكالىق دامۋ مەن ليبەرالدى-دەموكراتيالىق قۇندىلىقتاردى ءبىرىنشى ورىنعا قويدى. ولاردىڭ ۇلتتىق ءداستۇر مەن ەۋروپالىق، الەمدىك وركەنيەتتى ۇشتاستىرىپ، ءبىلىمدى، مادەنيەتتى، وزىق ەل قالىپتاستىرۋ يدەياسى بۇگىنگى «اق جول» پارتياسىنىڭ ماقسات-مىندەتىمەن ۇندەسىپ جاتىر» - دەدى. ال، دوس كوشىم بولسا، بۇگىنگى ساياسي پارتيالار «ۇلت»، «ۇلتشىلدىق» دەگەن سوزدەردەن قورىقپاۋ قاجەتتىگىنە ەكپىن ءتۇسىردى. «قازاق ۇلتشىلدىعى وزگە ۇلتقا قارسى ۇلتشىلدىق ەمەس»، - دەيدى كوشىم مىرزا. بەلگىلى ساياساتتانۋشى ايدوس سارىم قازاق ۇلتى زامانعا ساي جاڭارۋ مەن جاسامپازدىقتى يگەرۋ قاجەتتىگىنە توقتالدى. «الماتىنىڭ «سامال» ىقشام اۋدانى مەن استانا قالاسىن قاق جارىپ اعاتىن ەسىلدىڭ سول جاعالاۋىنداعى جۇرت ءۇشىن ءبارى جاقسى، ءبارى كەرەمەت شىعار، ءتىپتى، ولارعا ەندى ەشقانداي جاڭاشىلدىقتىڭ، جايلى تۇرمىستىڭ قاجەتى دە جوق شىعار، بىراق، ەكونوميكانىڭ ەل تۇرمىسىنا جۇمىس ىستەۋىن سارىلا كۇتىپ جۇرگەن جۇرتتىڭ قاراسى مول. جاڭا وزەندەگى ەرەۋىل سونىڭ دالەلى»، - دەدى.

«اق جولعا» ۇلت پاتريوتتارىنىڭ اماناتىن تابىستاۋعا كەلگەن بەلسەندى ازاماتتار 5-ءشى  رەت شاقىرىلىپ  جاتقان ءماجىلىس سايلاۋى بۇرىنعى سايلاۋلاردان وزگەشە سيپات الا باستاعانىن اڭعارتا سويلەدى. «بۇل جولى، - دەدى، - ولار قاي پارتيا بولماسىن ءوزىنىڭ سايلاۋالدى تۇعىرناماسىنا قازاق ۇلتىنىڭ مۇرات-ماقساتىن ءبىرىنشى كەزەككە قويۋدا. ويتكەنى، ەلىمىز ءوز جۇرتىندا باسىم ۇلتقا اينالىپ، سان ساپاعا شىقتى».

«ماسا-اقپارات»