قازاقستان ەلتاڭباسىنىڭ اۆتورى، بەلگىلى ءمۇسىنشى، ساۋلەتشى شوت-امان ىدىرىسۇلى ءۋاليحان ومىردەن ءوتتى. شوت-امان ىدىرىسۇلى 1932 جىلى Cولتۇستىك قازاقستاندا ومىرگە كەلگەن.

قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆا ءوزىنىڭ فەيسبۋكتاعى پاراقشاسىنا ساۋلەتشىنىڭ وتباسىنا كوڭىل ايتتى.

"قازاقستان رەسپۋبليكاسى مəدەنيەت جəنە سپورت مينيسترلىگىنىڭ اتىنان كورنەكتى ساۋلەتشى، پروفەسسور، قازاقستاننىڭ ەڭبەك سىڭىرگەن قايراتكەرى، «قۇرمەت»، «پاراسات»، «وتان»، «داڭق» وردەنىنىڭ يەگەرى، قازاقستان رەسپۋبليكاسى مەملەكەتتىك ەلتاڭباسىنىڭ اۆتورى، تəۋەلسىز «تارلان» سىيلىعىنىڭ لاۋرەاتى، قر سəۋلەتشىلەر، ديزاينەرلەر، جازۋشىلار سۋرەتشىلەر وداعىنىڭ مۇشەسى، بۇكىلالەمدىك شىڭعىس حان اكادەمياسىنىڭ، شىعىس ەلدەرى حالىقارالىق ساۋلەت اكادەمياسىنىڭ، حالىقارالىق سəۋلەت اكادەمياسىنىڭ اكادەميگى (رەسەي فەدەراتسياسى) شوت-امان ىدىرىسۇلى ءۋاليحانوۆتىڭ قايتىس بولۋىنا بايلانىستى وتباسى مەن جاقىندارىنىڭ قايعىسىنا ورتاقتاسىپ، كوڭىل ايتامىن.

شوت-امان ىدىرىسۇلى سانالى عۇمىرىن سۇيىكتى ىسىنە ارناپ، ماعىنالى ءومىر سۇرگەن ءوز ورتاسىنا سىيلى، بولمىسى بولەك جان ەدى.
ول حالقىمىزدىڭ تاريحىنداعى ارداقتى تۇلعالاردىڭ ەسكەرتكىشىن جاساپ، ەر ەسىمىن ەل اراسىندا ۇلىقتاۋعا، ساۋلەتى كوز تارتار عيماراتتاردىڭ بوي كوتەرۋىنە سۇبەلى ۇلەس قوستى. بۇل قاتاردا ەلوردا تورىندەگى كەنەسارى قاسىمۇلى، قوستاناي قالاسىنداعى احمەت بايتۇرسىنۇلى، ەرەيمەنتاۋداعى بوگەنباي باتىردىڭ، شقو-داعى حاكىم اباي مەن شاكارىمنىڭ، الماتىداعى شوقان ءۋاليحانوۆ، دينا نۇرپەيىسوۆا، ءƏلىبي جانگەلدين، توقاش بوكين، عاني مۇراتباەۆ، نۇرمولدا الدابەرگەنوۆ، تالعات بيگەلدينوۆ، جۇماعالي ساين، تايىر جاروكوۆ، تاحاۋي احتانوۆ، Əبۋ سəرسەنباەۆ، دىنمۇحامەد قوناەۆ، تىلەس قاجىعاليەۆ، قۇرماناي وماروۆا، نۇرعالي تاسماعامبەتوۆ، شافيك چوكينگە ارنالعان تۋىندىنى حالىق جاقسى بىلەدى.

سول سياقتى الماتىداعى «دينامو» ستاديونى، الماتى قالاسى əكىمدىگىنىڭ، قازاق-نەمىس ۋنيۆەرسيتەتى عيماراتىنىڭ، قاراعاندىداعى كوسموناۆتيكا مونۋمەنتى سىندى ەڭسەلى نىساننىڭ جوباسىن جاسادى.
سەگىز قىرلى، ءبىر سىرلى اعامىز ەلىمىزدىڭ ساۋلەت جانە بەينەلەۋ ونەرىنىڭ وزەكتى ماسەلەلەرىن كوتەرگەن كوپتەگەن عىلىمي ماقالامەن قاتار بىرقاتار درامالىق شىعارما جازدى. ولاردىڭ قاتارىندا «تاعدىر»، «شوقاننىڭ انتى»، «اقنۇر»، «شوقاننىڭ اق تۇندەرى»، «تەررور» اتتى پەساسى بار.
عيبراتتى ازاماتتىڭ اسىل بەينەسى، ەرەن ەڭبەگى تۋعان-تۋىس پەن قالىڭ قازاقتىڭ كوڭىل ءتورى مەن جۇرەك تۇكپىرىندە مəڭگى ساقتالادى.

مارقۇمنىڭ كوزى تىرىسىندە جاساعان يگى-جاقسى امالدارى الدىنان جارىلقاسىن. جاتقان جەرى جايلى، توپىراعى تورقا، الدى پەيىش، ارتى كەنىش بولسىن" دەپ جازدى مينيستر.

Abai.kz