سۆەتقالي نۇرجان. قارعالار
سۆەتقالي نۇرجان (ايت-مان), اقىن.
قارعالار
قارعالار ءۇش ءجۇز جىل عۇمىر كەشەدى، جەتى پاتشالىقتىڭ جەرىن باسادى. «وسى عۇمىرىڭدا نە كوردىڭ؟» دەپ سۇراعاندا، بوقتان باسقا ەشتەڭە كورمەگەن بولىپ شىعادى-مىس.
جادتاعى بۇرىنعىنىڭ اڭگىمەسى.
قارقىلداڭدار...
ەي، قارعالار،
سيراقتارىڭدى ۇرايىن!..
تىنىشتىقبەك.
كىنالاماڭدارشى قارا قارعانى،
قارعامنىڭ بار ما جازىعى؟!.
بايبوتا.
ۇلىق يەم، بۇل قايعىلى ولكەگە،
مىناۋ ءولى كەرەڭدىككە تاس تامعان
قارعالاردى قارعىستى
جاۋدىرتشى ءبىر اسپاننان!..
ارتيۋر رەمبو.
«قارعالاردىڭ جيىلىپ الىپ «اللا-لاپ!» «ءان» ايتۋى وتكەن 11-
جىلى ەلىمىزدىڭ قاراعاندى وبلىسىندا ورىن السا، بيىل ماڭعىستاۋ ولكەسىنەن كورىنىس بەرۋدە...»
باق-تاعى بۇگىنگىنىڭ حابارى.
قارعا دەگەن ازعىن قۇس،
جوق ەشقانداي بوقتان باسقا قايعىسى.
ءۇش ءجۇز جاساپ بىتىرمەگەن مازمۇندى ءىس،
جاھانداعى قۇس بىتكەننىڭ بايعۇسى!..
ءوزىڭ جايلى كەش، قارعا،
مەن دە ويلاۋشى ەم ءدال وسىنداي جوبادا.
كەشە كەشكە تەلەديدار قوسقاندا،
ءۇنىڭدى ەستىپ كەلدى ءتىلىم توباعا!
سۆەتقالي نۇرجان (ايت-مان), اقىن.
قارعالار
قارعالار ءۇش ءجۇز جىل عۇمىر كەشەدى، جەتى پاتشالىقتىڭ جەرىن باسادى. «وسى عۇمىرىڭدا نە كوردىڭ؟» دەپ سۇراعاندا، بوقتان باسقا ەشتەڭە كورمەگەن بولىپ شىعادى-مىس.
جادتاعى بۇرىنعىنىڭ اڭگىمەسى.
قارقىلداڭدار...
ەي، قارعالار،
سيراقتارىڭدى ۇرايىن!..
تىنىشتىقبەك.
كىنالاماڭدارشى قارا قارعانى،
قارعامنىڭ بار ما جازىعى؟!.
بايبوتا.
ۇلىق يەم، بۇل قايعىلى ولكەگە،
مىناۋ ءولى كەرەڭدىككە تاس تامعان
قارعالاردى قارعىستى
جاۋدىرتشى ءبىر اسپاننان!..
ارتيۋر رەمبو.
«قارعالاردىڭ جيىلىپ الىپ «اللا-لاپ!» «ءان» ايتۋى وتكەن 11-
جىلى ەلىمىزدىڭ قاراعاندى وبلىسىندا ورىن السا، بيىل ماڭعىستاۋ ولكەسىنەن كورىنىس بەرۋدە...»
باق-تاعى بۇگىنگىنىڭ حابارى.
قارعا دەگەن ازعىن قۇس،
جوق ەشقانداي بوقتان باسقا قايعىسى.
ءۇش ءجۇز جاساپ بىتىرمەگەن مازمۇندى ءىس،
جاھانداعى قۇس بىتكەننىڭ بايعۇسى!..
ءوزىڭ جايلى كەش، قارعا،
مەن دە ويلاۋشى ەم ءدال وسىنداي جوبادا.
كەشە كەشكە تەلەديدار قوسقاندا،
ءۇنىڭدى ەستىپ كەلدى ءتىلىم توباعا!
جيىلىپ اپ، -
تۋرا جۇرەك تۇسىمنان،
«اللا-لاپ!» تۇر كىلەڭ قارعا-قاريا.
قادىرلەۋشى ەد تەك كەپتەردى - مۇسىلمان:
حاقتى زىكىر قىلادى دەپ - جاريا!
«جاقسى» اتانىپ كورمەپ ەدىڭ ىلكىدەن،
دارىپتەگەن جاننان حاقتى - كىم ارتىق؟! -
كەشە قارعا ەڭ - بوق پەن ءزارى مۇڭكىگەن،
بۇگىن سەنەن حاق جۇپارى تۇر اڭقىپ!..
وگىز، تاۋىق، اڭ پاتشاسى ارىستان،
ەندى قارعا دىنگە كىردى - «اللا-لاپ!»
جەتكەنى مە -
كۇتكەن حابار الىستان،
ءسىز نە دەيسىز، ءتۇن تۇرعىنى جارعانات؟..
قارعىس توككەن قارعا قايدا توبەڭدە؟ -
اۋىزىندا اللا جايلى اق تۋلى ءان!
حاق تانۋدا -
قارعا وزىپتى دەگەنگە
سەنەسىز بە -
قۇس سۇلتانى اققۋدان؟!
اققۋىڭ نە -
جەر بەتىنىڭ ارداعى
ادام-قازاق كورسەتتى مە جاقسى ۇلگى؟! -
«جاريالاپ ماقتادى، دەپ، اللانى!..» -
سوتتادىق قوي يسماتۋللا ماقسىمدى!..
قورادا - وگىز،
زىكىر ەتكەن اللانى
تاۋىق - پالاۋ،
توردا - ارىستان! -
«شۇكىر» ەت!..
ال قاپتاعان كىل زىكىرحان-قارعانى
قايتەر ەكەن ءبىزدىڭ زاڭقور ۇكىمەت؟
«زىكىرحاندار» قاپتادى، دەپ، كوككە كىل!» -
«ءپاتۋاسىن» شىعارتىپ اپ مولداعا:
«بۇل - شيرك!..» دەپ،
مالعۇنساقال جەتپەگىر،
وق جاۋدىرىپ جۇرمەس پە ەكەن قارعاما؟!
جان-جۇلدىزىن قالتىراتىپ تۇنگى ىزعار،
اڭعال بابام نەگە ءان سالدى «قارعام!» دەپ؟!
ال بۇگىنگى ساحىنالىق «جۇلدىزدار»
كىمدى، نەنى ارمانداپ ءجۇر «ارمان» دەپ؟..
قۇس ازعىنى قارعا قۇرلى توباسىن
قامداماعان -
جاھاننىڭ ەڭ بايعۇسى -
ءبىزدىڭ اعاي ارلەپ الەك «قوراسىن»،
بوقتان باسقا جوق ەشقانداي قايعىسى!..
قالا، دالا باتتاسىپ اپ كىر-شاڭعا،
ەش ءۇمىتسىز جاتىر ءولى قورىم بوپ.
قۇس قىلشى، اللا، مەيلى، قارعا قىلساڭ دا،
جەردە سەنى ەسكە الۋعا ورىن جوق!..
ءشار - اڭسىعان!
قىر - قاڭسىعان!
جانشىعان!
كىر مالشىعان ءتۇندى تۇرەر تاڭ قايدا؟! -
نۇر-حاباردى جەتكىزۋ دە عارشىدان،
قارعا، ءسىزدىڭ جازىلىپتى ماڭدايعا!
پەندەلەردىڭ قارا ءجۇزى ناستانعان
اعارار ما جەتكەن كەزدە -
ول حابار؟! -
حاققا زىكىر جاۋدىرتشى ءبىر اسپاننان،
قارا كيىپ قايعى ويلاعان قارعالار!..
اللا-جار!!!
اللا-جار!!!
اللا-جار!!!
04:44 ساع.
07 ءساۋىر 2012 ج.،
سەنبى
تالحيز شاھارى.
