بۇگىن قر پارلامەنتى سەناتىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسى مەن بىرىككەن اراب امىرلىكتەرى اراسىنداعى قىلمىسكەرلەردى ۇستاپ بەرۋ تۋرالى كەلىسىمدى راتيفيكاتسيالاۋ تۋرالى» زاڭىن قابىلدادى.

اتالعان كەلىسىم 2009 جىلعى 16 ناۋرىزدا ءابۋ دابيدە جاسالعان بولاتىن. كەلىسىمگە سايكەس، ەكى مەملەكەت ءبىر بىرىنە جاسالعان قىلمىسى ءۇشىن نەمەسە سۇراۋ سالۋشى تاراپتىڭ يۋريسديكتسياسىنا ءىشىنارا نەمەسە تولىق جاتقىزىلاتىن ۇكىمدى ورىنداۋدى ىسكە اسىرۋ ءۇشىن ىزدەستىرىلگەن كەز كەلگەن ادامدى ۇستاپ بەرۋگە مىندەتتەلەدى.

«بۇگىنگى كۇنى ينتەرپول كانالدارى ارقىلى بەلگىلى بولعانىنداي، بىرىككەن اراب امىرلىكتەرىندە قازاقستاندىق 7 قىلمىسكەر سوتتان قاشىپ، بوي تاسالاپ ءجۇر. ولاردىڭ بارلىعىنا قاتىستى ۇستاپ بەرۋ تۋرالى سۇراۋ سالعانبىز. الايدا بۇل ماسەلە قارالمادى. دەگەنمەن، رەسمي ەمەس دەرەككوزدەرگە سۇيەنسەك، قازاقستان مەن ءباا اراسىنداعى بۇگىن قارالىپ وتىرعان كەلىسىم كۇشىنە ەنسە، ونداي قىلمىسكەرلەردى ەلگە قايتارۋعا بولادى»، - دەيدى باس پروكۋرور ورىنباسارى يوگان مەركەل.

بۇگىن قر پارلامەنتى سەناتىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسى مەن بىرىككەن اراب امىرلىكتەرى اراسىنداعى قىلمىسكەرلەردى ۇستاپ بەرۋ تۋرالى كەلىسىمدى راتيفيكاتسيالاۋ تۋرالى» زاڭىن قابىلدادى.

اتالعان كەلىسىم 2009 جىلعى 16 ناۋرىزدا ءابۋ دابيدە جاسالعان بولاتىن. كەلىسىمگە سايكەس، ەكى مەملەكەت ءبىر بىرىنە جاسالعان قىلمىسى ءۇشىن نەمەسە سۇراۋ سالۋشى تاراپتىڭ يۋريسديكتسياسىنا ءىشىنارا نەمەسە تولىق جاتقىزىلاتىن ۇكىمدى ورىنداۋدى ىسكە اسىرۋ ءۇشىن ىزدەستىرىلگەن كەز كەلگەن ادامدى ۇستاپ بەرۋگە مىندەتتەلەدى.

«بۇگىنگى كۇنى ينتەرپول كانالدارى ارقىلى بەلگىلى بولعانىنداي، بىرىككەن اراب امىرلىكتەرىندە قازاقستاندىق 7 قىلمىسكەر سوتتان قاشىپ، بوي تاسالاپ ءجۇر. ولاردىڭ بارلىعىنا قاتىستى ۇستاپ بەرۋ تۋرالى سۇراۋ سالعانبىز. الايدا بۇل ماسەلە قارالمادى. دەگەنمەن، رەسمي ەمەس دەرەككوزدەرگە سۇيەنسەك، قازاقستان مەن ءباا اراسىنداعى بۇگىن قارالىپ وتىرعان كەلىسىم كۇشىنە ەنسە، ونداي قىلمىسكەرلەردى ەلگە قايتارۋعا بولادى»، - دەيدى باس پروكۋرور ورىنباسارى يوگان مەركەل.

سونداي-اق ەكى ەل اراسىندا ۇستاپ بەرۋ بىرقاتار جاعدايلاردا قاراستىرىلادى. اتاپ ايتقاندا، ەگەر ەكى ەلدىڭ زاڭناماسىنا سايكەس ايىپتالۋشىنىڭ ارەكەتتەرى ءبىر جىلدان كەم ەمەس مەرزىمگە باس بوستاندىعىنان ايىرۋ تۇرىندەگى جازانى كوزدەيتىن قىلمىس بولسا، سونىمەن قاتار ەگەر سۇراۋ سالۋشى تاراپتىڭ قۇزىرەتتى سوتى سوتتالۋشىنىڭ قاتىسۋىمەن نەمەسە ونىڭ قاتىسۋىنسىز التى ايدان كەم ەمەس مەرزىمگە باس بوستاندىعىنان ايىرۋعا سوتتالسا ونداي ازاماتتار ۇستاپ بەرىلەتىن بولادى. بۇدان بولەك، ەگەر ۇستاپ بەرۋدى تالاپ ەتەتىن قىلمىس ساياسي سيپاتتاعى قىلمىس بولىپ تابىلسا، سالىنعان سۇراۋ بويىنشا ادامنىڭ ءناسىلى، ءدىني ۇستانىمى، ازاماتتىعى نەمەسە ساياسي سەنىم بەلگىلەرى بويىنشا قۋدالاۋعا بايلانىستى ەكەنىنە دالەلدى نەگىزدەر بولسا وندا ۇستاپ بەرۋگە جول بەرىلمەيدى.

پارلامەنت قابىلداعان زاڭ مەملەكەت باسشىسىنىڭ قول قويۋىنا جىبەرىلەدى.

قازاقپارات