25 ساۋىردە عازيزا جۇبانوۆا اتىنداعى اقتوبە وبلىستىق فيلارمونياسىندا قازاقستان جازۋشىلار وداعىنىڭ جانە جۋرناليستەر وداعىنىڭ مۇشەسى، مادەنيەت قايراتكەرى تابىلدى دوسىموۆتى ەسكە الۋعا ارنالعان «مەن قازاقپىن» اتتى كەش وتەدى.

25 ساۋىردە عازيزا جۇبانوۆا اتىنداعى اقتوبە وبلىستىق فيلارمونياسىندا قازاقستان جازۋشىلار وداعىنىڭ جانە جۋرناليستەر وداعىنىڭ مۇشەسى، مادەنيەت قايراتكەرى تابىلدى دوسىموۆتى ەسكە الۋعا ارنالعان «مەن قازاقپىن» اتتى كەش وتەدى.

- «تابىل ءولدى» دەگەنشە، دارىن ءولدى دەسەڭشى،
«اسقار تاۋىڭ قۇلادى، الىپ ءولدى» دەسەڭشى.
«سابالى كول سارقىلىپ، سارقىراما تارتىلىپ،
ساعىم باستى سارىۋايىم سارى بەلدى» دەسەڭشى.
«قازاناتىن ساقتاماي، قان قۇساتىن قازاققا
تاجال ءولىم قۇرىعى تاعى كەلدى» دەسەڭشى.
«بۇ دۇنيەدە ەشكىمگە باستىرماعان كەۋدەسىن
ازىرەيىلدىڭ ۇلىڭا ءالى كەلدى» دەسەڭشى...
بۇل - قازاقستان جازۋشىلار جانە جۋرناليستەر وداعىنىڭ ءمۇ­شەسى راحات قوسبارماقتىڭ قازاق بارد ونەرىنىڭ نەگىزىن قالاۋشى تا­بىلدى دوسىموۆ دۇنيەدەن وتكەن­نەن كەيىن جازعان ولەڭى. ءانشى-كوم­پوزيتوردىڭ كوزىن كورگەن، سى­رت­تاي بىلەتىن جانكۇيەرلەرىنىڭ قاي-قايسىسى بولماسىن، تاۋ تۇل­عالى تارپاڭىنان ايىرىلعاندا تۋ­را وسىلاي جەر باۋىرلاپ جىلاعان ەدى. جان دۇنيەلەرى وكىنىشتەن ەگىلە وتىرىپ، الاش­تىڭ اردا ۇلىن ەندىگى جەردە ۇمىتتىرماۋعا بەل بايلاعان. قولدان كەلگەنشە كون­تسەرتتەر ۇيىمداستىرىپ، شىعار­ما­لارىن كەلەشەك ۇرپاققا قاز-قالپىندا جەتكىزۋگە ۋادە ەتكەن. سونىڭ ايعاعى رەتىندە تابىلدى دوسىموۆ ومىردەن وتكەن ءبىر جا­رىم جىل ىشىندە ءوزىنىڭ تۋعان جەرى دەندەردە، ماڭ­عىستاۋ وبلىسىندا ەسكە الۋ كەشتەرى قولعا الىندى. سول يگىلىكتى شارالاردىڭ جالعاسى ەندى اقتوبە قالاسىندا جۇزەگە اس­پاق. ءارى ساۋاپتى، ءارى جاۋاپتى ءىس­تىڭ باستاماشىسى - اقىننىڭ دو­سى، «زاپكازستروينۆەست» جشس قۇ­رىل­تايشىسى بيجان قالماعام­بەتوۆ. سونداي-اق كەزىندە ونەر يە­سىنىڭ ءان جي­ناعىن شىعارىپ، ري­ز­اشىلىعىنا بولەن­گەن - عازيزا جۇبانوۆا اتىنداعى اقتوبە وب­لىستىق فيلارمونياسىنىڭ دي­رەك­تورى، ءانشى-كومپوزيتور قانات ايتباەۆ.

- ءبىزدىڭ بايتاق رەسپۋبليكامىز ءبىر عاسىردا ءبىر تۋاتىن تالانتتى ادامداردان كەندە ەمەس. اسىرەسە، ونەر سالاسىندا دارا تۇلعالار كوپ­تەپ كەزدەسەدى. سولاردىڭ بىرە­گەيى ءبىزدىڭ باۋىرىمىز، جان دو­سىمىز، سىرلاسىمىز، قاپيادا كوز جازىپ، ايى­رىلىپ قالعان قيما­سى­مىز تابىلدى دو­سىموۆ ەدى. تا­بىلدى دەسەك، ەشكىمگە ۇقسا­مايتىن تو­لاعاي بەينەلى اقىنىمىز كوز الدىمىزعا كەلەدى. ونىڭ بارد ونە­رىندەگى فيلو­سوفيا­لىق تۇجى­رىم­دارى قازاق پوە­زياسىنا ۇلكەن قۇبىلىس اكەلدى. بىراق كوزى ءتىرى­سىندە از زەرتتەلدى، قولداۋشىلارى از بولدى.
تابىلدى ەكەۋمىز سوڭعى ءۇش جىلدا جاقسى جولداس، اعالى-ءىنىلى بولىپ ارالاسىپ كەتكەن ەدىك. مەن ونىڭ ونەرىنە شەكسىز عاشىق بول­دىم. اقتوبەگە ءار كەلگەنى - ءبىز ءۇشىن مەيرام، ۇلكەن توي ەدى. ساح­نادا شاپان سىيلاماساق تا مەي­رامحانالاردا شاعىن كەشتەرىن وتكىزىپ، دۋمانداتىپ جىبەرەتىنبىز. سونىڭ ءبارى ءبىر-اق كۇندە سارعايعان ساعى­نىشقا اينالعانى وتە وكى­نىش­تى. تابىل­دىنىڭ كونتسەرتىن اق­توبەدە وتكىزۋ ارما­نىمىز ەدى. بىراق ءوزى باردا ۇلگەرە الما­­دىق.
«ۇيىقتاپ كەتىپ، ويانباي قال­عاننان» كەيىن شىعارمالارىن نا­سيحاتتاۋ - ءبىزدىڭ موينىمىزداعى پارىز بولىپ قالدى. سول سەبەپتەن، وسى كەشتى ۇيىمداستىرىپ جاتقان جايىم بار. جان-جاقتان ارنايى قوناقتار شاقىرىپ وتىرمىن. ونەردەگى ۇستازى قورا­باي ەسەنوۆ، الماتىداعى ستۋدەنتتىك شاق­تاردى بىرگە وتكەرگەن كۋرستاستارى سەرىك جانبولات، ارمان سقابىلۇلى، سەرىك اباس-شاح، ەرسايىن جاپاق، ماڭعىستاۋ وبلىس­تىق مادەنيەت باسقارماسىنىڭ باس­تىعى مايرا وماروۆا، ءبىر بولمەدە ءبىر ءۇزىم نان­دى ءبولىپ جەگەن جۇماباي قۇ­ليەۆ، ابۋباكىر سمايىلوۆ، استا­نالىق اقىن ەلەنا ءابدى­حالىقوۆا، اتىراۋلىق ونەردەگى اعاسى قالي­دوللا ىزەكەنوۆ، تالانتىنا ءتانتى بولىپ ورالدان ىزدەپ بارىپ، اس­تىنداعى كولىگىن سىيلاپ كەتكەن جا­ناشىر اعاسى مۇحتار ساپار­عاليەۆ سياقتى دوستارىنىڭ باسىن قوسپاقپىن. سونداي-اق كەيىنگى تولقىن ىنىلەرى دە جان-جاقتان ات ارىتىپ كەلمەك. ارتىندا قالعان جارىن، ۇل-قىزدارىن الدىرامىن. بالاسى ابىل اكەسىنىڭ ءانىن ورىن­دايدى. ارينە، تابىلدىنى بىلەتىن جۇرتتى تەگىس اقتوبەگە جيناۋ ءمۇم­كىن ەمەس. كەزىندە ارالاس-قۇرالاس بولعان، مەن ءوزىم بىلەتىن، ەلدەن ەس­تىگەن جاقىن دوستارىن، زامان­داس­تارىن، ونەرىن قۇرمەتتەيتىن، ناسي­حاتتاپ جۇرگەن ءىنى-قارىنداس­تارىن عانا شاقىرىپ وتىرمىن. جەرگىلىكتى باسشىلىق، زيالى قاۋ­ىم وكىلدەرى كەلىپ قاتىسامىز دەپ ۋادە ەتتى. بيلەت سۇراپ، حابارلاسىپ جاتقان ەلدە ەسەپ جوق. ءوز باسىم «تابىلدىنى اق­تو­بەدە ەشكىم ءبىل­مەيدى» دەپ ايتا المايمىن. بىلمە­سە، حالىق سۇرامايدى، ىزدەمەيدى. «كونتسەرتى بولادى» دەگەنگە قۋانىپ، قايتا-قايتا حابارلاسىپ جاتىر. شىعارماشىلىق ماسەلەلەردىڭ بارلىعىن قاناتجان ءوز قولىنا الدى. سۆەتانىڭ دا ەڭبەگى كوپ.
«كەش جاقسى ءوتسىن» دەپ دەمەپ جاتقان دوستارىمىز بار. ولار اتى-ءجونىن اتاۋدى ءجون سانامادى. ءارى قاراي دەرەكتى فيلم تۇسىرەر­مىز، كىتاپ شىعارارمىز، ايتەۋىر تا­بىلدىنىڭ ونەرى ولمەيتىنى، ولتىرمەيتىنىمىز انىق.
تەك تابىلدىعا تاعزىم ەتۋ وسىمەن توقتالىپ قالماۋى ءتيىس.
استانا، الماتى قالالارى دا ءىلىپ اكەتسە دەگەن تىلەگىم بار، - دەيدى كەشتىڭ ۇيىم­داستىرۋشىسى ءارى دوسى بيجان قالما­عامبەتوۆ.

قانشايىم بايداۋلەتوۆا

"ايقىن" گازەتى