قازاقستاندا ءبىر جىل ىشىندە ميللياردەرلەر سانى ەكى ەسە كوبەيدى. بۇل تۋرالى Sputnik.kz مالىمدەدى. داۋلەتتى قازاقستاندىقتاردىڭ سانى 2020 جىلدان بەرى ءتورت ادامنان جەتى ادامعا كوبەيگەن.

Kaspi اكتسيونەرلەرى ۆياچەسلاۆ كيم مەن ميحايل لومتادزە، Freedom Finance-تى قۇرعان تيمۋر تۋرلوۆ Forbes قازاقستان جۋرنالىنىڭ نۇسقاسى بويىنشا ەڭ باي قازاقستاندىقتاردىڭ تىزىمىنە ەندى.

2021 جىلى Forbes-تىڭ  قازاقستاندىق ءتىزىمى جاسالىپ جۇرگەنىنە 10 جىل بولدى. بۇگىن ەڭ باي 50 قازاقستاندىقتىڭ ءتىزىمى جاريالاندى. ايتا كەتەيىك، ونىڭ ىشىنە قازاقستاندا كاسىبىن جۇرگىزىپ وتىرعان شەتەلدىكتەر دە ەنگەن.

وتكەن جىلى تىزىمدە بولعان ءتورت اۋقاتتى ادام بيىل تىزىمگە ەنبەدى، ونىڭ ىشىندە سەرجان جۇماشوۆ، نۇرلان بيزاقوۆ جانە اناتولي بالۋشكين بار. تىزىمگە جاڭادان ەنگەندەر ميحايل لومتادزە، تيمۋر تۋرلوۆ، قايرات يتەمگەنوۆ جانە سەيسەنباەۆتار وتباسى.

سونىمەن قاتار ءبىر جىل ىشىندە ميللياردەرلەر سانى ەكى ەسە وسكەن.

- ۆلاديمير كيم – 4,7 ميلليارد دوللار;

- ۆياچەسلاۆ كيم – 4,2 ميلليارد دوللار;

- ميحايل لومتادزە – 3,9 ميلليارد دوللار;

- بولات وتەمۇراتوۆ – 3,5 ميلليارد دوللار;

- تيمۋر قۇلىباەۆ – 2,9 ميلليارد دوللار;

- دينارا قۇلىباەۆا – 2,9 ميلليارد دوللار;

- تيمۋر تۋرلوۆ – 2 ميلليارد دوللار.

ولاردىڭ جيىنتىق بايلىعى – 24,1 ميلليارد دوللاردى قۇرادى. بۇل كورسەتكىش وتكەن جىلعى كورسەتكىشتەن ەكى ەسە كوپ (12,7 ميلليارد دوللار).

ەگەر تەك قازاقستاندىق ميللياردەردى الساق، ولاردىڭ بايلىعى 18,2 ميلليارد دوللاردى قۇرايدى. 50 داۋلەتتى قازاقستاندىقتىڭ بايلىعى – 37,5 ميلليارد دوللار.

Abai.kz