پرەزيدەنت اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ «وتكرىتىي ديالوگ 2.0» باعدارلاماسىندا قوناق بولىپ، «يرينا كايراتوۆنا» توبىنىڭ رەسەيلىك جۋرناليست دۋدقا بەرگەن سۇحباتىنا قاتىستى پىكىر ءبىلدىردى.

اباەۆ سۇحباتتى تولىق كورمەگەن. الايدا، ولاردى ءوز ەلىنىڭ پاتريوتتارى سانايتىنىن ايتىپتى. ال، «يرينا كايراتوۆنانىڭ» بيلىككە سىن ايتقان كەيبىر ويلارىمەن كەلىسۋگە بولادى دەيدى.

– بۇل ولاردىڭ قۇقىعى. بۇل ءبىزدىڭ ەلدە بيلىكتى سىنايتىن العاشقى ادامدار ەمەس. وركەنيەتتى الەم ءۇشىن بۇل قالىپتى جاعداي. ارينە، مەن كەيبىر تەزيستەرمەن كەلىسپەيمىن، كەيبىرەۋلەرىمەن ءىشىنارا كەلىسەمىن. جالپى، كوپتەگەن دۇرىس نارسەلەر ايتىلدى. بۇل جەردە ەڭ باستىسى – بالالاردىڭ ەل تاعدىرىنا نەمقۇرايلى قاراماۋى. مەنىڭ ويىمشا، بۇل ءبىزدىڭ جاڭا مادەني تولقىنىمىز ءۇشىن جاقسى قۇبىلىس.

ارينە، ولار شىعارماشىلىقتا وزدەرىن كورسەتۋدەن باسقا، وزدەرىنىڭ ازاماتتىق ۇستانىمدارىن ءجيى جاريالايدى.

كەيبىر مالىمدەمەلەر وتە قاتال بولىپ كورىنۋى مۇمكىن. مەنىڭ ويىمشا، بۇل قالىپتى جاعداي. تاعى ءبىر نارسە، ۋاقىت بارلىعىن ءوز ورنىنا قويادى. 

ايتا كەتەيىك، بۇعان دەيىن «يرينا كايراتوۆنا» توبىنىڭ «ۆدۋد» باعدارلاماسىنا بەرگەن سۇحباتى قوعامدا ۇلكەن تالقىعا تۇسكەن. وندا يك-نىڭ جىگىتتەرى قوعامداعى ساياسي ماسەلەلەر تۋرالى اشىق پىكىرلەرىمەن بولىسكەن بولاتىن.

Abai.kz