الماتى. 11 مامىر. قازاقپارات - الماتىداعى قر مەملەكەتتىك ورتالىق مۇراجايى 18 مامىر كۇنى  جەتىنشى رەت  «مۋزەي ءتۇنىن» وتكىزبەك.

حالىقارالىق مۋزەيلەر كۇنى اياسىندا جۇزەگە اساتىن شاراعا بۇل جولى كەلۋشىلەر سانى ادەتتەگىدەن كوبىرەك بولادى دەپ بولجانۋدا. شارانى ۇيىمداستىرۋشىلار بۇگىن ارنايى ۇيىمداستىرعان ءباسپاسوز ءماسليحاتىندا مالىمدەدى.

الماتى. 11 مامىر. قازاقپارات - الماتىداعى قر مەملەكەتتىك ورتالىق مۇراجايى 18 مامىر كۇنى  جەتىنشى رەت  «مۋزەي ءتۇنىن» وتكىزبەك.

حالىقارالىق مۋزەيلەر كۇنى اياسىندا جۇزەگە اساتىن شاراعا بۇل جولى كەلۋشىلەر سانى ادەتتەگىدەن كوبىرەك بولادى دەپ بولجانۋدا. شارانى ۇيىمداستىرۋشىلار بۇگىن ارنايى ۇيىمداستىرعان ءباسپاسوز ءماسليحاتىندا مالىمدەدى.

«بيىل ول «وزگەرىستەر الەمىندەگى مۋزەيلەر.جاڭا شاقىرۋلار مەن شابىتتىڭ قاينار كوزدەرى» دەگەن ۇرانمەن وتپەك.  2006 جىلدان بەرى ءداستۇرلى تۇردە ۇيىمداستىرىلاتىن «مۋزەي ءتۇنىن» قارسى الۋعا جىل سايىن 6 مىڭ ادام قاتىسادى. بيىل ولاردىڭ سانى بۇدان دا كوپ بولماق»، - دەيدى قر مەملەكەتتىك ورتالىق مۇراجايى ديرەكتورىنىڭ ءبىرىنشى ورىنباسارى بەيبىتقالي قاقاباەۆ. 

ونىڭ ايتۋىنشا، 1997 جىلى گەرمانيا  مۋزەيلەرى العاش رەت تۇندە كەلۋشىلەرگە ءوز ەسىگىن اشقان بولاتىن. كەيىن بۇل باستاما  الەمنىڭ وزگە ەلدەرىندە  جالعاسىن تاپتى. 

بەيبىتقالي سماعۇلۇلى: «وكىنىشكە وراي ول قازاقستاندا تەك قر ورتالىق مۋزەيىندە عانا وتكىزىلۋدە. وزگە ەلدەردە قالالىق اكىمشىلىك بۇل شارا كەزىندە ارنايى قوعامدىق كولىكتەر  ءبولىپ، وعان قاتىسۋشىلاردىڭ ءارتۇرلى مۋزەيلەردە بولىپ، ونداعى جادىگەرلەرمەن تانىسۋىنا جاعداي جاسايدى. ءبىزدىڭ ۇسىنىسىمىزعا ازىرگە وزگە مۋزەيلەردەگى ارىپتەستەرىمىز بەن قالالىق اكىمشىلىك تاراپىنان ەشقانداي قولداۋ جاسالماۋدا»،  - دەيدى.

ونىڭ سوزىنە قاراعاندا، «مۋزەي ءتۇنى» قالا تۇرعىندارى مەن قوناقتارى 17:00 مەن 24:00 ارالىعىندا ءحىح-حح عاسىرلارداعى وردەن-مەدالدار مەن بەلگىلەر جيىنتىعىنىڭ «ماراپاتتالادى...» جانە «قازاقستاننىڭ جانۋارلار الەمى»، «ۇلى وتان سوعىسىنىڭ قارۋ-جاراقتارى» كورمەلەرىن تاماشالايدى. ال ءاربىر 300-ءشى ادام «قازاقستاننىڭ ارحەولوگيالىق التىنى»، «انتروپولوگيا مۋزەيى»، «ن.گ. حلۋدەۆ زالى» سىندى بىرەگەي ونەر زالدارىندا ەكسكۋرسيا جاساۋعا مۇمكىندىك الادى. سونداي-اق ونەر شەبەرلەرىنىڭ كونتسەرتتەرى، «قازاقفيلم» كينوستۋدياسىنىڭ جاڭا تۋىندىلارى، ۇلتتىق كيىمدەر مەن شاش ۇلگىلەرى دەفيلەسى ۇسىنىلىپ، ساندىك  قولونەر بۇيىمدارىنىڭ كورمە-جارمەڭكەسى  دە ۇيىمداستىرىلادى.