2020 جىلى بيۋدجەتتەن 570 ميلليارد تەڭگە ءتيىمسىز جۇمسالعان. بۇل تۋرالى پارلامەنت پالاتالارىنىڭ بىرلەسكەن وتىرىسىندا ەسەپ كوميتەتىنىڭ ءتورايىمى ن.ن. گودۋنوۆا مالىمدەدى. 

ونىڭ ايتۋىنشا، پاندەميانىڭ سالدارىن جەڭىلدەتۋ ءۇشىن بولىنگەن قاراجات ۋاقىتىندا جۇمىس ىستەمەگەن.

«2020 جىلى ءبولىنىپ، ءتيىمسىز پايدالانىلعان بيۋدجەت قاراجاتىنىڭ سوماسى 570 ملرد. تەڭگەنى قۇرادى. بۇعان رەسپۋبليكالىق بيۋدجەتكە قاراجاتتى قايتارۋ دا، قولما-قول اقشانى باقىلاۋ شوتتارىنداعى قاراجات قالدىقتارى دا كىرەدى. سونداي-اق بارلىق مەملەكەتتىك اۋديت ورگاندارى، سونىڭ ىشىندە داعدارىسقا قارسى رەسۋرستاردىڭ جۇمسالۋى بويىنشا انىقتاعان بۇزۋشىلىقتار دا بار. ناتيجەسىندە بۇل اقشا پاندەميانىڭ سالدارىن جەڭىلدەتۋ ءۇشىن ۋاقىتىندا جۇمىس ىستەمەدى. تەك بۇل عانا ەمەس»،- دەدى ەسەپ كوميتەتىنىڭ باسشىسى.

سونداي-اق، ول سىرتقى قارىزداردى ءتيىمسىز تارتقانى جانە پايدالانعانى ءۇشىن، سونداي-اق ولاردى ۋاقتىلى يگەرمەگەنى ءارى كۇشىن جويعانى ءۇشىن دەربەس جاۋاپتىلىقتى قاتاڭداتۋ تالاپ ەتىلۋى ءتيىس دەيدى.

Abai.kz