حالىقارالىق اقشا قورى (حاق -مۆف) ساراپشىلارى ءار قازاقستاندىققا شاققانداعى مەملەكەتتىك قارىزدى ەسەپتەپتى.  حۆق مەمقارىزدىڭ ۇلكەندىگىنە وراي ەلدەردىڭ رەيتينگىن ءتۇزدى. قر ۇلتتىق بانكتىڭ جىلدىق ەسەبىنە سايكەس، 2011 جىل ءۇشىن قازاقستاننىڭ سىرتقى جالپى قارىزى  $ 123,8 ميلليارد بولىپتى. ستاتاگەنتتىك قيسابىنا سۇيەنسەك، ەلدە  ادام سانى - 16 ملن. 680 مىڭ 100.  ياعني، ورتاشا ەسەپپەن العاندا الگى جالپى قارىزدى ادام سانىنا بولسەك، ادام باسىنا  $ 7422 بەرەشەك مولشەرى شىعادى.

رەيتينگ كورسەتكىشىندە جاپونيا «تۇرعىن باسىنا شاققانداعى مەمقارىز» بويىنشا الدىنا جان سالمايدى. 2011 جىلعى قورىتىندى بويىنشا ءاربىر جاپونعا 105,5 مىڭ دوللار مەملەكەتتىك قارىزدان كەلەدى. ريا ءنوۆوستيدىڭ حابارىنا قاراعاندا، بۇل ەلدىڭ جالپى قارىزى -  13,5 تريلليون دوللار.

اقش بولسا، ەكىنشى ورىنداعى يرلانديادان ءسال كەيىندە. ءار امەريكالىقتىڭ موينىنا اقش-تىڭ  49,8 مىڭ دوللار قارىزى ايازداي باتۋدا. رەسەي بۇل كەستەدە 99-ورىندا ەكەن. ءاربىر رەسەيلىككە  شاققاندا - 1247 دوللار عانا مەمقارىز.

كوبىنەسە، ەل نەعۇرلىم بايىعان سايىن، سوعۇرلىم ءومىر دەڭگەيى جوعارى بولادى دا، مەملەكەتتىك قارىز دا سونشا كولەمدى كەلەدى. بۇل الەۋمەتتىك مىندەتتەمە مەن اۋقىمدى ماكروەكونوميكالىق پروگرامداردىڭ ىسكە اسۋى قوسىمشا قارجىلاردى تالاپ ەتىپ، ەل بيۋدجەتىنە سىيىسپاي جاتاتىندىعىمەن تۇسىندىرىلەدى.  ال، قوسىمشا قارجى تەك قانا قارىز بازارىندا عانا بولاتىنى بەلگىلى.

حالىقارالىق اقشا قورى (حاق -مۆف) ساراپشىلارى ءار قازاقستاندىققا شاققانداعى مەملەكەتتىك قارىزدى ەسەپتەپتى.  حۆق مەمقارىزدىڭ ۇلكەندىگىنە وراي ەلدەردىڭ رەيتينگىن ءتۇزدى. قر ۇلتتىق بانكتىڭ جىلدىق ەسەبىنە سايكەس، 2011 جىل ءۇشىن قازاقستاننىڭ سىرتقى جالپى قارىزى  $ 123,8 ميلليارد بولىپتى. ستاتاگەنتتىك قيسابىنا سۇيەنسەك، ەلدە  ادام سانى - 16 ملن. 680 مىڭ 100.  ياعني، ورتاشا ەسەپپەن العاندا الگى جالپى قارىزدى ادام سانىنا بولسەك، ادام باسىنا  $ 7422 بەرەشەك مولشەرى شىعادى.

رەيتينگ كورسەتكىشىندە جاپونيا «تۇرعىن باسىنا شاققانداعى مەمقارىز» بويىنشا الدىنا جان سالمايدى. 2011 جىلعى قورىتىندى بويىنشا ءاربىر جاپونعا 105,5 مىڭ دوللار مەملەكەتتىك قارىزدان كەلەدى. ريا ءنوۆوستيدىڭ حابارىنا قاراعاندا، بۇل ەلدىڭ جالپى قارىزى -  13,5 تريلليون دوللار.

اقش بولسا، ەكىنشى ورىنداعى يرلانديادان ءسال كەيىندە. ءار امەريكالىقتىڭ موينىنا اقش-تىڭ  49,8 مىڭ دوللار قارىزى ايازداي باتۋدا. رەسەي بۇل كەستەدە 99-ورىندا ەكەن. ءاربىر رەسەيلىككە  شاققاندا - 1247 دوللار عانا مەمقارىز.

كوبىنەسە، ەل نەعۇرلىم بايىعان سايىن، سوعۇرلىم ءومىر دەڭگەيى جوعارى بولادى دا، مەملەكەتتىك قارىز دا سونشا كولەمدى كەلەدى. بۇل الەۋمەتتىك مىندەتتەمە مەن اۋقىمدى ماكروەكونوميكالىق پروگرامداردىڭ ىسكە اسۋى قوسىمشا قارجىلاردى تالاپ ەتىپ، ەل بيۋدجەتىنە سىيىسپاي جاتاتىندىعىمەن تۇسىندىرىلەدى.  ال، قوسىمشا قارجى تەك قانا قارىز بازارىندا عانا بولاتىنى بەلگىلى.

دەگەنمەن، مەمقارىزدىڭ بولماۋى ەلدىڭ دامىعاندىعىن بىلدىرە بەرمەيدى. ماسەلەن، ماداعاسقار جان باسىنا شاققانداعى 26 دوللارمەن رەيتينگتىڭ ەڭ سوڭىندا تۇرسا، ال، ليبەريا (41 دوللار) مەن دەموكراتيالىق كونگو رەسپۋبليكاسى (69 دوللار) ليۆەريانىڭ الدىنا تۇسكەن. بۇل ەلدەردەگى مەمقارىزدىڭ از بولۋى ، ولاردىڭ جەكە رەسۋرستارىنىڭ وسالدىعىنان ەمەس، ولاردىڭ قارىز تارتاتىن جاعدايىنىڭ جوقتىعىنان بولىپ وتىر.

قازاقستان بولسا،  قارىزدار ەلدەر كەستەسىندە 88 ورىندى يەلەنۋدە. حاق ەسەبى بويىنشا، دابىل قاعار ءسات مەملەكەتتىك قارىزدىڭ ۇلكەندىگىنە قاتىستى ەمەس، ونىڭ ەلدەگى ىشكى جالپى ونىمگە اراقاتىسىنا قاتىستى كورىنەدى. ەندەشە، «وداقتاس» رەسەيدىڭ ءىجو-مەن سالىستىرا قاراساق، ءبىزدىڭ قارىزىمىز دابىل قاعۋعا تۇرارلىق ەكەنى ايان.

«اباي-اقپارات»