ەكى رەت كوز ءتيدى
جاقىندا قىتايدىڭ ءۇرىمجى قالاسىنا احمەتجان رابجاننىڭ شىعارماشىلىق كەشىنە بارىپ قايتتىڭىز. ول جاقتاعى قازاقتار ءسىزدى قالاي تانيدى؟
- قىتاي مەن قازاقستان اراسىنداعى رۋحاني قارىم-قاتىناس جاقسارعان كەزدە العاش رەت قارلىعاش بولىپ روزا رىمباەۆا بارعان-دى. روزا اپايىمىزدان سوڭ ەكىنشى بولىپ مەن باردىم.
1995 جىلى «قيماي سەنى بارامىن» اتتى بەينەكليپىم جارىققا شىققان كەزدە ءبىز BCD دەگەننىڭ نە ەكەنىن بىلمەيتىنبىز. سول ۋاقىتتا قىتايدا تۇراتىن ءبىر قازاق جىگىتى مەنى وسىندا ىزدەپ، كەلىپ بەينەكليپىمدى سۋ تەگىن الىپ كەتكەن-ءدى. مەن ءوزىم بىلمەيمىن، سول كەزدە اۋىل-اۋىلدا، تاۋداعى قويشىلاردان باستاپ بەيجىڭ، شانحاي، گونكونگ قالاسىندا تۇراتىن قازاق اتاۋلىعا 1996 جىلى بەلگىلى بولدىم.. سوندىقتان مەن قىتايعا ءجيى بارامىن. ونداعى باۋىرلارىم مەنىڭ تابانىمدى جەرگە تيگىزبەدى.  ولار دا ۇنەمى شاقىرىپ تۇرادى. 2001 جىلى قىتايداعى قازاقتاردىڭ ورتاسىندا «ۇكىلى ءۇمىت» دەگەن ءان سايىسى ءوتتى. سول كەزدە قوناق رەتىندە بارىپ، جەكە كونتسەرتىمدى بەرىپ قايتقان بولاتىنمىن.  بۇل ساپارىم قىتايعا بەسىنشى رەت رۋىم ەدى.
سول كەزدە سىزگە قىتايلىقتاردىڭ كوزى ءتيىپتى... دەپ ەستىدىك

ەكى رەت كوز ءتيدى
جاقىندا قىتايدىڭ ءۇرىمجى قالاسىنا احمەتجان رابجاننىڭ شىعارماشىلىق كەشىنە بارىپ قايتتىڭىز. ول جاقتاعى قازاقتار ءسىزدى قالاي تانيدى؟
- قىتاي مەن قازاقستان اراسىنداعى رۋحاني قارىم-قاتىناس جاقسارعان كەزدە العاش رەت قارلىعاش بولىپ روزا رىمباەۆا بارعان-دى. روزا اپايىمىزدان سوڭ ەكىنشى بولىپ مەن باردىم.
1995 جىلى «قيماي سەنى بارامىن» اتتى بەينەكليپىم جارىققا شىققان كەزدە ءبىز BCD دەگەننىڭ نە ەكەنىن بىلمەيتىنبىز. سول ۋاقىتتا قىتايدا تۇراتىن ءبىر قازاق جىگىتى مەنى وسىندا ىزدەپ، كەلىپ بەينەكليپىمدى سۋ تەگىن الىپ كەتكەن-ءدى. مەن ءوزىم بىلمەيمىن، سول كەزدە اۋىل-اۋىلدا، تاۋداعى قويشىلاردان باستاپ بەيجىڭ، شانحاي، گونكونگ قالاسىندا تۇراتىن قازاق اتاۋلىعا 1996 جىلى بەلگىلى بولدىم.. سوندىقتان مەن قىتايعا ءجيى بارامىن. ونداعى باۋىرلارىم مەنىڭ تابانىمدى جەرگە تيگىزبەدى.  ولار دا ۇنەمى شاقىرىپ تۇرادى. 2001 جىلى قىتايداعى قازاقتاردىڭ ورتاسىندا «ۇكىلى ءۇمىت» دەگەن ءان سايىسى ءوتتى. سول كەزدە قوناق رەتىندە بارىپ، جەكە كونتسەرتىمدى بەرىپ قايتقان بولاتىنمىن.  بۇل ساپارىم قىتايعا بەسىنشى رەت رۋىم ەدى.
سول كەزدە سىزگە قىتايلىقتاردىڭ كوزى ءتيىپتى... دەپ ەستىدىك
- سول جاقتاعى قازاقتاردىڭ شاقىرۋى بويىنشا شانحايدا ءبىر كونتسەرتكە قاتىستىم. كونتسەرتتەن قىتايلىق جىگىت «ءسىزدى سۋرەتكە تۇسىرسەم قالاي بولادى؟»، - دەپ قولقا سالدى. مەن قارسى بولمادىم. ولارعا ادەمى كيىمدەرىم ۇناعان ەكەن. سوسىن ويلاماعان جەردەن فوتوسەسسيا جاساتتىم. فوتوگراف سۋرەتكە ءتۇسىرىپ جاتىر. قىتايلار ادامعا دەگەن كوزقاراسىن اشىق ءبىلدىرىپ، ەموتسياسىن جاسىرمايدى ەكەن. سودان كەيىن 40 مينۋت وتە سالىسىمەن اۋا جەتپەي، تىنىسىم تارىلىپ كەتتى. جانىمدا جۇرگەن دوسىم، قىتايداعى تانىمال تەلەجۇرگىزۋشى گۇلنار ساكەنقىزىنان بۇل جەردەن تەزىرەك كەتۋدى ءوتىندىم. سونىمەن تاكسي ۇستاپ مەيمانحاناعا ارەڭ جەتتىك. ۇيگە ورالعان سوڭ دا ەشتەڭەگە زاۋقىم سوقپاي، سۇلىق ءتۇسىپ قاتتى اۋىردىم. نەگە ەكەنى بەلگىسىز. نەگىزى ءوز باسىم كوز ءتيۋدى ەلەي بەرمەيمىن. ومىرىمدە وسىنداي جاعداي ەكى رەت بولدى. ءبىرىنشىسى، «ومپا» فيلمىنە تۇسكەندە. بانكەت كەزىندە ەكى فرانتسۋز ماعان قادالا قاراپ وتىردى. سوڭىنان قالاي اۋىرعانىمدى بىلمەي قالدىم. ەكىنشىسى - قىتايدا.
مەن ايتپايمىن، ايتسام، ايتقانىمنان قايتپايمىن
قىتايدا فونوگراممامەن ءان ايتۋعا تىيىم سالىنعان عوي. ءبىزدىڭ ەلدە جاعداي كەرىسىنشە. كوبىنەسە، ءاندى فونوگراممامەن ورىنداپ جۇرگەن ادامعا قيىن سوققان جوق پا؟
- ول جاقتا انشىلەر ءتىرى داۋىستا ءان سالادى. ويتكەنى، قىتايدىڭ ساحنالارىندا بارلىق ءتيىمدى جاعدايلار جاسالعان. ءسىز كورىپ وتىرسىز، مىنا جەردە (رەسپۋبليكا سارايىندا) قانداي؟ سۋىق ۇرىپ تۇر. بۇل - ءبىزدىڭ مەملەكەتىمىزدىڭ ەڭ باستى ساحناسى. سارايدىڭ ارەنداسى ميلليون تەڭگە. نەگە وسى جەردە ساز-اسپاپتار وركەسترى وتىرماسقا؟ كۇندەلىكتى وسىندا كەلىپ نەگە اندەرىمىزدى دايىنداماسقا؟ بىزگە تىرىدەي ءان ايت دەيدى. قالاي ايتامىز؟ كەيبىر انشىلەردىڭ جەكە ستۋدياسى بار. بىراق، كوپشىلىگىندە ستۋديا جوق. ءبىر ءاندى وڭدەۋدىڭ ءوزى قانشاما قارجىنى قاجەت ەتەدى.
ال، قىتايعا بارعاندا فونوگرامماسىز ءان ايتۋ قيىنعا سوققان جوق. ابدەن دايىندالدىق. ول جاقتا دا دايىندالاتىن ۋاقىت بولدى. ەڭ باستىسى، تابيعي داۋىستى ساقتاۋ كەرەك. ساحنادا جايدارى كورىنگەنىڭىزبەن، كۇندەلىكتى ومىردە مىنەزىڭىز باسقاشا سەكىلدى...
- مەن ەر ادام سياقتىمىن. ايتقانىمنان قايتپايمىن. كەيبىر ادامدار ماعان وكپەسىن ءبىلدىرىپ، سوزدەرىمە تۋىستارىم دا رەنجىپ جاتادى. ءبىر ۋاقىتتا مويىنىما اۋىرتپاشىلىقتار ءتۇستى. ول مەنىڭ تۋىستارىما دەگەن جاۋاپكەرشىلىگىمدى وسىرۋگە ءماجبۇر ەتتى. ادام تاعدىر جولىن ءوزى ويلاپ تاپپايدى عوي. اللا تاعالا بىزگە سىناق جىبەرەدى. سونداي الماعايىپ كەزدە وتباسىلىق كوشتى باستاۋعا ءماجبۇر بولدىم. ال، ساحنادا جايدارى، ادەمى بولىپ كورىنەمىن. ءاۋ باستا شىققان اندەرىمدى تىڭداعان كورەرمەندەر «ءوي سورلى، بۇل باقىتسىز ەكەن، تانيا بۋلانوۆا»، - دەپ كەتتى عوي. بىراق مەن ومىردە ونداي ادام ەمەسپىن. مەن جىگەرلىمىن، ەر مىنەزدىلىگىم بار. بىرەۋگە ءسوز بەرسەم، مىندەتتى تۇردە ورىندايمىن. تاعى ءبىر قاسيەتىم - ەشقاشان كەشىكپەيمىن.
«قيماي سەنى بارامىن» - ۋاقىت وتسە دە ەسكىرمەيتىن تۋىندى
پاسپورت دەپ جاتامىز. اندەرىڭىزدىڭ ىشىندەگى «تولقۇجاتىڭىز» قايسىسى؟
- «تولقۇجاتىم» - «قيماي سەنى بارامىن» دەگەن ءان. جۋىردا «قازاقستان» تەلەارناسىندا «تۇڭعىش» دەگەن باعدارلامادا كورسەتىلدى. مەن قازاقستانعا تۇڭعىش بەينەكليپتى الىپ كەلگەن اداممىن. ونى ماقتانىپ تا ايتا الامىن. ەڭ ءبىرىنشى بەينەكليپ تۇسىرىلگەن «قيماي سەنى بارامىن» ءانى. بۇگىنگى كۇندەرى ماحاببات تۋرالى اندەر وتە كوپ. سوندا دا وسى ءاندى ورىندا دەپ جۇرتشىلىق نيەت ءبىلدىرىپ جاتادى. كەيدە «بۇل انمەن زەينەتاقىعا شىعامىن با، قويىڭىزدىرشى، ايتپايمىن» دەپ قويامىن. توي-تومالاققا بارسام دا سول ءاندى سۇراپ جاتادى. كەيبىر اندەر بولادى، قانشا ۋاقىت وتسە دە ءمانى وزگەرمەيدى. «قيماي سەنى بارامىن» - ۋاقىت وتسە دە ەسكىرمەيتىن تۋىندى. بۇل ءاننىڭ اۆتورلارى ءشومىشباي ساريەۆ پەن تولەگەن مۇحامەدجانوۆ. سوندىقتان تىڭدارمان وسى ءانىمدى جادىنان شىعارعىسى كەلمەيدى. مەن ويلايمىن، بۇل ءانىمنىڭ جالپاق جۇرتقا تانىلۋىنىڭ سەبەبى كوپ. اۋەلگىسى - تۇڭعىش بەينەكليپ. سودان كەيىنگىسى - جاستىق جالىنىم. ساحناعا شىعاتىن كەزىمدە ت.مۇحامەدجانوۆ ءاندى سۋپتون داۋىسپەن ايت، سوندا عانا ءبىز جۇرتتى تاڭ قالدىرا الامىز دەدى. سونداي ەرەكشەلىكتەردىڭ ارقاسىندا ءان كوشتەن قالماي كەلە جاتىر.
تەاتردىڭ 5000 تەڭگەسى ءۇشىن سۇپ-سۋىق ساحنادا جۇرۋگە ءماجبۇر بولدىم
اكتەرلىك پەن انشىلىك دەيتىن قوس ونەردىڭ تىزگىنىن قاتار ۇستاعان ادامسىز. قازىر «ەكى كەمەنىڭ باسىنان ۇستاعان سۋعا كەتەدى» دەمەكشى، اكتەرلىك جولدان ءبىرجولا كەتتىڭىز بە؟
- 2000 جىلى ع.مۇسىرەپوۆ اتىنداعى اكادەميالىق بالالار جانە جاسوسپىرىمدەر تەاترىنان كەتتىم. سودان باستاپ تەاترعا ورالعان جوقپىن. ودان كەيىن ءسۇيىنباي اتىنداعى وبلىستىق فيلارمونيادا جۇمىس ىستەدىم. ءوزىمدى ءانشى رەتىندە كورگىم كەلدى. تەاتردىڭ بەرەتىن 5000 تەڭگەسى ءۇشىن سۇپ-سۋىق ساحنادا جۇرۋگە ءماجبۇر بولدىم. ول كەزدەردە توي-تومالاق كوبەيگەن بولاتىن. سوندا مەنى كوپ شاقىراتىن. قالانىڭ ىشىندە 300-500 دوللار السام، تەاتردا ءبىر ايتقان ءسوزىمدى قىرىق رەت قايتالاپ 5000 تەڭگە الاتىنمىن. ارينە، ونىڭ ءبارى ماتەريالدىق جاعدايىما اسەر ەتپەۋى مۇمكىن ەمەس قوي. وسىنداي جاعدايلارعا بايلانىستى تەاترمەن قوش ايتىستىم. تەاتر دەگەن ۇجىمدىق جۇمىس. سەن بۇگىن ءرول بويىنشا ايتاتىن ەكى ءسوزىڭ بولسا دا، ساحناعا شىقپاي قالساڭ، ەكى اي بويى دايىنداعان قويىلىمىڭ بەكەرگە كەتەدى. ال، ەسترادادا ونداي تالاپتارعا مويىنۇسىنبايسىڭ، ءوز ەركىڭ وزىڭدە. بىردە تاماشاعا قاتىساتىن بولدىم. تاماشا وتەتىن كۇنى بارماي قالىپ ەدىم، تەاتردا كوپتەگەن ماسەلەلەر تۋىندادى. سوسىن، ءوز بەتىممەن ءاندى تاڭداپ الدىم. ارينە، تەاتردان كەتۋ مەن ءۇشىن قيىن بولدى. قۇدايعا شۇكىر، تەاتردىڭ كيەلى ساحناسىندا باستى-باستى رولدەردى سومدادىم. ۇجىمدىق ورتادا قىزمەت ەتكەننەن كەيىن تەاتردى قيمادىم، دالادا قالىپ قويعانداي بويىمدا قورقىنىش تا بولدى. بىراق، ءدال بۇگىنگى كۇنگە دەيىن تەاتردا بولعان ءۇش جىلدىڭ ىشىندە ەشكىمنىڭ دە الا ءجىبىن اتتاعان جوقپىن. مەن تەاترعا بالا بولىپ كەلىپ، بالاداي پاك، تاپ-تازا كۇيىمدە كەتتىم دەپ ويلايمىن. ويتكەنى، وسى ۋاقىتتا تەاترداعى اعا-اپالارىممەن كەزدەسكەندە ولار ەرەكشە سەزىممەن اماندىعىمدى سۇراپ جاتادى.
ارمانىم - راديودا جۇمىس ىستەۋ
اننەن باسقا كوڭىلىڭىز تاعى دا نەنى قالايدى؟
- مەن تەاتردا ىستەدىم، كينولارعا ءتۇستىم، تەلەۆيدەنيە سالاسىندا دا ەڭبەك ەتتىم. ەندى راديو سالاسىندا جۇمىس جاساسام دەگەن ۇلكەن ارمانىم بار. ەگەر راديوعا بىرەۋلەر شاقىراتىن بولسا، قۋانا-قۋانا بارار ەدىم.
ءبىر جىلدارى ي.راسىلحانمەن بىرگە ءان ايتقانىڭىز ەسىمدە. الداعى مەزگىلدە باسقا دا انشىلەرمەن بىرىگىپ ءان سالۋ جوسپاردا بار شىعار...
- بيىل مەنىڭ ومىرىمدەگى ءبىر جاڭالىق - قىتاي حالىق رەسپۋبليكاسىنىڭ پرەزيدەنتىنىڭ شاقىرۋىمەن كەلگەن وپەرا ءانشىسى وتانبەك ەڭسەحانمەن دۋەت ايتتىم. «سەنىڭ تۋعان كۇنىڭدە» اتتى انگە بەينەكليپ ءتۇسىرىلىپ، استانانىڭ 10-جىلدىعىنا بايلانىستى تەلەديداردان بىرنەشە مارتە كورسەتىلدى. بۇل مەنىڭ ومىرىمدەگى ەرەكشە جاڭالىق دەپ ويلايمىن. وتانبەك وپەرا ءانشىسى بولعاننان سوڭ، شەتەلدەردە كوپ جۇرەدى، ونى ۇستاۋ قيىن. ءدال وسى ءاندى دۋەتپەن ورىندايىق دەگەن ۇسىنىس بولدى دا، بولات قۇسايىنوۆ دەگەن ەسترادالىق انشىمەن قايتادان جازدىردىق. كەيبىرەۋلەر بولاتپەن ايتقان ءان جاقسى شىعىپتى دەيدى، بىرەۋلەر وتانبەكپەن بىرگە ايتقانىما وڭ باعاسىن بەردى. تالعامى بيىك كورەرمەن ءوزى تارازىلاپ الادى عوي. ءوزىم جالعىز تاعى ورىندادىم. سونىمەن بەينەكليپتى دە تۇسىردىك. اتالعان ءاننىڭ ۇپايى تۇگەل دەپ بىلەمىن. جۇرت مەنەن «تۋىندى استانانىڭ مەرەكەسىنە وراي تۋعان ءان بە؟» دەپ سۇراپ جاتادى. بىراق، ولاي ەمەس. سۇيىكتىم قازىر استانادا تۇرىپ جاتىر. سۇيىكتىمنىڭ تۋعان كۇنىنە قانداي سىي جاساساق دەپ ويلانا كەلە، مىڭ تولعانىپ، اقىن بولماسام دا جۇرەگىمنەن شىققان جاقسى سوزدەردى قاعازعا ءتۇسىردىم. سوسىن ولەڭدى اقىن ابدراحمان اسىلبەكوۆكە وڭدەتتىم. ەكەۋىمىز بىرگە وتىرىپ جازدىق. ولەڭنىڭ ەلۋ پايىزى مەنىكى، ەلۋ پايىزى سول كىسىنىكى دەپ اشىق ايتامىن. وعان ابدراحمان اعا ەش رەنجىمەس دەپ ويلايمىن. ءان كىرشىكسىز سەزىمنەن تۋىنداعان تۋىندى.
قازاق ەستراداسىنا اعايىن-تۋىستىق، تامىر-تانىستىق ەمەس، قاراجات پەن قولداۋ قاجەت
بۇگىنگى ەسترادانى تىڭدارمان تۇرعىسىنان قالاي باعالار ەدىڭىز؟
- رەسەيدىڭ باعدارلامالارىن كورىپ رازى بولاسىڭ. «ەكى جۇلدىز» باعدارلاماسىندا تىرىدەي وركەستر وينادى. سول ەلدىڭ ونەر جۇلدىزدارى، اكتەرلەرى ءان شىرقايدى. مەن ويلايمىن، بۇگىنگى كۇنى قازاق ەستراداسىنا لايىقتى قاراجات بولىنسە، مەتسەناتتار كوبەيسە، ول مەنىڭ قۇدام، باۋىرىم، جەرلەسىم، رۋلاسىم دەگەن سوزدەر توقتاسا، تەك قانا شىن تالانتقا جول اشىلسا، بالكىم بىزدە جاعداي وزگەرەر مە ەدى. قازىرگى كەزەڭ - قازاق ەستراداسىنىڭ ءتاي-ءتاي باسىپ كەلە جاتقان مەزگىلى. انشىلەر نە ىشەم، نە كيەم، نە ايتام، نە قويام دەسە دە ءوز ەرىكتەرىندە.
- وسى كۇنى قانداي پروديۋسەر، اقىن، سازگەرلەرمەن جۇمىس جاسايسىز؟
- جەكە پروديۋسەرىم جوق. ال، مۋزىكالىق پروديۋسەرىم - قايرات جانگەلدى دەيتىن جىگىت. ول جىگىتسىز ءانىم ءان ەمەس، ءسانىم ءسان ەمەس. قولىنان كەلگەن كومەگىن ايامايدى. ءوزى بيىك دەڭگەيدەگى وڭدەۋشى، دىبىس رەجيسسەرى. باسىندا مۋزىكالىق پروديۋسەرىم تولەگەن مۇحامەدجانوۆ بولدى. ول كىسىمەن بىرگە ءبىر البوم جازىلدى. قازىر قايرات جانگەلدىمەن قويان-قولتىق جۇمىس جاساۋدامىن. اندەردى دايىنداۋ سونىڭ قۇزىرىندا. بىراق، باسقا قالالارعا شىعىپ كونتسەرتتەر وتكىزگەن كەزدە، ارينە، ادمينيستراتور جالدايمىن. ويتكەنى، مەنىڭ بيلەت تاراتىپ جۇگىرىپ ءجۇرۋىم مۇمكىن ەمەس. جانار قادىروۆا اتتى ادمينيستراتورىمنىڭ دەنساۋلىعىنا بايلانىستى ءبىر جىلداي جۇمىس ىستەگەن جوقپىن. ال، اقىندار جاعىنا ويىسساق، ۇناتاتىن اقىندارىم - ابدراحمان اسىلبەك، نازيرا بەردالى، جانارگۇل قادىروۆا. جاس اقىندار كوپ. وسىلاردىڭ ىشىندە تاناگوز تولقىنقىزىنىڭ ولەڭدەرىن ۇناتامىن.
ورىسشاعا جۇيرىك ۇلىمدى قازاقشا مەكتەپكە بەردىم
- وتباسىڭىز جايلى بىلسەك...
- وتباسىمدا انام، نۇرعيسا ەسىمدى ۇلىم جانە مەن. بۇگىنگى كۇنى ۇشەۋىمىز تۇرىپ جاتىرمىز. ۇلىم - جەتى جارىم جاستا. بيىل مەكتەپ تابالدىرىعىن اتتادى. بالامدى ۇيگە جاقىن بولعان سوڭ ورىسشا بالاباقشاعا بەرگەن بولاتىنمىن. ونى اياقتاعان سوڭ ورىسشاعا جۇيرىك ۇلىمدى قازاقشا مەكتەپكە اپاردىم. ءبىز ءتىلىمىز وگەيلەنىپ وتىرعان زاماندا جاس ۇرپاققا ۇلگى كورسەتىپ، ۇلتتىق رۋحىمىزدى كوتەرۋىمىز كەرەك. قازاقتىڭ قارادومالاقتارى ەندىگى ۋاقىتتا قازاقشا سويلەسىن دەگەن ماقساتپەن ورىسشا سويلەپ تۇرعان بالامدى قازاقشا ورتاعا بەيىمدەدىم. وسى ورايدا مەنىڭ انا رەتىندەگى ولقىلىعىم - بالامدى ورىسشا بالاباقشاعا بەرگەندىگىم. ويتكەنى، ءوز باسىما ۇلىم وسپەيتىن سياقتى بولىپ كورىندى. بيىل بالام مەكتەپكە بارعان كەزدە ءبىراز مەكتەپتەردى ارالادىق. سەبەبى، الماتىدا 500-گە تارتا مەكتەپ بار ەكەن. ونىڭ ىشىندە، بىلۋىمشە، جيىرما مەكتەپ قانا تازا قازاقشا ءبىلىم بەرەدى. نەگە ءبىزدىڭ ورىسشا مەكتەپتەردىڭ ىشىنەن قازاقشا سىنىپتار اشپاسقا؟
- ءوزىڭىزدى جاقىندا تەلەديداردان كورىپ قالدىق...
- «قازاقستان» ۇلتتىق تەلەارناسىنداعى جاڭادان اشىلعان «ينتەللەكتۋالدىق وليمپيادا» تەلەجوباسىن جۇرگىزۋگە كىرىستىم. اتالمىش باعدارلاما اپتاسىنا ەكى رەت كورسەتىلەدى. سونىمەن قوسا، التى باعدارلامانى جۇزەگە اسىرۋعا كەلىسىمگە قول قويدىم. الداعى ۋاقىتتا بۇل باعدارلاما جۇرگىزىلە مە، جۇرگىزىلمەي مە، بۇل ءالى بەلگىسىز. بىراق التى باعدارلامانى جۇرگىزەتىنىم ءسوزسىز.
ءان مەن ءانشى قابىسپاسا شىنايى ونەر تۋمايدى
حالىققا ءانشىنى جاقسى ءان تانىتا ما، الدە ءانشى ءاندى تانىمال ەتە مە؟
- ءان مەن ءانشى - ەشقاشان دا ءبىر-بىرىنەن ءبولىپ قاراۋعا كەلمەيتىن ءبىرتۇتاس ۇعىم. ومىردە تانىمال، ءارى داۋىسى ۇشار بيىككە ەركىن سامعايتىن انشىلەر بار. بىراق ءوز ءانىن تابا الماي قور بولىپ جۇرگەن انشىلەردى كورەمىز. تۇپتەپ كەلگەندە ءان مەن ءانشى ءوزارا قابىسپاسا، شىنايى ونەر تۋمايدى.
- شىعارماشىلىق ومىرىڭىزدە قانداي جاڭالىق بار؟
- جاقىندا «ساعىم جىلدار» ءانىن وڭدەپ، «ساعىندىرعان اندەر-اي» اتتى باعدارلاماعا الىپ شىقپاقپىز. ازىرگە مەندەگى جاڭالىق - وسى.

ولجاس قاسىم   
"قازاقستان زامان" گازەتى 2 شىلدە 2009 جىل