11 قاراشادا جۋرناليستەر سۇراعىنا جاۋاپ بەرگەن تسيفرلىق دامۋ، يننوۆاتسيا جانە اەروعارىش ونەركاسىبى ءمينيسترى باعدات مۋسين رەسەيلىك "سبەرمەن مەموراندۋمنىڭ كۇشى جويىلدى" دەگەن سىبىستى راستامادى. ول تەك جوبانى جۇزەگە اسىرۋ كەزىندە قازاقستاندىق مامانداردىڭ ءرولى ارتاتىنىن جەتكىزدى.

"مەموراندۋم اياسىندا قاجەتتى جۇمىستار جۇرگىزىلىپ جاتىر" دەدى مينيستر.

"تسيفرلاندىرۋ جوباسى" بويىنشا قۇرىلعان ساراپشىلار كەڭەسىنىڭ مۇشەسى مۇحتار تايجان ءبىر كۇن بۇرىن Facebook پاراقشاسىندا رەسەيلىك "سبەربانك قازاقستاندى تسيفرلاندىرۋمەن اينالىسپايدى، ەندى ونىمەن تەك قازاقستاندىق ءىت ماماندار عانا اينالىسادى، ۇكىمەت ۇستانىمىن تۇبەگەيلى وزگەرتتى" دەپ جازعان ەدى. بۇل قوعامدا قازاقستان رەسەيلىك "سبەرمەن جاساسقان مەموراندۋمنىڭ كۇشىن جويدى" دەگەن سىبىستىڭ تارالۋىنا تۇرتكى بولعان.

"وسى پلافتورمالىق مودەلگە كوشۋگە جوبالاپ ايتقاندا 500 ملن دوللار جۇمسالادى. قازاقستاندىق ماماندار وسى جوبانىڭ ەڭ ماڭىزدى بولىگىمەن اينالىسادى. سول سەبەپتى بارلىق قاراجات "سبەرگە" جۇمسالادى دەپ ايتۋعا بولمايدى. قوماقتى قاراجات قازاقستاندىق ءىت كومپانيالارعا جۇمسالادى. پلاتورفمالىق مودەلگە كوشۋ بويىنشا قاجەتتى ينفراقۇرىلىم، سەرۆەرلىك ورتالىق قازاقستاندا قالادى. ول ەشقايدا كەتپەيدى", - دەدى مينيستر.

Abai.kz