تالدىقورعان گارنيزونى اسكەري پروكۋراتۋراسى بيىلعى جىلى ەلباسى مەن پرەزيدەنتتىڭ بەرگەن تاپسىرمالارىن، جارلىقتارىن، باس پروكۋراتۋرانىڭ شەشىمدەرى مەن بۇيرىقتارىن ورىنداۋدا سونداي-اق قىلمىسپەن كۇرەسۋ باعىتىندا وراسان زور كۇش جۇمسادى.

اسكەري پروكۋراتۋرا اسكەري ءتارتىپتى كۇشەيتۋ ارقىلى اسكەري بولىمشەلەردە قاتاڭ جارعىلىق ءتارتىپ ەنگىزدى. سونىڭ ارقاسىندا ءبىراز ناتيجەگە جەتتى. سىبايلاس جەمقورلىقپەن كۇرەس جۇرگىزدى، اسكەري قىزمەتكەرلەردىڭ ءومىرى مەن دەنساۋلىعىنا قاتىستى زاڭداردىڭ دەر كەزىندە ورىندالۋىن قاتاڭ تالاپ ەتتى. اسكەري بولىمدەردىڭ، سولارعا قاراستى مەكەمەلەردىڭ ىشكى جاعدايىنا كوڭىل ءبولىنىپ، اسكەري قارۋ-جاراق، اسكەري مۇلىكتىڭ دۇرىس ساقتالۋىن قامتاماسىز ەتۋدە ءبىراز ءىستىڭ باسىن قايىردى. اسكەري قىزمەت زاڭناماسىنىڭ نەگىزگى مىندەتتەرىنىڭ ءبىرى بولىپ تابىلاتىن مەملەكەتتىڭ قارجىلىق مۇددەسىن قورعاۋ مەن وعان زيان كەلتىرىلگەن جاعدايدا وتەۋ.

اتالعان پروكۋراتۋرا بيىل قارۋ-جاراقتىڭ ساقتالۋ جاعدايىنا قاراستى زاڭعا قاراي اتقارىلاتىن مىندەتتەرگە وزگەرىس ەنگىزدى. مىسالى، اسكەري وبەكتىلەرگە جۇرگىزىلگەن جوندەۋ جۇمىستارىن قاداعالاپ، تىڭعىلىقتى تەكسەرىس جۇرگىزدى. قاداعالاۋ بارىسىندا جوندەۋ جۇمىستارىن جۇرگىزۋ، جوسپارلاۋ جانە قابىلداپ الۋ مىندەتتەرىن اتقارۋ كەزىندە زاڭ بۇزۋشىلىقتار بولعانى انىقتالدى. سونىڭ ناتيجەسىندە 12,5 ميلليون تەڭگە ۇكىمەتكە شىعىن كەلگەن.

ۇكىمەتكە شىعىندى قايتارۋ ماقساتىندا پروكۋرورلىق قاداعالاۋ اكتىلەرى جاسالىپ، بۇگىندە شىعىن وتەلىپ جاتىر. ءارى تەرروريستىك ارەكەتكە توتەپ بەرە المايتىن اسكەري نىشانداردى دا قاتاڭ باقىلاۋعا الىنعان.

قازىرگى تاڭدا پاراقورلىق، مەملكەتتىك مۇلكىن زاڭسىز ءوز پايداسىنا اسىرعىسى كەلەتىندەردىڭ ءىس-ارەكەتى اسكەري پروكۋراتۋرانى الاڭداتاتىن جاعدايدىڭ ءبىرى. جەمقورلىقتىڭ جولىن جابۋدىڭ ءبىر جولى قاتاڭ شارالار قولدانۋ. وسى ورايدا پروكۋراتۋرا اسكەري ورىنداردا جەمقورلىقتىڭ الدىن-الۋ ءۇشىن «سىبايلاس جەمقورلىق تاۋەكەلى پاسپورتى» ىسكە قوسىلدى.

Abai.kz