تاۋەلسىزدىككە 30 جىل تولىپ، ەلىمىزدىڭ ءار ايماعىندا ءتۇرلى ءىس-شارالار وتكىزىلۋدە. الماتى وبلىسىندا وسىناۋ مەرەكەگە وراي مىڭنان اسا جيىندار وتكەن. ەگەمەندىگىمىزدى ۇلىقتايتىن سالتاناتتى ءىس-شارالاردى وتكىزۋ جوسپارى بويىنشا الماتى وبلىسىندا وڭىرلىك كوميسسيا قۇرىلعان. جوسپار بويىنشا وتكىزىلگەن شارالار سانى 1145 كە جەتىپ، ونىڭ ىشىندە 5 حالىقارالىق، 11 رەسپۋبليكالىق، 169 وبلىس جانە اۋداندىق 960 قالالىق دەڭگەيدەگى ءىس-شارا وتكەن.

بيىلعى جارتى جىلدىقتا "يگى ىستەر مارافونى" جالپىۇلتتىق جوباسى، "30 يگى ءىس" قايىرىمدىلىق اكتسياسى، "بىرگە تازا قازاقستان ءۇشىن" سەنبىلىگى، "تاۋەلسىزدىك بارىنەن قىمبات" عىلىمي كونفەرەنتسياسى، الماتى وبلىسى حالىق تەاترلارىنىڭ فەستيۆالى، "مەن قازاقستاننىڭ پاتريوتىمىن!" اكتسياسى،"ەل استاناسى" فوتوكورمەسى سياقتى اۋقىمدى جيىندار قولعا الىنعان.

الماتى وبلىسىندا جىل باسىنان باستاپ 100 اسا جاڭا نىساندار بوي كوتەردى. 76 تۇرعىن ءۇي، 6 مەكتەپ، 135 بالاباقشا، 3 سپورت الاڭى، 3 دەنەشىنىقتىرۋ كەشەنى، 3 دارىگەرلىك امبۋلاتوريا، 2 مادەنيەت ءۇيى،ءتۇرلى وندىرىستىك جانە الەۋمەتتىك-مادەني كەشەندەر پايدا بولدى.

بۇعان قوسا باسپا بەتتەرىندە، الەۋمەتتىك جەلىلەردە تاۋەلسىزدىىكە وراي ۇيىمداستىرىلعان #Qazaqstan30 حەشتەگىمەن «تاۋەلسىزدىكتىڭ بەرەر ماڭىزى تۋرالى» 246 جاريالانىم جاسالعان.

بيىلعى جىل «ەرىكتىلەر جىلى» بولىپ بەكىتىلدى،  سوندىقتان «يگى ىستەر مارافونى» جوباسى بىرتىندەپ ىسكە اسىپ جاتىر.

پرەزيدەنت ايتقان «ەرىكتىلىكتىڭ 7 باعىتى» اياسىندا 1051 اكتسيا ءوتىپ ، وعان 13 مىڭداي ادام قاتىسقان.

وبلىستا ءارتۇرلى ازىق-تۇلىك جارمەڭكەلەرىنەن باستاپ، عىلىمي كونفەرەنتسيالارعا دەيىن ۇيىمداستىرىلىپ جاتىر.

الماتى وبلىسىنىڭ ەگەمەندىككە وراي 16 قاراشادان 16 جەلتوقسانعا دەيىن ءبىر اي بويى جالعاساتىن ءىس-شارالارىنىڭ جوسپارى دا بەكىتىلىپ، ورىندالۋعا ساقاداي-ساي تۇر.

Abai.kz