«ارقانكەرگەن» شەكارا بەكەتىندە قىرعىن سالىپ، 14 شەكاراشى سارباز بەن ءبىر قورىقشىنى قىرىپ سالدى دەگەن كۇدىكپەن تەرگەۋدە جاتقان شەكاراشى ۆلاديسلاۆ چەلاحقا رەسمي تۇردە ايىپ تاعىلدى.

قورعاۋشى تولەگەن بەرلىقوجانوۆتىڭ ايتۋىنشا، چەلاحقا تومەندەگىدەي سەگىز باپ بويىنشا ايىپ تاعىلعان:
«ەكى نەمەسە ودان كوپ ادام ءولتىرۋ»، «ادامنىڭ جەكە زاتىن قولدى قىلۋ»، «قۇپيا ماتەريالداردى قىمقىرۋ» (مەملەكەتتىك شەكارا كارتاسى), «قارۋ ۇرلاۋ» (كوماندير كەرەەۆتىڭ تاپانشاسى), «زاڭسىز قارۋ الىپ ءجۇرۋ (كوماندير كەرەەۆتىڭ تاپانشاسى), «اسكەري زاتتاردى قيراتۋ» (شەكارا اسكەري بەكەتىن ورتەپ جىبەرۋى), «قاشقىندىق» جانە "وزگەنىڭ ۇيىنە زاڭسىز باسا-كوكتەپ كىرۋ».

چەلاحتىڭ قورعاۋشىسى تولەگەن بەرلىقوجانوۆ اتالعان ايىپتاردىڭ ەشبىرىمەن كەلىسپەيتىندىكتەن دە چەلاحتىڭ كىناسىز ەكەنىن سوتتا دالەلدەيمىز دەپ بەلدى بەكەم بۋىپ وتىر ەكەن. قورعاۋشى كەلەسى اپتادا قىلمىستىق ءىس قولدارىنا تيسە، مۇقيات قاراپ، تانىساتىندىقتارىن جانە سوتتىڭ القا بيلەردىڭ قاتىسۋىمەن ءوتۋىن سۇراپ ارىز جازىپ جىبەرگەندەرىن دە مالىمدەدى.

ال، چەلاحتىڭ اتاسى بولسا، نەمەرەسىنىڭ ۇستىنەن قوزعالعان قىلمىستىق ءىستى توقتاتۋدى تالاپ ەتكەن. ونىڭ ويىنشا، قۇقىق قورعاۋ ورىندارى چەلاحتى كۇدىكتى رەتىندە تەرگەۋ اباقتىسىندا ۇستاۋ ارقىلى ونىڭ كونستيتۋتسيالىق قۇقىن بۇزىپ وتىرعان كورىنەدى.

«ارقانكەرگەن» شەكارا بەكەتىندە قىرعىن سالىپ، 14 شەكاراشى سارباز بەن ءبىر قورىقشىنى قىرىپ سالدى دەگەن كۇدىكپەن تەرگەۋدە جاتقان شەكاراشى ۆلاديسلاۆ چەلاحقا رەسمي تۇردە ايىپ تاعىلدى.

قورعاۋشى تولەگەن بەرلىقوجانوۆتىڭ ايتۋىنشا، چەلاحقا تومەندەگىدەي سەگىز باپ بويىنشا ايىپ تاعىلعان:
«ەكى نەمەسە ودان كوپ ادام ءولتىرۋ»، «ادامنىڭ جەكە زاتىن قولدى قىلۋ»، «قۇپيا ماتەريالداردى قىمقىرۋ» (مەملەكەتتىك شەكارا كارتاسى), «قارۋ ۇرلاۋ» (كوماندير كەرەەۆتىڭ تاپانشاسى), «زاڭسىز قارۋ الىپ ءجۇرۋ (كوماندير كەرەەۆتىڭ تاپانشاسى), «اسكەري زاتتاردى قيراتۋ» (شەكارا اسكەري بەكەتىن ورتەپ جىبەرۋى), «قاشقىندىق» جانە "وزگەنىڭ ۇيىنە زاڭسىز باسا-كوكتەپ كىرۋ».

چەلاحتىڭ قورعاۋشىسى تولەگەن بەرلىقوجانوۆ اتالعان ايىپتاردىڭ ەشبىرىمەن كەلىسپەيتىندىكتەن دە چەلاحتىڭ كىناسىز ەكەنىن سوتتا دالەلدەيمىز دەپ بەلدى بەكەم بۋىپ وتىر ەكەن. قورعاۋشى كەلەسى اپتادا قىلمىستىق ءىس قولدارىنا تيسە، مۇقيات قاراپ، تانىساتىندىقتارىن جانە سوتتىڭ القا بيلەردىڭ قاتىسۋىمەن ءوتۋىن سۇراپ ارىز جازىپ جىبەرگەندەرىن دە مالىمدەدى.

ال، چەلاحتىڭ اتاسى بولسا، نەمەرەسىنىڭ ۇستىنەن قوزعالعان قىلمىستىق ءىستى توقتاتۋدى تالاپ ەتكەن. ونىڭ ويىنشا، قۇقىق قورعاۋ ورىندارى چەلاحتى كۇدىكتى رەتىندە تەرگەۋ اباقتىسىندا ۇستاۋ ارقىلى ونىڭ كونستيتۋتسيالىق قۇقىن بۇزىپ وتىرعان كورىنەدى.

ايتپاقشى، «ارقانكەرگەن» شەكارا بەكەتىندە وپات بولعان ساربازداردىڭ بىرنەشەۋىنىڭ ءمايىتىنىڭ قاي شەكاراشىعا تيەسىلى ەكەنىن انىقتاۋ مۇمكىن بولماي، اقىرى ءمايىتتانۋ زەرتتەۋىنە نەمىستەر ارالاسىپ ەدى. ال، نەمىستەر بەلگىسىز مايىتتەردىڭ بىرەۋىنىڭ عانا شەكاراشى رۇستەم اقىلباەۆتىڭ سۇيەگى ەكەنىن انىقتاپتى. قالعان مايىتتەردىڭ كىمنىڭ سۇيەگى ەكەنى ءالى بەلگىسىز. بىراق، بەلگىسىزدىك ءبىزدىڭ جاقتى توقتاتا المادى. ارنايى ورىندار مايىتتەرى ناقتى انىقتالماعان ساربازداردىڭ وتباسىلارىنا قىرعىن بولعان جەردەن تابىلعان، تانۋ مۇمكىن بولماعان ادامدار ءمايىتى ولاردىڭ بالالارىنىڭ سۇيەگى ەكەنى جازىلعان انىقتاما قۇجات بەرىپتى.

ۇمىتشاق قوعامنىڭ جادىنان شىعا باستاعان «ارقانكەرگەن» وقيعاسىنا قاتىستى ءىس وسىلايشا ءوربىپ جاتىر.

«Abai.kz»