باس پروكۋراتۋرا قاڭتار وقيعالارى بويىنشا 3 770 قىلمىستىق ءىس قوزعالعانىن ايتتى. بۇل مالىمدەمەنى ءماجىلىستىڭ جالپى وتىرىسىندا ءسوز سويلەگەن باس پروكۋرور بەرىك اسىلوۆ جاسادى.

«وزدەرىڭىزگە ءمالىم مەملەكەت باسشىسى قۇقىق قورعاۋ ورگاندارىنا قاڭتار وقيعاسىن ەگجەي-تەگجەيلى تەرگەۋدى تاپسىردى. اتالعان فاكتىلەر بويىنشا 3770 قىلمىستىق ءىس قوزعالدى. باسىم بولىگى ىشكى ىستەر مينيسترلىگىنىڭ وندىرىسىندە. ولار: ادام ءولتىرۋ، ۇرلىق، قاراقشىلىق. بۇزاقىلىق قارۋ ۇرلاۋ. سىبايلاس جەمقورلىققا قارسى قىزمەت تەرگەۋدىڭ زاڭسىز تاسىلدەرىن قولداۋ فاكتىلەرى بويىنشا 234 ءىستى جۇرگىزۋدە. ۇلتتىق قاۋىپسىزدىك كوميتەتى مەملەكەتكە وپاسىزدىق جاساۋ، بيلىكتى باسىپ الۋعا ارەكەت ەتۋ جانە اسا ءىرى مولشەردە پارا الۋ بويىنشا 15 ءىستى تەرگەۋدە. بۇل ىستەر بويىنشا ۇلتتىق قاۋپىسىزدىك كوميتەتىنىڭ بۇرىنعى توراعاسى ءماسىموۆ جانە ونىڭ ءۇش ورىنباسارى سوت سانكتسياسىمەن قاماۋعا الىندى. وسى، ورگاننىڭ تاعى 2 باسشىسى، بيلىكتى اسىرا پايدالانۋ كۇدىگىمەن، قىلمىستىق جاۋاپقا تارتىلۋدا»، - دەدى بەرىك اسىلوۆ.

Abai.kz