وقو-دا «ونىمدىلىك-2020» مەملەكەتتىك باعدارلاماسىنا 11 كاسىپورىن ەنگىزىلمەك.

وقو-دا «ونىمدىلىك-2020» مەملەكەتتىك باعدارلاماسىنا 11 كاسىپورىن ەنگىزىلمەك.

وبلىستا «ونىمدىلىك-2020» باعدارلاماسى بويىنشا «شىمكەنتماي» اق - دا وندىرىستىك جابدىقتاردى جاڭارتۋ بويىنشا جۇمىستار قولعا الىنعان. كاسىپورىن ينۆەستيتسيالىق جوبانىڭ كەشەندىك جوسپارىن ءوزى ازىرلەپ، ساراپتامانى «ورتالىق ازيالىق كەڭەسشىلەر» اگەنتتىگى جۇرگىزدى. سونىمەن قاتار كەنتاۋ ترانسفورماتورلىق زاۋىتىنىڭ «مودەرنيزاتسيالانعان مەحانيكالىق جانە ەلەكتروقشاۋلاۋ تسەحىنىڭ قۇرىلىسى» جوباسى ساراپتامالىق باعالاۋدان وتۋدە. 

وسىعان قوسا، 11 ءىرى جانە ورتا كاسىپكەرلىك نىساندارى: «حيمفارم» اق، «شىمكەنتتسەمەنت»اق،«اسبوتسەمكونسترۋكتسيا» اق، «كونسورتسيۋم ياسسى»اق، «اق- ماي» جشس، «يۋكمز» اق، «لمز» جشس، «ورداباسى كۇس» جشس، «ەكوفارم ينتەرنەيشنل» جشس، «Marai E7 Gruop» جشس جانە «نيمەكس-كونستراكشن»جشس قازىردە ۇلتتىق جوباعا ەنۋ ءۇشىن باعدارلاما وپەراتورىنىڭ ايماقتىق وكىلىمەن بىرلەسە جۇمىس جاساپ جاتىر. 

ورايى كەلگەندە ايتا كەتەيىك، «ونىمدىلىك-2020» باعدارلاماسى قازاقستاندا وتكەن جىلى ىسكە قوسىلعان بولاتىن. ول ەكونوميكانىڭ باسىم سەكتورلارىندا ەڭبەك ونىمدىلىگى مەن ونەركاسىپتىك كاسىپورىنداردىڭ باسەكەگە قابىلەتتىلىگىن ارتتىرىپ، جاڭا وندىرىستەردى دامىتۋعا باعىتتالعان. باعدارلامانىڭ تابىستى باستالۋىن قامتاماسىز ەتۋ ءۇشىن 2011 جىل پيلوتتى بولىپ ايقىندالىپ، وسى ۋاقىتتا مەملەكەتتىك قولداۋ شارالارى سىناقتان وتكىزىلدى. ۇلتتىق جوبادا قارجىلىق قولداۋ كورسەتۋدىڭ بەس تەتىگى قاراستىرىلعان. اتاپ ايتقاندا، ءال-اۋقاتتى باعالاۋ، قوندىرعى ساتىپ الۋ، مونتاجداۋ جانە ىسكە قوسۋ، شەتەلدىك مامانداردى تارتۋ، زاماناۋي باسقارۋ جانە وندىرىستىك تەحنولوگيالاردى ەنگىزۋ قۇرالدارى جۇمىس ىستەيدى.