حالىقارالىق "شەكاراسىز تىلشىلەر" ۇكىمەتتىك ەمەس ۇيىمى 3 مامىردا باق ەركىندىگىنىڭ جىل سايىنعى رەيتينگى - دۇنيەجۇزىلىك ءباسپاسوز ەركىندىگى يندەكسىن جاريالادى.

بيىل قىرعىزستان رەيتينگتە جەتى ساتى كوتەرىلىپ، 72-ورىنعا تۇراقتادى. رەسپۋبليكا بىلتىر 79-ورىندا بولعان. دەگەنمەن قىرعىزستان ءباسپاسوز ەركىندىگى كۇردەلى ەلدەر تىزىمىنەن ءالى شىعا قويعان جوق.

رەيتينگكە سايكەس، قىرعىزستاندا ء"باسپاسوز بەن ءسوز بوستاندىعى ايتارلىقتاي دەڭگەيدە", مەملەكەت ءداستۇرلى باق-قا باقىلاۋ ورناتقانىنا قاراماستان، باسپاسوزدە "اجەپتاۋىر پليۋراليزم بار".

"شەكاراسىز تىلشىلەر" 2022 جىلعى يندەكستى ەسەپتەۋ ادىسىنە وزگەرىس ەنگىزگەنىن حابارلادى. ۇيىم بيىل جاڭا بەس كورسەتكىشكە سۇيەندى. ولار: ساياسي كونتەكست، قۇقىقتىق بازا، ەكونوميكالىق كونتەكست، الەۋمەتتىك-مادەني كونتەكست جانە قاۋىپسىزدىك.

رەيتينگتە نورۆەگيا ءبىرىنشى ورىندا تۇر، ال سوڭعى 180-ورىندا سولتۇستىك كورەيا ورنالاستى. قازاقستان 122-ورىندا، وزبەكستان – 133, تاجىكستان – 152, تۇركىمەنستان – 177. 3 مامىر - دۇنيەجۇزىلىك ءباسپاسوز ەركىندىگى كۇنى اتالىپ ءوتتى.

Abai.kz