رەسەيلىك ازاماتتاردىڭ قازاقستانعا جاپپاي كەلىپ، جسن جاساتىپ جاتقانى جاڭالىق ەمەس. وسى ۋاقىتقا دەيىن قازاقستانعا 250 مىڭعا جۋىق رەسەيلىك كىرگەن. بۇل ءتورت اي ىشىندەگى كورسەتكىش. 

24 اقپان مەن 17 مامىر ارالىعىندا قازاقستاندا جسن جاساتۋ رەسەيلىكتەردىڭ سانى 34 960 ادامدى قۇرايدى. بۇل وتكەن جىلدىڭ وسى كەزەڭىمەن سالىستىرعاندا 10 ەسە كوپ دەگەن ءسوز. ال ۋكراينادان كەلگەن 606 ادام جسن جاساتىپتى. جسن جاساتۋ ارقىلى ازاماتتار قارجىلىق وپەراتسيالاردى ىسكە اسىرۋعا مۇمكىندىك الادى.

جسن بولماسا، ازاماتتار مەن زاڭدى تۇلعالار قازاقستان رەسپۋبليكاسىنىڭ مەملەكەتتىك ورگاندارىنا ازاماتتىق حال اكتىلەرىن تىركەۋ، بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردا بانك شوتتارىن اشۋ جانە جۇرگىزۋ، تولەمدەردى، اۋدارىمداردى جۇزەگە اسىرۋ جانە ت.ب. ءۇشىن ءوتىنىش بەرە المايدى. قازاقستاندا جسن العان رەسەيلىكتەر Visa جانە MasterCard حالىقارالىق جۇيەلەرىنىڭ بانك كارتالارىنا دا ءوتىنىش بەرە الادى. ال بۇل حالىقارالىق كارتالار رەسەيدە تىيىم سالىنعان ەدى.

ءساۋىر ايىنىڭ ورتاسىندا قازاقستاننىڭ ىشكى ىستەر مينيسترلىگى ەلگە كەلگەن رەسەي ازاماتتارىنىڭ ارتقانىن حابارلاعان بولاتىن. ال ينتەرنەتتە وزگە ەل ازاماتتارىنا جسن جاساتۋ بويىنشا قىزمەت كورسەتەتىن جانداردىڭ سانى ارتقان. مىسالى OLX قوسىمشاسىندا جسن اشىپ بەرۋگە كومەكتەسۋشىلەر سانى جاڭبىردان كەيىن پايدا بولعان ساڭىراۋقۇلاقشا قاپتاپ كەتىپتى. ولار قىزمەتى ءۇشىن 10-50 مىڭ تەڭگە ارالىعىندا الادى. ونى قاداعالاپ، باقىلاپ جاتقان قۇقىق قورعاۋ ورگاندارى جوق سياقتى.

جسن جاساتىپ، كارتوچكا اشتىرۋ ارقىلى رەسەيلىكتەر سانكتسيالىق شەكتەۋلەردەن قۇتىلۋعا ۇمتىلۋدا. ال قازاقستان سوعان مۇمكىندىك بەرىپ وتىرعان ەل رەتىندە باتىستىڭ قاھارىنا ۇشىراماسىنا كىم كەپىل...

Abai.kz