الماتى وبلىسى اۋىل شارۋاشىلىعى باسقارماسىنىڭ بۇرىنعى باسشىسى ماقسۇت جاپاروۆ ەكىنشى رەت انتيكوردىڭ كۇدىگىنە ءىلىنىپ وتىر.بۇل تۋرالى @abzhannews تەلەگرامم ارناسى جازدى.

ول العاش رەت شارۋا قوجالىقتارىنا سۋبسيديالاردى نەگىزسىز ەسەپتەدى دەگەن كۇدىككە ءىلىندى. بۇل وتكەن جىلدىڭ تامىز ايىندا بولعان. كەيىن اقتالىپ، كرەسلوسىنا قايتا ورالدى. "جاپاروۆتى "سامۇرىق-قازىنا" قورىنىڭ ەكس-توراعاسى احمەتجان ەسىموۆتىڭ "تۋىسى" دەگەن قاۋەسەت بار. ول وعان ءىستى "شەشۋگە" كومەكتەسكەن-مىس".

ەكىنشى رەت وبلىستىڭ باس اۋىل شارۋاشىلىعى قىزمەتكەرى قىزمەتىن اياقتاعانىنا بىرنەشە اي وتكەن سوڭ، ونىڭ ۇستىنەن " بوتەننىڭ سەنىپ تاپسىرىلعان مۇلكىن يەمدەنۋ نەمەسە جىمقىرۋ" بويىنشا قىلمىستىق ءىس قوزعالعان.

جاپاروۆ جوعارى باعامەن اۋىل شارۋاشىلىعى تەحنيكاسىن جەتكىزۋ ارقىلى 50 ميلليون تەڭگە بيۋدجەت قاراجاتىن جىمقىردى دەگەن كۇدىككە ىلىنگەن. الايدا الماتى وبلىسىنىڭ سىبايلاس جەمقورلىققا قارسى قىزمەتى اقپاراتقا قاتىستى تۇسىنىكتەمە بەرمەدى. ولار فاكتىنى جوققا شىعارمايدى دا، راستامايدى دا.

Abai.kz