زارداپ شەككەندەر مەن ەلدى مەكەندەرگە تونگەن قاۋىپ جوق.

"كۇرشىم اۋدانىندا جاعداي شيەلەنىسىپ تۇر. قاتتى جەل ءورت سوندىرۋشىلەردىڭ جۇمىسىن قيىنداتىپ جاتىر. قازىر ءورتتى سوندىرۋگە 300-گە جۋىق ادام، 2 تىكۇشاق جانە 34 تەحنيكا جۇمىلدىرىلدى. مۇندا جۇمىس تاۋلىك بويى كۇندىز دە، تۇندە دە جۇرگىزىلىپ وتىر. ءورتتىڭ ەلدى مەكەندەرگە تارالۋىنا توسقاۋىل قويىلدى. التاي اۋدانىندا 2 تىكۇشاق جۇمىس ىستەپ جاتىر، 150 توننادان استام سۋ قۇيىلدى", - دەدى ول.

ونىڭ ايتۋىنشا، وتپەن كۇرەسكە بارلىق كۇش باعىتتالىپ وتىر.

ء"ورتتىڭ تارالۋىنا جول بەرىلمەي، ءورت وشاقتارىن ءسوندىرۋ جۇمىستارى بارىنشا ءجۇرىپ جاتىر. مەن توتەنشە جاعداي مينيسترىمەن كەلىسسوزدەر جۇرگىزدىم، وبلىسقا جەتۋ قيىن تاۋلى جەرلەردە ءورتتى ءسوندىرۋ ءۇشىن تاعى 2 تىكۇشاق كەلەدى. بۇگىنگى كۇنى ءورتتى جويۋعا بارلىعى 1167 ادام، 123 تەحنيكا، 5 مي-8 تىكۇشاعى، 2 مي-2 تىكۇشاعى، 1 ەۆروكوپتەر، 4 وتىن قۇيۋشى جۇمىلدىرىلدى. جاعداي تولىعىمەن باقىلاۋدا. جەرگىلىكتى جەرلەردە ورمان باسقارماسىنىڭ، تجد، جەرگىلىكتى اتقارۋشى ورگانداردىڭ ماماندارى جۇمىس ىستەۋدە. شارۋا قوجالىقتارىنىڭ تەحنيكاسى دا جۇمىلدىرىلدى", - دەدى اكىم.

Abai.kz