بىرىككەن ۇلتتار ۇيىمىنىڭ ادام قۇقىقتارى جونىندەگى جوعارعى كوميسسارى مىندەتىن اتقارۋشى نادا ءال-ناشيف وسىلاي دەپ مالىمدەدى.

جەنەۆادا دۇيسەنبى كۇنى ادام قۇقىقتارى جونىندەگى كەڭەستىڭ كەزەكتى سەسسياسى باستالدى. رەسەي ۋكراناعا باسىپ كىرۋىنە بايلانىستى بۇل كەڭەستىڭ قۇرامىنان كوپشىلىك داۋىسپەن شىعارىلعان.

"رەسەي فەدەراتسياسىندا ۋكرايناداعى سوعىسپەن كەلىسپەيتىنىن بىلدىرگەن ادامداردىڭ قۇقىقتارىن شەكتەۋ مەن ولاردى قۋدالاۋ ناۋقانى ءجۇرىپ جاتىر. مۇنداي ارەكەتتەر پىكىر ءبىلدىرۋ ەركىندىگى، جيىن وتكىزۋ، ۇيىمداسۋ بوستاندىعى سەكىلدى باستى كونستيتۋتسيالىق قۇقىقتاردى شەكتەيدى", - دەيدى ءال-ناشيف. بۇعان قوسا، ول رەسەي بيلىگى جۋرناليستەرگە قىسىم كورسەتىپ، تسەنزۋرا ەنگىزىپ، سايتتاردى بۇعاتتاۋ ارقىلى اقپارات الۋ قۇقىعىن دا شەكتەپ وتىرعانىن مالىمدەدى.

ادام قۇقىقتارىن قورعاۋ ۇيىمدارىنىڭ بىرقاتارى بۇنىڭ الدىندا ۇندەۋ جاريالاپ، كەڭەستەن رەسەيدەگى ادام قۇقىقتارىنىڭ بۇزىلۋىن زەرتتەيتىن تاۋەلسىز ورگان قۇرۋدى تالاپ ەتكەن.

رەسەي ۋكراينا اۋماعىنا باسىپ كىرگەلى بەرى فەدەراتسيا اۋماعىندا سوعىسقا قارسى اكتسيالارعا قاتىسقان 16 مىڭنان استام ادام ۇستالدى. ارمياعا كىر كەلتىردى دەگەن اكىمشىلىك باپپەن ءۇش مىڭنان استام حاتتاما تولتىرىلدى، اسكەري فەيككە قاتىستى 100-دەن استام قىلمىستىق ءىس قوزعالدى. تانىمال ساياساتكەر ۆلاديمير قارا-مۋرزا، يليا ياشين سەكىلدى ونداعان ادام وسى باپ نەگىزىندە قاماۋعا الىندى. بەلسەندىلەردى قۋدالاۋعا ارقاۋ بولعان بۇل ەكى باپ سوعىس باستالعان سوڭ پايدا بولدى. رەسەيدە مىڭداعان سايت بۇعاتتالدى.

Abai.kz