2022 جىلدىڭ العاشقى جارتىسىندا شوعىرلاندىرىلعان مەملەكەتتىك بيۋدجەتتىڭ شىعىس بولىگى وتكەن جىلمەن سالىستىرعاندا 19.5%-عا ءوسىپ، 9.7 ترلن تەڭگەگە جەتتى (جوسپار 99.4%-عا ورىندالدى).

«شىعىستىڭ نەگىزگى بولىگىن ادەتتەگىدەي ينستيتۋتسيونالدى ء(بىلىم الۋ، دەنساۋلىق ساقتاۋ، تۇرعىن ءۇي-كوممۋنالدىق شارۋاشىلىعى، كولىك) جانە وندىرىستىك ەمەس شىعىندار (الەۋمەتتىك كومەك، قورعانىس، بورىشقا قىزمەت كورسەتۋ، ترانسفەرتتەر) قۇرايدى. سولاردىڭ ىشىندە ەڭ قوماقتى قارجى قورعانىس سالاسىنا ءبولىندى. بيىل ونىڭ كولەمى وتكەن جىلدىڭ سايكەس كەزەڭىمەن سالىستىرعاندا +38,9%-عا ءوسىپ، 0.49 ترلن تەڭگەنى قۇرادى»، - دەدى Jusan analytics تالداۋشىسى كلارا سەيداحمەتوۆا. وتكەن جىلى بۇل سوما 0.35 ترلن تەڭگە بولعان ەدى.

ەكىنشى جانە ءۇشىنشى ورىنداردا ونەركاسىپ پەن كولىك جانە كوممۋنيكاتسيا سالالارى. ولارعا بولىنگەن قاراجات وتكەن جىلدىڭ سايكەس كەزەڭىنە قاراعاندا سايكەسىنشە 0.43 (+33.0%) جانە 0.36 (+32.4%) ترلن تەڭگەگە ۇلعايدى.

جەرگىلىكتى بيۋدجەتتىڭ شىعىستارى 24.3%-عا ءوسىپ، 4.5 ترلن تەڭگەنى قۇرادى. شىعىستاردىڭ ەڭ كوپ وسكەنى الماتى وبلىسىندا (+38.2%), الماتىدا (+33.4%) جانە ەلوردادا (+32.7%) تىركەلدى. ال شىعىستاردىڭ ەڭ از وسكەنى ماڭعىستاۋ (7.7%) مەن اتىراۋ وبلىستارىندا (12.2%) بايقالدى.

ايتا كەتەلىك، قازىرگى قولدانىستاعى بارلىق مەملەكەتتىك باعدارلامالار بيۋدجەتتىڭ شىعىستىق بولىگىن ودان ءارى وسىرە بەرەتىندىگى بەلگىلى. ال بيۋدجەت قاراجاتىنىڭ قانشالىقتى ءتيىمدى ۇلەستىرىلىپ، ءتيىمدى جۇمسالىپ جاتقاندىعى سۇراقتار تۋعىزادى.

«قازىرگى ۋاقىتتا ەل ۇكىمەتى 11 مەملەكەتتىك باعدارلامانى، 9 ۇلتتىق جوبانى جانە جەڭىلدىكپەن كرەديت بەرۋ باعدارلامالارىن جۇزەگە اسىرىپ جاتىر. باعدارلامالاردىڭ كوبىسىن 2025 جىلعا دەيىن جۇزەگە اسىرۋ كوزدەلگەن. بۇل بيۋدجەتتىڭ شىعىستىق بولىگىنە ايتارلىقتاي اۋىرلىق تۇسىرەتىنى ءسوزسىز» - دەدى ساراپشى.

ايتا كەتەلىك، مەملەكەتتىك باعدارلامالاردى جالپى قارجىلاندىرۋ باعاسى 29.0 ترلن تەڭگەنى، ا ۇلتتىق جوبالار – 55.3 ترلن تەڭگەنى قۇرايدى. نەگىزگى قارجى كوزدەرى ارينە، رەسپۋبليكالىق جانە جەرگىلىكتى بيۋدجەتتەر، سونداي-اق بيۋدجەتتەن تىس قاراجاتتار بولىپ قالا بەرمەك.

جاپپاربەرگەن ايبوتا

Abai.kz