مەن - «كولحوزبىن»، مەن - «اۋىلمىن»...  مەنىڭ وسىنداي ەكەنىمدى، بوققا بىلىققان مەگوپوليسكە كەلگەن سايىن  بىلايعى جۇرت بەتىمە باسادى دا تۇرادى...
مەن قالاعا يكەمدەلمەي-اق قويدىم، مەن ونى جاراتپايمىن، جەك كورەم... مۇنداعىنىڭ ءبارى جىنىمدى كەلتىرەدى....
راس، مەن ءاربىر الەۋمەتتىك جايسىزدىققا جانى شوشىنىپ بىتكەن،
جۇيكەسى توزعان جۇيكەلەكپىن، كادىمگى قالالىقپىن. سويتسالكانى دا، كوممۋنالكانى دا ... كورگىم كەلمەيدى، ۋداي قىمبات...

مەن - «كولحوزبىن»، مەن - «اۋىلمىن»...  مەنىڭ وسىنداي ەكەنىمدى، بوققا بىلىققان مەگوپوليسكە كەلگەن سايىن  بىلايعى جۇرت بەتىمە باسادى دا تۇرادى...
مەن قالاعا يكەمدەلمەي-اق قويدىم، مەن ونى جاراتپايمىن، جەك كورەم... مۇنداعىنىڭ ءبارى جىنىمدى كەلتىرەدى....
راس، مەن ءاربىر الەۋمەتتىك جايسىزدىققا جانى شوشىنىپ بىتكەن،
جۇيكەسى توزعان جۇيكەلەكپىن، كادىمگى قالالىقپىن. سويتسالكانى دا، كوممۋنالكانى دا ... كورگىم كەلمەيدى، ۋداي قىمبات...

مەن اعاشپىن، سامانمىن، سەكسەۋىلمىن.
مەن جۇقا ەمەسپىن، سەزىمتال دا ەمەسپىن... مەن قارابايىرمىن، دورەكىلەۋمىن، تابيعيمىن.
اۋىلدى ساعىنام، سوندا كوزىمدى اشتىم عوي. سول اۋىلدى سانامنان سىعىپ تاستاۋ قولىمنان كەلمەي-اق قويدى... مەنىڭ اۋىلبايلىعىم «مەنمۇندالاپ» تۇرادى، تۇرمىستا دا، قاتىناستا دا، بيزنەستە دە...
مەنىڭ پىكىرىم وزىمنەن ارتىلمايدى، سەزىمگە بەرىلگىشپىن، جانە دە قالالىق كومميۋنيتيدىڭ وبەكتيۆ مۇشەسى بولۋعا تىرىسۋىمنىڭ ءبارى تۇيىققا تىرەلۋمەن بىتەدى..
ماعان ىعى-جىعى، يتەرىس تىرلىك ۇنامايدى، ۇلكەن قالادان قورقامىن. ويتكەنى، مەن جانىممەن اۋىلدىقپىن، قالاي ەدىم - سولاي قالدىم... ءىرى قالا قاتال، ادامشىلىق جوق، ولەرمەندىك كوپ، مۇندا اقشا كوپ، نەسيە دەيسىڭ بە، لومبارد پا، قۇماردى قاندىراتىن نارسەلەر... ءبارى جەتەدى.
مۇندا ۋاقىت - اقشا، مۇنداعى ۋاقىت قىمبات، ءوزىڭ ءۇشىن، جانىڭ ءۇشىن دەگەندەي جاي ۋاقىت دەگەن بولمايدى.
قالادان دا، قۇمار قۇۋدان دا دىڭكەم قۇرىدى. ولەرمەندەنۋدەن دە شارشادىم، مەن قارتايدىم،... سەزىم دە قالمادى، ەشتەڭە سەزبەيمىن.. بار بولعانى انا جاققا تارتادى دا تۇرادى، كەڭ القاپتى ايتام. كوكجيەكتى ساعىندىم، كەڭ اسپان مەن كۇندى ايتسايشى..
ول جاقتا كوزىڭ جەتكەن جەرگە دەيىن كوز سالاسىڭ، اۋادان دا اۋانىڭ ءيىسى شىعادى، ال اسپان شىنىندا دا كوكپەڭبەك قوي.
ول جاقتا تۇنگى جۇلدىزدار سامالاداي جارقىرايدى، وندا جان بار، اقيقات بار، تابيعاتتى ايتسايشى، اركىمنىڭ ءوز ورنى بار..
شاي ىشكىم كەلەدى... كادىمگى ساماۋرىننان، شىناشاعى مايىسقان قولدان، كۇيگەن سەكسەۋىلدىڭ يىسىمەن وتىرىپ، ۇلكەن كەسەگە تولتىرىپ تۇرىپ، شاقپاق شەكەردى تىستەي وتىرىپ، بالا كۇنىمدەگىدەي... ناعىز  شاي سول عوي... قالتاشاداعى كاكىر-شۇكىر ەمەس، بىلشىراپ ەزىلمەيتىن، كادىمگى تابيعىي...
ماعان كادىمگى اڭگىمە جەتىسپەيدى... جاندى جادىراتار، سابىرلى، بايسالدى، ءاربىر ءسوزى ەمەس  ماڭىزدى، ءاربىر ايتىلۋ مانەرى ماڭىزدى... اڭگىمە...
مەن، ءتىپتى جاي عانا اڭگىمەلەسۋ ءۇشىن كەزدەسۋلەرگە اسىعامىن، مەن الگى وتە شىعاتىن، بىرساتتىك، ىلدىم-جىلدىم ىسكەر كەزدەسۋلەردەن شارشادىم.
ماعان ادام جەتپەي ءجۇر... داستۇرگە، بار قايناردىڭ باستاۋىنا جاقىن، سينتەتيكالىق ەمەس، بۇزىلماعان، بولمىسى تۇرگە ەمەس، مازمۇنعا ۇيىعان تابيعىي ادامدار جەتىسپەيدى. كەڭىس مول بولسا، ادام دا قادىرلى عوي.
ونداي جەردە سەن ادامعا بايىپتاپ قاراي الاسىڭ، پروفايلدى قاراي سالعانداي ەمەس...
وندا مەرەكە تولى، وندا مەرەكەلىك مادەنيەت ۇيىعان، ول ماڭدا مەرەكەلەردەن جانىڭ جۇدەمەيدى. ول ماڭايدا ۇزىنقۇلاق  ينتەرنەتتى دە، تەلەديداردى دا الماستىرادى.
ول جەردە ەشتەڭە تىقىلدامايدى، ەسىڭە الدەنەنى سالمايدى، ال ۋاقىت بولسا، ۇيىپ قالعانداي. ول ماڭدا ۋاقىت ماڭىزدى ەمەس، ول ءتىپتى جوق دەۋگە بولادى. ول جەردە باسقا ولشەم، سۇتتەي ۇيىعان، سوم كۇيىنەن اينىماعان. قاراپايىم عانا، جەرگىلىكتى... سول جەرگە عانا ءتان تىرشىلىكتىڭ تامىرى سوعىپ تۇرادى.
ول - داۋنشيفتينگ (سەرگۋ ساپارى) ەمەس، بۇل ءوزىڭدى ۇعۋ ءۇشىن، تەگىڭە بارىپ كەلۋ ءۇشىن،  اتا-تەكتىڭ ءمانىن ءتۇسىنۋ ءۇشىن...ءبىراز ايالداۋ ءۇشىن، تىنىستاپ الۋ ءۇشىن، ۇعۋ ءۇشىن جارالعان ورتا.
...بىراق.. 3 كۇننەن سوڭ مەن قاسقانى كەيىن تارتادى عوي. اۋىلدا مەن ءوزىمدى ەندى قالالىق سەزىنەم. ماعان ەندى ادامداردىڭ ءبىر ءبىرىن ءبىلۋى، ءبارى كوز الدىڭدا ەكەندىگى ۇنايمايدى.. مەندە جاسىرىن نارسەلەر جىينالىپ قالعان.. ال اۋىلدا جاسىرىن ەشتەڭە جوق. وندا جەكەدارا كەڭىستىك جوق جانە دە ءوزىڭدى سوتسيۋم-دارا پەندە ەكەنىڭدى بارىنشا سەزىنەسىڭ.
سەن اقاپارات تاسقىنىنا داعدىلانعانسىڭ جانە سونىڭ تاپشىلىعىنا ۇشىرايسىڭ، ال تازا اۋا سۇيىكتى قالانىڭ باي دا قانىق اۋاسىنان گورى تىم تۇششى دا ءدامسىز سەزىلەدى..
ادامداردى ساعىنا باستايمىن.. قاپتاعان ادامدى.. مەن ولاردى تەزىرەك كورگىم كەلەدى جانە ىلعىي دا سويتەمىن.
مەن كەپتەلىستى ساعىنام، كوشەنىڭ گۇۋىلى مەن ايقايىن ايتسايشى... دامحاناعا بارعىم كەلەدى... الگى ىلدىم-جىلدىم كەزدەسۋگە اسىعام.. ماعان ەندى سينتەتيكا كەرەك، اۋتەنتيكادان شارشاي باستايمىن.
ماعان كوممۋنالكا، سوتسيالكا قاجەت ەكەن، قارى ىبىرسىعان قالالىق نووسفەرا قاجەت.
مەندە شاپشاڭ، دابىلشاڭ، يىنتەرىسكەن، ىعى-جىعى تىرلىگى بار قالالىق اۋانعا دەگەن ناشاقوردىڭ ۇستاماسى باستالادى.
مەن اناۋ دا، مىناۋ دا ەمەس ەكەم... «جارتىاقىل» دەگەندەي، جارتىقالا - جارتاۋىل....ءسويتىپ ءومىر بويى تەڭسەلۋمەن وتەر مە ەكەم...

ورىسشادان اۋدارعان - سەرىك ابدىرەشۇلى