ءماجىلىس دەپۋتاتى باقىتجان سماعۇل كەنەسارى حاننىڭ سۇيەگى مەن مىلتىعىن رەسەيدەن قازاقستانعا قايتارۋ كەرەكتىگىن ايتىپ، ۇكىمەت باسشىسىنىڭ اتىنا دەپۋتاتتىق ساۋال جولدادى.

«كەنەسارى قاسىمۇلىنىڭ ۇلاعاتتى ءومىرى، جانقيارلىق ەرلىگى، ەلگە ادال قىزمەتى ۇلگىسىندە قازاق باتىرلارىنىڭ بىرنەشە ۇرپاعى، XX عاسىرداعى ۇلت-ازاتتىق قوزعالىس كوشباسشىلارى تاربيەلەندى.

قازىرگى ۋاقىتتا كەنەسارى حاننىڭ باس سۇيەگى مەن ونىڭ مىلتىعى ماسكەۋدە ەتنوگرافيالىق مۇراجايدا ۋاقىتشا ساقتاۋدا تۇر. 2021 جىلى گەوگرافيالىق قوعام ۇيىمداستىرىپ، قازاقستاننان ارنايى بارعان كوميسسيا جانە ماماندار ۇلى حاننىڭ باس سۇيەگى مەن مىلتىعىن سايكەستەندىرۋ جۇمىستارىمەن اينالىستى. تاريحي، انتروپولوگيالىق، مۇراجايلىق جانە مۇراعاتتىق زەرتتەۋلەر كەشەنىنىڭ قورىتىندىسىندا مىلتىقتىڭ حانعا 100% تيەسىلى ەكەنى، ال باس سۇيەك كەنەسارى حاننىڭ باس سۇيەگى ەكەنى (سايكەستىك 90%-دان جوعارى) انىقتالدى»،-دەپ جازدى دەپۋتات.

ول باتىردىڭ تۋعانىنا 220 جىل جانە ول باستاعان كوتەرىلىسكە 185 جىل تولعانىنىن ەسكە سالىپ، حان سۇيەگىن استاناداعى ۇلتتىق پانتەوندا جەرلەۋدى، ال مىلتىقتى ۇلتتىق مۇراجايعا تاپسىرۋدى ۇسىنعان.

«بۇل شارا ەل رۋحىنىڭ اسقاقتاۋىنا، وتانشىلدىقتىڭ كۇشەيۋىنە جانە ەل استاناسىنداعى ءتۋريزمنىڭ دامۋىنا ىقپال ەتەرى ءسوزسىز»، - دەدى باقىتجان سماعۇل.

Abai.kz