دۇكەنباي دوسجان كوركەم شىعارما جازۋمەن عانا شەكتەلمەي كۇنتارتىبىندەگى شەتىن ماسەلەلەرگە دە پىكىر ءبىلدىرىپ، كوزقاراسىن تانىتىپ وتىراتىن قالامگەر. ۇنەمى جازۋ-سىزۋدىڭ ۇستىندە، قالامىن سۋىتقان ەمەس. سونداي سەرگەكتىگىنە وراي ءبىز جازۋشىنى اشىق اڭگىمەگە شاقىرعانبىز. قارسى بولمادى.

سونىمەن، ينتەرنەت-كونفەرەنتسيامىزدىڭ كەزەكتى مەيمانى، جازۋشى - دۇكەنباي دوسجان. قالامگەرگە قوياتىن ساۋالدارىڭىز بەن ايتار ويلارىڭىز بولسا، مارحابات.

Abai.kz

قازاقستاننىڭ حالىق جازۋشىسى، مەملەكەتتىك سىيلىقتىڭ لاۋرەاتى دۇكەنباي دوسجان 1942 جىلى جاڭاقورعان اۋدانى قۇلانشى اۋىلىندا ومىرگە كەلگەن. تىرناقالدى ولەڭى مەن ماقالاسى  «قازاقستان پيونەرى»، «ەكپىندى» گازەتتەرىندە 15 جاسىندا جارىق كورگەن. بۇگىندە ەسىمى قازاق ادەبيەتىندە  ايگىلى قالامگەردىڭ تۋىندىلارى الەمنىڭ 20-دان استام تىلىنە اۋدارىلىپ جالپى كولەمى 7,7 ميلليون تارالىممەن تاراعان.  دۇكەنباي دوسجان 11 رومان، 22 حيكايات، جۇزدەن استام اڭگىمەنىڭ اۆتورى.   

دۇكەنباي دوسجان كوركەم شىعارما جازۋمەن عانا شەكتەلمەي كۇنتارتىبىندەگى شەتىن ماسەلەلەرگە دە پىكىر ءبىلدىرىپ، كوزقاراسىن تانىتىپ وتىراتىن قالامگەر. ۇنەمى جازۋ-سىزۋدىڭ ۇستىندە، قالامىن سۋىتقان ەمەس. سونداي سەرگەكتىگىنە وراي ءبىز جازۋشىنى اشىق اڭگىمەگە شاقىرعانبىز. قارسى بولمادى.

سونىمەن، ينتەرنەت-كونفەرەنتسيامىزدىڭ كەزەكتى مەيمانى، جازۋشى - دۇكەنباي دوسجان. قالامگەرگە قوياتىن ساۋالدارىڭىز بەن ايتار ويلارىڭىز بولسا، مارحابات.

Abai.kz

قازاقستاننىڭ حالىق جازۋشىسى، مەملەكەتتىك سىيلىقتىڭ لاۋرەاتى دۇكەنباي دوسجان 1942 جىلى جاڭاقورعان اۋدانى قۇلانشى اۋىلىندا ومىرگە كەلگەن. تىرناقالدى ولەڭى مەن ماقالاسى  «قازاقستان پيونەرى»، «ەكپىندى» گازەتتەرىندە 15 جاسىندا جارىق كورگەن. بۇگىندە ەسىمى قازاق ادەبيەتىندە  ايگىلى قالامگەردىڭ تۋىندىلارى الەمنىڭ 20-دان استام تىلىنە اۋدارىلىپ جالپى كولەمى 7,7 ميلليون تارالىممەن تاراعان.  دۇكەنباي دوسجان 11 رومان، 22 حيكايات، جۇزدەن استام اڭگىمەنىڭ اۆتورى.   

د.دوسجاننىڭ كوركەم شىعارمالارى مەن زەرتتەۋ ەڭبەكتەرىنىڭ تاقىرىپ اياسى كەڭ. «وتىرار» (1965), «فارابي» (1965), «جىبەك جولى» (1973) حيكاياتتارى مەن روماندارىنا تاريحي وقيعالار ارقاۋ بولسا، «زاۋال» (1970), «كىسى اقىسى» (1978), «داريا» (1975), «تابالدىرىعىڭا تابىن» (1980), «جولبارىستىڭ سۇرلەۋى» (1984) اتتى شىعارمالارى بۇگىنگى زامان تاقىرىبىنا ارنالعان. ۇلى ادامدار ءومىرىن كوركەم تىلمەن سويلەتكەن «مۇحتار جولى» (1998), «اباي ايناسى» (1994), «الىپتىڭ ازابى» (1997) روماندارى ءوز الدىنا بولەك توپتاما قۇرايدى. دوسجان شىعارمالارى دارالىق ستيلىمەن، بەينەلى تىلىمەن ەرەكشەلەنەدى. جازۋشى كەيىپكەردىڭ جان تولعانىسىن سەزىم شىرعالاڭى، وي اعىنى ارقىلى سۋرەتتەۋگە ماشىق. ونىڭ «ەكى دۇنيە ەسىگى» (1998) اتتى زەرتتەۋ ەڭبەگى - تۇركىستان قالاسىنىڭ تاريحىن، سونداعى قوجا احمەت ياساۋي كەسەنەسىنىڭ سالىنۋ جاي-جاپسارىن مەيلىنشە مول قامتىعان دەرەكناما. ەكى تومدىق تاڭدامالى شىعارمالارى جارىق كوردى (1990). جۋىقتا جازۋشىنىڭ تاڭدامالى ءجۇز اڭگىمەسى «مەرەكە» باسپا ۇيىنەن جارىققا شىعۋى قازاق ادەبيەتىنىڭ ءورىسىن كەڭىتكەن  ەلەۋلى قۇبىلىس بولىپ وتىر.

«قۇم كىتابى» ءۇشىن قازاقستان مەملەكەتتىك سىيلىعىن العان (1996). «قۇرمەت» (2001), «پاراسات» (2008) وردەندەرىمەن ماراپاتتالعان. د.دوسجان تۇركىستان قالاسىنىڭ، جاڭاقورعان، سوزاق، وتىرار اۋداندارىنىڭ قۇرمەتتى ازاماتى. جازۋشىنىڭ ەسىمى اقش-تىڭ «ادەبيەت جانە ونەر ادامدارى» ەنتسيكلوپەدياسىنىڭ 2-ءشى تومىنا، «ۇلتتىق ەنتسيكلوپەديانىڭ» 3-ءشى تومىنا، «اباي ەنتسيكلوپەدياسىنا»، قازاقستان پرەزيدەنتى جانىنداعى دامۋ ينستيتۋتىنىڭ «ەليتا كازاحستانا» (2008) انىقتامالىعىنا ەنگەن.