1992 جىلى 7 مامىردا قازاقستان پرەزيدەنتى، قازاقستان رەسپۋبليكاسىنىڭ جوعارعى باس قولباسشىسى ن.ءا. نازارباەۆ «قازاقستان رەسپۋبليكاسى مەملەكەتتىك قورعانىس كوميتەتىن قازاقستان رەسپۋبليكاسىنىڭ قورعانىس مينيسترلىگى ەتىپ قايتا قۇرۋ تۋرالى»، «قازاقستان رەسپۋبليكاسىنىڭ قارۋلى كۇشتەرىن قۇرۋ تۋرالى» جانە العاشقى قورعانىس ءمينيسترى ەتىپ گەنەرال پولكوۆنيك (1993 جىلدىڭ 9 مامىرىنان ارميا گەنەرالى) س.ق. نۇرماعامبەتوۆتى تاعايىنداۋ تۋرالى جارلىقتارعا قول قويدى. بۇل كۇن قازاقستاننىڭ دەربەس قارۋلى كۇشتەرىنىڭ قۇرىلعان كۇنى بولىپ، سالتاناتتى تۇردە اتالىپ كەلەدى.

«قازاقستان رەسپۋبليكاسىنىڭ قورعانىسى مەن قارۋلى كۇشتەرى تۋرالى» قازاقستان رەسپۋبليكاسىنىڭ زاڭى، 5-تاراۋ، 18-تارماعى بويىنشا: قارۋلى كۇشتەر اگرەسسياعا تويتارىس بەرۋگە، قازاقستان رەسپۋبليكاسىنىڭ اۋماقتىق تۇتاستىعى مەن ەگەمەندىگىن قارۋ-جاراقپەن قورعاۋعا، مەملەكەتتىك جانە اسكەري وبەكتىلەردى كۇزەتۋگە جانە قورعاۋعا، اۋە كەڭىستىگىن كۇزەتۋگە، سونداي-اق قازاقستان رەسپۋبليكاسى بەكىتكەن حالىقارالىق شارتتارعا سايكەس ارەكەت ەتۋگە مىندەتتەلەدى. «قازاقستان رەسپۋبليكاسىنىڭ قورعانىسى مەن قارۋلى كۇشتەرى تۋرالى» قازاقستان رەسپۋبليكاسىنىڭ زاڭى، 4-بابى بويىنشا: قارۋلى كۇشتەر، باسقا دا اسكەرلەر مەن اسكەري قۇرالىمدار اسكەري دوكتريناعا جانە قارۋلى كۇشتەردى قولدانۋ جوسپارىنا سايكەس قورعانىس سالاسىنداعى مىندەتتەردى ورىندايدى. ەگەر قانداي دا ءبىر زاۋال تۋعان شاقتا مۇنىڭ قۇرامىنا قورعانىس مينيسترلىگىنە قارايتىن اسكەر تۇرلەرiنەن باسقا Iشكi iستەر مينيسترلىگىنiڭ iشكi اسكەرلەرi, ۇلتتىق قاۋiپسiزدiك كوميتەتiنiڭ شەكارا قىزمەتi جانە باسقا دا اسكەرلەرi, رەسپۋبليكالىق «ۇلان»، ازاماتتىق جانە اۋماقتىق قورعانىستى باسقارۋ مەن قۇرۋ ورگاندارى كiرەدi.

قارۋلى كۇشتەر قۇرىلىسىنىڭ باستاپقى كەزەڭىندەگى اسا ماڭىزدى پروبلەما – ەگەمەن ەل ارمياسىنىڭ نورماتيۆتىك-قۇقىقتىق نەگىزىن قۇرۋ بولاتىن. جاڭا مەملەكەتتىڭ جاڭا ارمياسىنىڭ نورماتيۆتىك-قۇقىقتىق بازاسىن جاساۋمەن ءبىر ۋاقىتتا ۇلتتىق قارۋلى كۇشتەردىڭ بەينەسى مەن قۇرىلىمىن، ولاردىڭ باسقارۋ ورگاندارىن قالىپتاستىرۋدا تىنىمسىز جۇمىس جۇرگىزىلدى. جاس رەسپۋبليكانىڭ وتان قورعاۋ ماسەلەلەرى جونىندەگى العاشقى زاڭدارى ءوز ۋاقىتىندا جانە ءتيىستى-دەڭگەيدە دايىندالدى. 1992 جىلى 22 قىركۇيەكتىڭ وزىندە-اق جوعارى كەڭەس «قازاقستان رەسپۋبليكاسىنىڭ قارۋلى كۇشتەرى جانە قورعانىس تۋرالى» زاڭدى قابىلدادى. سونداي-اق، 1993 جىلى 11, اقپاندا پرەزيدەنت بەكىتكەن قازاقستان رەسپۋبليكاسىنىڭ العاشقى اسكەري دوكتريناسى ۇجىمدىق تۇرگە دايىندالدى. ول سوعىستى بولدىرماۋ، قورعانىس قۋاتىنىڭ جەتكىلىكتىلىگى، تمد ەلدەرىمەن ءوزارا كومەك وداعى پرينتسيپتەرىنە نەگىزدەلدى. دوكترينا ەرەجەلەرى مەملەكەتتىڭ سىرتقى ساياسي جانە اسكەري قىزمەتىندە كەڭىنەن پايدالانىلدى.

قازاقستان رەسپۋبليكاسىنىڭ قارۋلى كۇشتەرى ءوزى قۇرىلعان كۇننەن باستاپ قۇرلىقتاعى اسكەردەن، اسكەري-تەڭىز كۇشتەرى جانە اۋە شابۋىلىنان قورعانىس اسكەرىنەن تۇردى. 1997 جىلى 17 قاراشادا پرەزيدەنت جارلىعىمەن قازاقستان رەسپۋبليكاسىنىڭ قارۋلى كۇشتەرى ءۇش جاقتى قۇرىلىمعا اۋىستىرىلدى جالپى اسكەري كۇشتەر (وعان قۇرلىقتاعى اسكەر جانە جەدەل قيمىل كۇشتەرى ەندى), اۋە قورعانىسى كۇشتەرى (اسكەري-اۋە كۇشتەرى مەن اۋە شابۋىلىنان قورعانىس كۇشتەرى بىرىكتىرىلدى) جانە مەملەكەتتىك شەكارانى قورعاۋ كۇشتەرى (ولار شەكارا اسكەرلەرىنىڭ زاستاۆالارى مەن بولىمدەرىنەن، قازاقستان رەسپۋبليكاسىنىڭ اسكەري-تەڭىز كۇشتەرىنىڭ كەمەلەرى مەن جاعالاۋ قىزمەتىنەن تۇرادى). سونىمەن ءبىر ۋاقىتتا باس شتاب قازاقستان رەسپۋبليكاسى قارۋلى كۇشتەرىنىڭ باس شتابى بولىپ قايتا قۇرىلدى. كوپ وتپەي، شەكارا اسكەرلەرىنىڭ قورعانىس مينيسترلىگىنە باعىنۋىنىڭ نەگىزسىزدىگى ايقىن بولىپ، 1999 جىلدىڭ 2 شىلدەسىنەن باستاپ ولار ۇلتتىق قاۋىپسىزدىك كوميتەتىنىڭ قاراماعىنا قايتارىلدى. 2007 جىلعى 21 ناۋرىزدا قازاقستان رەسپۋبليكاسى پرەزيدەنتىنىڭ № 299 جارلىعىمەن مەملەكەتتىڭ اسكەري قاۋىپسىزدىگىن قامتاماسىز ەتۋگە، سوعىستار مەن قارۋلى جانجالداردى بولدىرماۋعا، قارۋلى كۇشتەردى، باسقا دا اسكەرلەر مەن اسكەري قۇرالىمداردى دامىتۋ مەن قولدانۋعا نەگىز قالاۋشى كوزقاراستار جۇيەسىن بىلدىرەتىن قازاقستان رەسپۋبليكاسىنىڭ جاڭا اسكەري دوكتريناسى بەكىتىلگەن بولاتىن.

وسىلايشا وتكەن وتىز جىلدا قازاقستان قارۋلى كۇشتەرى زاڭدىق نەگىزدە ۇزدىكسىز كەمەلدەنىپ اسكەري باسقارۋ ورگاندارىن، قارۋلى كۇشتەردiڭ تۇرلەرiن، ارنايى اسكەرلەردi, تىل، اسكەري وقۋ ورىندارى مەن عىلىمي مەكەمەلەردi قامتيتىن ىرگەلى قۇرىلىمعا اينالدى.

بيىلعى الەم ەلدەرىنىڭ اسكەري قۋاتى باعالانعان رەيتينگتە قازاقستان قارۋلى كۇشتەرى 145 مەملەكەتتىڭ ىشىندە 68 ورىننان كورىندى. قالاي جاسالادى

رەيتينگ جاساعان باسىلىم تومەندەگىدەي نەگىزگى 50 كورسەتكىشكە باسا نازار اۋدارعان. ولار:

• قورعانىس سالاسىنا كەتەتىن شىعىندار;
• تەحنيكا مەن قۇرال-جابدىقتاردىڭ ارسەنالى;
• اسكەردىڭ سانى;
• تانك، كەمە، ۇشاق پەن باسقا دا اسكەري تەحنيكانىڭ سانى;
• مۇناي ونىمدەرىنە قولجەتىمدىلىك;
• اسكەردىڭ سوعىسقا قابىلەتتىلىگىنە اسەر ەتەتىن باسقا دا فاكتورلار.

ەلىمىزدىڭ اسكەري الەۋەتىن ساندارمەن سويلەتiپ كورسەك:

قازاقستاندا 4 ءتۇرلى اسكەر بار:

اۋە قورعانىس كۇشتەرى، قۇرلىقتاعى اسكەر، اسكەري-تەڭىز كۇشتەرى جانە رەسپۋبليكالىق گۆارديا.

ەلىمىزدەگى            قۇرلىق                  اۋە                     اسكەري-تەڭىز

اسكەر سانى    اسكەرىنىڭ سانى   كۇشتەرىنىڭ سانى    كۇشتەرىنىڭ سانى

74 مىڭ ادام        47 مىڭ                  19 مىڭ                   3 مىڭعا جۋىق

تانك سانى         تىكۇشاق        اسكەري كولىك          مينومەتتەر

5 مىڭ               130-عا جۋىق          4 مىڭ             2 جارىم مىڭنان استام

(ت-80, ت-72,  جانە ت-62)

ەلىمىزدىڭ قورعانىس كەشەنىندە بۇعان قوسا 25 بومبىلاۋشى سۋ-24, 40 تارتا جويعىش ميگ-29, 14 جويعىش سۋ-27, 14 شابۋىلداۋشى سۋ-25, 43 اسكەري جويعىش ميگ-31 ۇشاقتارى مەن 100 زەنيتتىك زىمىران كەشەنى بار.

رەينتنگتى بۇرىنعىداي اقش، قىتاي، رەسەي باستاپ تۇر. قازاقستان الدىنعى جولى وزبەكستان، بەلارۋستان كەيىن قالسا، بۇل جولى ازەربايجاننان كەيىن سىرعىدى. ونىڭ دا وزىندىك سەبەبى بار ەكەنىن انىق.

بۇرىنعى كەڭەس وداعىنىڭ ەكى رەسپۋبليكاسى – ارمەنيا مەن ءازىربايجان حالىقارالىق دەڭگەيدە ءازىربايجاننىڭ ءبىر بولىگى سانالاتىن، بىراق 2020 جىلعا دەيىن تولىعىمەن ەتنيكالىق ارميانداردىڭ باقىلاۋىندا بولعان تاۋلى قاراباق ءۇشىن ونداعان جىلدار بويى سوعىسىپ كەلەدى.

2020 جىلى التى اپتاعا سوزىلعان قارۋلى جانجالدا ءازىربايجان تاۋلى قاراباق پەن ونىڭ توڭىرەگىندەگى ايتارلىقتاي اۋماقتى قايتارىپ، جەڭىسكە جەتتى. بۇل ۇرىس رەسەيدىڭ اراعايىندىعىمەن جاسالعان اتىستى توقتاتۋ تۋرالى كەلىسىممەن اياقتالدى. بىراق ايماققا رەسەيلىك بىتىمگەرشىلىك كۇشتەردىڭ شوعىرلانۋىنا قاراماستان، ەكى ەل اراسىندا وقتىن-وقتىن قاقتىعىستار ءالى بولىپ تۇرادى.

2022- جىلى 13 قىركۇيەك كۇنى ەكى ەل اراسىنداعى 2020 جىلعى سوعىستان بەرگى ەڭ قاندى شايقاستا 100-گە جۋىق ادام قازا تاپتى.سوڭعى وقيعا كەزىندە ەرەۆان تۇندە بىرنەشە ارميان قالاسىنا شابۋىل جاسالعانىن حابارلادى. ءازىربايجان بولسا، ارميان ارانداتۋشىلىقتارىنا جاۋاپ بەرىپ جاتقانىن مالىمدەدى.

ازەربايجان اسكەرىنىڭ ارمەنيامەن بولعان شايقاستاردا باسىم ورىنعى شىعۋىنىڭ تۇركيا بەرگەن اسكەري كومەكپەن بايلانىستى ەكەنى بەلگىلى. تۇركيانىڭ ەكى ەل اراسىندا قارۋلى قاقتىعىس باستالعاندا ازەربايجانعا جاڭا قارۋلار، دروندار بەرگەنى ءمالىم. تۇركيانىڭ ناتوعا مۇشە ەكەنىن ەسكەرسەك، ول ۇسىنعان قارۋلاردىڭ ازەربايجان اسكەرىنىڭ سوعىس قابىلەتىن ەسەلەپ ارتتىرعانى بەلگىلى.

قازاقستان قارۋلى كۇشتەرىنىڭ قۇرىلعالى بەرى قارۋلى قاقتىعىستارعا قاتىنپاعانى، تەك بەيبىتشىلىك ميسسيالارعا ارالاسقانى بەلگىلى. بۇرىنعى كەڭەس وداعى قۇرامىندا بولعان رەسپۋبليكالار اراسىندا تۋىنداپ جاتقان قارۋلى قاقتىعىستار قازاقستان قارۋلى كۇشتەرىنىڭ دە قىراعىلىعىن وياتىپ، اسكەري سالانى كەمەلدەندىرۋگە ناقتى قادامدار جاساۋعا تۇرتكى بولۋدا. ونىڭ باستىسى وتكەن جىلى پرەزيدەنت توقاەۆتىڭ جارلىعىمەن اسكەري دوكتريناعا وزگەرىس ەنگىزىلدى. وندا اتاپ وتۋگە تۇرارلىق تومەندەگىدەي مازمۇندار قامتىلعان:

ستراتەگيالىق باعىتتاردا اسكەرلەردىڭ (كۇشتەردىڭ), قارۋ-جاراقتىڭ، اسكەري تەحنيكا مەن ماتەريالدىق قۇرالدار قورلارىنىڭ قاجەتتى جيىنتىعىن جاساۋ ەسەبىنەن مەملەكەتتىڭ اسكەري ۇيىمىنىڭ قۇرلىق، اسكەري-اۋە جانە اسكەري-تەڭىز قۇراۋىشىنىڭ جاۋىنگەرلىك الەۋەتى ارتتىرىلدى.

اسكەرلەردەاقپاراتتىق-پسيحولوگيالىق جانە باعدارلامالىق-تەحنيكالىق (كيبەر) اسەر ەتۋگە قارسى ءىس-قيمىلدى ۇيىمداستىرۋ ءۇشىن قارۋلى كۇشتەردە بولىمشەلەر قۇرىلدى. ولاردىڭالەۋەتى مەن مۇمكىندىكتەرىن ۇلعايتۋ بويىنشا جۇمىس جۇرگىزىلۋدە.

اسكەري ماقساتتاعى اقپاراتتاندىرۋ وبەكتىلەرىندە اقپاراتتى قورعاۋدىڭ قازىرگى زامانعى پرواكتيۆتى جۇيەسىن قالىپتاستىرۋعا باعىتتالعان تەحنيكالىق جانە كادرلىق الەۋەتتى دامىتۋ جونىندە جۇيەلى جۇمىس جۇرگىزىلۋدە.

اۋماقتىققورعانىس جۇيەسىن مەملەكەتتىڭ اسكەري قاۋىپسىزدىگىن جانە قورعانىسىن قامتاماسىز ەتۋدىڭ ورتاق جۇيەسىنە ينتەگراتسيالاۋ شەڭبەرىندە قارۋلى كۇشتەر قۇرامىندا اۋماقتىق قورعانىستى باسقارۋ ورگانى قۇرىلدى.

مەملەكەتكەتونەتىن اسكەري قاتەرگە جەدەل دەن قويۋدى قامتاماسىز ەتۋ مۇددەسىندە قارۋلى كۇشتەردىڭ، باسقا دا اسكەرلەر مەن اسكەري قۇرالىمداردىڭ اۋە-كولىك مۇمكىندىگىن كۇشەيتۋ جونىندە الدىن الا شارالار قابىلدانۋدا.

اسكەرلەردىڭ ۇتقىرلىعىن ارتتىرۋ جانە اسكەري قاۋىپسىزدىككە تونەتىن قازىرگى زامانعى قاتەرگە بارابار دەن قويۋ ماقساتىندا قازاقستان رەسپۋبليكاسى ۇلتتىق ۇلانىنىڭ قۇرىلىمىن جەتىلدىرۋ، قۇرامىن كۇشەيتۋ جانە ينفراقۇرىلىمىن دامىتۋ جونىندەگى شارالار دايەكتى جانە جوسپارلى تۇردە جۇرگىزىلۋدە.

داعدارىستىجاعدايلار مەن ىشكى قارۋلى جانجالدىڭ جولىن كەسۋ كەزىندە، ونىڭ ىشىندە الەۋمەتتىك سيپاتتاعى توتەنشە جاعدايدىڭ، توتەنشە جانە سوعىس جاعدايىنىڭ قۇقىقتىق رەجيمىن قامتاماسىز ەتۋ كەزىندە مىندەتتەردى شەشۋ ءۇشىن اسكەردى قولدانۋدىڭ جاڭا نىساندارى مەن ارەكەت ەتۋ تاسىلدەرى ەنگىزىلۋدە.

ستراتەگيالىق باعىتتاردا اسكەر توپتارىن (كۇشتەردى) تۇراقتى جانە ۇزدىكسىز قامتاماسىز ەتۋ ءۇشىن قارۋلى كۇشتەردى تىلدىق جانە تەحنيكالىق قامتاماسىز ەتۋدىڭ ۇتقىر جانە ستاتسيونارلىق قۇراۋىشتارى قۇرىلدى.

مەملەكەتتى جۇمىلدىرا دايىنداۋ شەڭبەرىندە باسقارۋدىڭ تۇراقتىلىعىن ارتتىرۋ جانە مەملەكەت ەكونوميكاسىن سوعىس ۋاقىتىنا ۇيىمداسقان تۇردە كوشىرۋ، مەملەكەتتىڭ اسكەري ۇيىمىنىڭ جانە تۇرعىنداردىڭ ماتەريالدىق رەزەرۆكە قاجەتتىلىگىن قاناعاتتاندىرۋ، جۇمىلدىرۋ، سوعىس جاعدايى كەزەڭىندە جانە سوعىس ۋاقىتىندا مەملەكەتتىڭ اكىمشىلىك-اۋماقتىق بىرلىگىنىڭ جۇمىس ىستەۋىن قامتاماسىز ەتۋ ءۇشىن شارالار ىسكە اسىرىلۋدا.

قازاقستان رەسپۋبليكاسى ەلدەگى ىشكى تۇراقتىلىقتى قامتاماسىز ەتۋگە، مەملەكەتكە قارسى اسكەري جانجالدىڭ باستالۋ قاتەرىنىڭ الدىن الۋعا، حالىقارالىق قاۋىپسىزدىكتى قامتاماسىز ەتۋگە قاتىسۋدى كەڭەيتۋگە، حالىقارالىق تەرروريزمگە جانە ەكسترەميزمگە قارسى كۇرەسكە، سونداي-اق مەملەكەتتىڭ اسكەري ۇيىمىن قازاقستان رەسپۋبليكاسىن جانە ونىڭ وداقتاستارىن قارۋلى قورعاۋعا جوعارى ازىرلىك دەڭگەيىندە ۇستاۋعا نيەتتەنەدى.

اسكەري-ساياسي، اسكەري-ستراتەگيالىق جانە اسكەري-ەكونوميكالىق سالاداعى قىزمەت باعىتتارى، جۇمىلدىرۋ دايىندىعى، سونداي-اق مەملەكەتتىڭ اسكەري ۇيىمىن دامىتۋ شەڭبەرىندە ءتيىستى شارالار كوزدەلەدى.

قازاقستانرەسپۋبليكاسىنا تونەتىن اسكەري قاتەردىڭ الدىن الۋ جانە جولىن كەسۋ ءۇشىن ءتيىمدى شارالاردى قابىلداۋمەن قامتاماسىز ەتىلەتىن بولادى.

قازاقستان رەسپۋبليكاسىنىڭ شەكارالىق كەڭىستىگىندەگى شەكارالىق قارۋلى جانجالدى شەشۋدى شەكارا قىزمەتى قر ۇقك اۆياتسيا قىزمەتىمەن، شەكارا اكادەمياسىمەن، ۇلتتىق قاۋىپسىزدىكتىڭ وزگە دە ورگاندارىمەن بىرلەسىپ، قازاقستان رەسپۋبليكاسى قارۋلى كۇشتەرىنىڭ جانە ۇلتتىق ۇلانىنىڭ باسقارۋ ورگاندارىمەن، قۇرامالارىمەن جانە اسكەري بولىمدەرىمەن ءوزارا ءىس-قيمىلدا جۇزەگە اسىرادى، قاجەت بولعان كەزدە باسقا دا مەملەكەتتىك ورگاندار مەن جەرگىلىكتى اتقارۋشى ورگانداردىڭ كۇشتەرى مەن قۇرالدارى قولدانىلۋى مۇمكىن.

اسكەري-ەكونوميكالىق سالاداعى قىزمەت مەملەكەتتىڭ اسكەري ۇيىمىنىڭ قاجەتتىلىگىن بەيبىت جانە سوعىس ۋاقىتىندا جۇمىس ىستەۋ جانە ودان ءارى دامىتۋ ءۇشىن جەتكىلىكتى كولەمدە قارجىلىق، ماتەريالدىق-تەحنيكالىق جانە باسقا دا رەسۋرسپەن قاناعاتتاندىرۋعا باعىتتالعان.

قازاقستان رەسپۋبليكاسىنىڭ جۇمىلدىرۋ دايىندىعى ءىس-شاراسى قازاقستان رەسپۋبليكاسىن قارۋلى قورعاۋ مۇددەسىندە سوعىس ۋاقىتىندا مەملەكەتتى تۇراقتى باسقارۋدى قامتاماسىز ەتۋ، مەملەكەت ەكونوميكاسىن بەيبىت كەزدەن سوعىس جاعدايى رەجيمىنە ۇيىمداسقان تۇردە كوشىرۋدى قامتاماسىز ەتۋ، مەملەكەتتىڭ اسكەري ۇيىمىنىڭ جانە ەل تۇرعىندارىنىڭ قاجەتتىلىكتەرىن قامتاماسىز ەتۋ، جاۋىنگەرلىك ءىس-قيمىل جانە اۋماقتىق قورعانىس ايماقتارىندا ەكونوميكا سالالارى مەن اكىمشىلىك-اۋماقتىق بىرلىكتەردىڭ جۇمىس ىستەپ تۇرۋى ماقساتىندا جۇرگىزىلەدى.

وسى اسكەري دوكتريناعا ەنگىزىلگەن وزگەرىس تالابىنا ساي درون سياقتى جاڭا وزىق قارۋلار، بايلانىس قۇرالدارىن ساتىپ الۋعا كوڭىل بولىنۋدە پرەزيدەنت ايتقان، دوكتورينادا كورسەتىلگەن سول جۇمىستاردىڭ تياناقتى قولعا الىنىپ، ىسكە اسىپ جاتقانىنىڭ ناقتى ءبىر كورىنىسى – دەسانتتىق-شابۋىلداۋ اسكەرلەرىنىڭ بايلانىس پولكىندە قارۋلى كۇشتەردىڭ بايلانىسشىلارى اراسىنداعى وقۋ جيىنى ءوتتى. بۇل جيىنعا «بۇركىت» جاڭا تسيفرلىق ستانتسيالارىن زەردەلەۋ ءۇشىن قازاقستان اسكەرىنىڭ بايلانىس بولىمشەلەرى قىزمەتىنە كىرەتىن راديورەلەلىك بايلانىستىڭ 30-عا جۋىق مامانى قاتىستى.

ءتورت كۇن بويى وفيتسەرلەر مەن كەلىسىمشارت اسكەري قىزمەتشىلەرى تەوريادا جانە ءىس جۇزىندە ءار ءتۇرلى ماقساتتاعى راديورەلەلىك جەلىلەر مەن بايلانىس ارنالارىن ۇيىمداستىرۋعا ارنالعان «بۇركىت» ر-409متس ستانتسياسىنىڭ تاكتيكالىق-تەحنيكالىق سيپاتتامالارىن زەرتتەپ، زەردەلەدى.

اتالمىش بايلانىس ماشينالارى قارۋلى كۇشتەرگە 2023 جىلدىڭ قاڭتارىندا اكەلىندى. مامانداردىڭ ايتۋىنشا، بۇعان دەيىن راديورەلەلىك بايلانىستى راديورەلەلىك ستانتسيالاردىڭ كومەگىمەن قامتاماسىز ەتكەن. ەندى بايلانىسشىلار تسيفرلىق جابدىقتارمەن جۇمىس ىستەيتىن بولادى.

وسىنداي اسكەري بازانى جاڭارتۋدىڭ، جاۋىنگەرلەردى جاڭاشا دايىنداۋدىڭ ناتيجەسىندە قازاقستان قارۋلى كۇشتەرىنىڭ الەۋەتى ۋاقىت وتكەن سايىن كەمەلدەنىپ، ۇرىس قابىلەتى ەسەلەنىپ، الەمدىڭ رەيتينگتەردە الدىنعى ورىنداردان كورىنەرى داۋسىز.

Abai.kz