ەۋروكوميسسيا بۇگىنگى وتىرىسىندا سانكتسيالاردىڭ 11-ءشى پاكەتىن تالقىلايدى. كوميسسيا ءتورايىمى ۋرسۋلا فون دەر ليايەننىڭ ۇسىنىسىمەن تانىس Reuter دەرەككوزى، قىتاي، قازاقستان، يران مەن وزبەكستاننىڭ بىرقاتار ساۋدا كومپانيالارىنا سانكتسيا سالۋ ماسەلەسى ناقتى قاراستىرىلادى دەيدى. ناقتى قاي كومپانياعا سانكتسيا سالىناتىنى تۋرالى اقپارات جوق، دەپ جازدى Dalainside.

پولشا مەن ليتۆا "قازاقستاننىڭ ساۋدا قاتىناسىنا جاۋاپتى شەنەۋىكتەرىنە دە سانكتسيا سالايىق" دەگەن قاتقىل ۇسىنىسپەن شىققان. اڭگىمە - قر ۆيتسە-پرەمەرى، ساۋدا جانە ينتەگراتسيا ءمينيسترى سەرىك جۇمانعارين تۋرالى جۇرگەن سياقتى. بىراق وعان نيدەرلاندى، يتاليا مەن فرانتسيا وكىلدەرى قارسى بولدى. وسى ءۇش ەلدىڭ قازاقستاندا اكتيۆتەرى مەن ينۆەستيتسيالارى بار ەكەنىن ەسكەرسەك، ولاردىڭ اقوردانى رەنجىتكىسى كەلمەيتىنىن اڭعارۋعا بولادى.

جالپى، پولشانىڭ قازاقستاندى اسا جاقتىرمايتىنى بايقالادى. ءبىر اي بۇرىن قازاقستان ازاماتتارى ءۇشىن شەنگەن ۆيزاسىن بەرۋدى قيىنداتۋ وسى پولشا جاقتان شىققان باستاما ەدى. رەسمي ۆارشاۆا قازاقستانعا سىني كوزبەن ءجيى قارايدى. ونىڭ ناقتى سەبەپتەرى بەلگىسىز.

جۇمانعارين بە، قۇلىباەۆ پا؟ قايسىسى سانكتسيانى ءبىرىنشى الادى؟ ەكس پرەمەر اكەجان قاجىگەلديننىڭ ۆاشينگتونعا بارىپ، وتاندىق وليگارح تيمۋر قۇلىباەۆقا سانكتسيا سالۋىن سۇرايتىنى بويىنشا جازعان بولاتىنبىز. ونى اقش قاناعاتتاندىرا ما، الدە قاجىگەلديننىڭ مەسەلىن قايتارا ما، ۋاقىت كورسەتەدى.

ۋاقىت ءبارىن ورنىنا قويدى. ەندى ءبىز ولارعا ەمەس، باتىس بىزگە قاراپ: "جىنىمدى كەلتىرمەڭىزشى" دەپ تۇرعان سياقتى.

Abai.kz