رەسەي «ورتالىق ازياداعى بىرقاتار ەلگە رەسەيگە قارسى سانكتسياعا قوسىلۋعا رۇقسات بەرەمىز»، - دەدى. مۇنى رەسەيدىڭ سىرتقى ىستەر ءمينيسترىنىڭ ورىنباسارى ميحايل گالۋزين مامىردىڭ 16-سى كۇنى «ۆالداي» پىكىرتالاس كلۋبىنىڭ ءىىى ورتالىق ازيا كونفەرەنتسياسىندا ايتتى.

«وا-داعى بىرقاتار ەل تاۋەكەلگە بارۋعا دايىن ەمەس ەكەنىن جانە باتىستىڭ رەسەيگە قارسى سانكتسيالارىنا قوسىلۋى مۇمكىن ەكەنىن اشىق ايتىپ وتىر... ەكىجاقتى كەلىسىمگە قايشى كەلمەسە، رەسەي ەشقاي ەلدىڭ تاڭداۋىنا قارسى كەلمەيدى، (مىنا جولدى تاڭدا دەپ) بۇيىرمايدى. الايدا باتىس وا-نى رەسەي فەدەراتسياسىنا قارسى قويۋعا تىرىسىپ جاتىر»، – دەدى ول.

گالۋزيننىڭ ويىنشا، رەسەيمەن ات قۇيرىعىن كەسىسۋدىڭ سوڭى وا ەلدەرى ءۇشىن قيىنعا سوعادى-مىس، ەكونوميكالىق زاردابى اۋىر بولادى ەكەن.

«مۇنى ولار جاقسى تۇسىنەتىنىنە سەنىمدىمىن»، – دەيدى رف ءسىم ۆيتسە-ءمينيسترى.

بۇعان دەيىن پاراللەل يمپورتتاعى تاۋارلارى بار رەسەيدىڭ جۇك تاسىمالداۋشىلارى قازاقستاندى اينالىپ ءوتىپ باستاعانىن رەسەيدىڭ باق-ى جارىسا جازعان.

Abai.kz