دىنسىزدەنگەن باتىستىڭ بەيادەپتى جىنىستىق ەركىندىگى ەۋرووداقتىڭ ءوز ىشىندە قارسىلىققا تاپ بولدى. ءدىنى بەرىك پولشا مەن ۆەنگريا ءام يتاليادا كونسەرۆاتيۆتىك پوپۋليزم دۇنيەگە كەلىپ، باتىستىڭ مادەني-دەموكراتيالىق قۇندىلىقتارىنا كۇمان كەلتىرۋ ورىن الىپ، ونى  ۆەنگەر پرەمەر-ءمينيسترى ۆيكتور ورباننىڭ ەسىمىمەن بايلاستىرعان «ورباندانۋ» ساياسي تەرمىنى ومىرىگە كەلدى.

بۇل الاۋىزدىقتى پۋتين مەن رەسەي قارسى بارلاۋى ورىندى پايدالانىپ وتىر. ناتيجەسىندە رەسەيگە قانى قاس گۇرجىستان جۇرىسىنەن جاڭىلىپ، ونىڭ ەۋروپاداعى جاقتاسىنا اينالىپ شىعا كەلگەنىن بىلمەي دە قالدى. مىنە وسىعان بايلانىستى لگبت-ۇگىتىن «ليبەرالدى فاشيزم» دەگەن اتاۋ ەو-دا جايىلىپ، ونىڭ ءبىر ۇشپاعى گۇرجىستاندى دا شارپىدى.

گۇرجى پرەمەرى يراكلي گاريباشۆيلي بۋداپەشتە وتكەن كونسەرۆاتيۆتى ساياسي ءىس-ارەكەت كونفەرەنتسياسىندا (CPAC) جۋرناليستەرگە بەرگەن سۇحباتىندا: «...جىنىس اۋىستىرۋدى كوككە كوتەرە دارىپتەي ناسيحاتتاۋدىڭ اياعى... ۋنيۆەرسيتەت ستۋدەنتتەرىن ءسوز ەتپەي-اق قويالىق، كەرەك دەسەڭىز مەكتەپتەگى جاس ۇرپاق ساناسىن ۋلايدى»، - دەدى.

ليبەربالدى قۇندىلىقتار «جىنىس اۋىستىرۋ» كەسىرىنەن ۆەنگريا مەن گۇرجىستان تاراپىنان مانسۇقتالا باستادى. ولار پۋتين ۇسىنعان ەۋروپاسىزدانعان ءدىني ۇستانىمدى ءوز وتانداستارى ساناسىنا سىڭىرۋگە كوشتى.

رەسەي 20% جەرىن باسىپ العان گۇرجىستاننىڭ قورعانىس ءمينيسترى دجۋانشەر بۋرچۋلادزە تاپ وسى ليبەراليزم ەلدىڭ قاۋىپسىزدىگى مەن تۇتاستىعىنا قاۋىپ ءتوندىرىپ وتىر دەپ مالىمدەدى. بۇنىڭ ار جاعىندا وسى ەلدە كەلەسى جىلى وتەتىن پارلامەنت سايلاۋى جاتىر. ەگەر گۇرجىستانعا ەو كانديداتتىق مارتەبەسى بەرىلمەيتىن بولسا، وندا بۇل ەل رەسەيشىل جولعا ءتۇسۋدى باعدار ەتەدى.

گۇرجى پرەمەرى يراكلي گاريباشۆيلي ۆيكتور ورباندى ءوز ەلىنىڭ  ناتو مەن ەو مۇشەلىگىن جاقتايتىن «ناعىز دوسىمىز» دەپ اتاپ، «ماديرلارعا قۇداي وڭ كوزبەن قاراپ، ونىڭ تاعانتاستىق حريستياندىق، ۇلتتىق، پاتريوتتىق وتباسىلىق قۇندىلىقتارىنىڭ كىلتىن كورگەن دە، دانا كوشباسشىسىنىڭ قولىنا ۇستاتىپ وتىر. ول ءارى ناعىز ءتالىمدى دە، جاۋىنگەر يسا ءماسىحشى بولىپ تابىلادى» دەپ ماقتاۋىن اسىردى. وربان ءوز كەزەگىندە گاريباشۆيليگە: «رەسەيدىڭ كولەڭكەسىن پانا تۇتىپ، ءوز ەلىڭ مەن قاۋىپسىزدىگىڭدى ساقتاعانىڭ ءجون»، - دەپ كەڭەس بەردى.

وسىلايشا رەسەيشىل پارتيالار ءوز ساياسي ءيميدجىن كوتەرۋ ءۇشىن «ءبىز رەسەيلىك ەمەس، ەۋروپالىق كونسەرۆاتورلارمىز. بىزگە گەيترانستانباعان «ناعىز ەۋروپا» كەرەك» دەگەن اۋەندى گۇرجىلەر ساناسىنا سىڭىرە باستادى»، - دەيدى ساياساتكەر گيا نوديا.

ليبەرالدى ەليتانى ءوز ومىرىنەن الاستاتقان رەسەيدىڭ قاتارىن ەندى، مىنە، گۇرجىستان مەن ۆەنگريا تولىقتىرماقشى. ولاردىڭ بيلىكتەگى پارتيالارى ەلەكتورالدىق قولداۋعا قول جەتكىزۋ ءۇشىن وسىنداي قادامعا بارىپ وتىر.

گۇرجىستانداعى بۇرىن ءۇنى شىقپاي جۇرگەن رەسەيشىل توپتار مەن ساياساتكەر سەكسۋالدى ازشىلىق تاقىرىبىن تۋ ەتىپ، اتقا مىنە باستاعانىن الەمدىك باق سوڭعى كەزدە ءجيى جازا باستادى.

ۋكراين پرەزيدەنتى سااكاشۆيليدى قاماۋدان بوساتىپ، ەمدەۋگە شاقىرسا دا قاماعىننان باس تارتۋعا شاقىرسا دا، ارتىندا كرەمل تۇرعان تيبليسي رايىنان قايتپادى. ولار ەكس-پرەزيدەنت ميحايل سااكاشۆيليدىڭ گۇرجىستاننىڭ بۇگىنگى گۇلدەنۋىنە قول جەتكىزگەنىن تارس ۇمتىپ، ودان «دۇشپان بەينەسىن» قاپىسىز سومداپ، ونى بيىلككە اكەلگەن «ءبىرتۇتاس ۇلتتىق قوزعالىس» وپپوزيتسياعا كەتتى. «شەتەلدىك اگەنتتەر» تۋرالى زاڭى دا وسى ەلدىڭ پرەزيدەنت سااكاشۆيلي اماناتتاعان دەموكراتيادان اۋىلىن الىستاتىپ بارا جاتقانىن كورسەتتى.

2022جىلى بۇكىل باتىس ەلدەرى رەسەيگە ۋكرايناعا باسا-كوكتەپ ەنگەنى ءۇشىن تەڭدەسى جوق سانكتسيا سالعان شاقتا وسى قوس ەل ءبىزدى وزگە ەلدىڭ سوعىسىنا تارتۋدىڭ ەش قاجەتى جوق دەپ بايبالامعا باسقانى الەم جۇرتىنىڭ ءالى ەسىندە.  ءتىپتى ەۋروپا ءوز اسپانىن رەسەيلىك جولاۋشىلار ۇشاعىنا جاپقان شاقتا گۇرجىلەر ونى اشتى. ەو مەن ناتو قاتىستى گۇرجىستان مەن ۆەنگريا قوسارلى ساياسات ۇستانىپ كەلەدى. وربان ءوز جەرى ارقىلى ۋكرايناعا قارۋ-جاراق جەتكىزۋگە ءۇزىلدى-كەسىلدى قارسى بولىپ كەلەدى. ءارى ەۋرووداقتىڭ كيەۆكە بەرەتىن كومەگىنە قاتىستى ۇنەمى شۋ كوتەرۋمەن كەلە جاتقان جايى بار.

«ۆەنگريانىڭ ايىرماشىلىعى ول – ناتو مەن ەو مۇشە جانە رف ورتاق شەكاراسى جوق.  وسىنداي ەكى ارتىقشىلىعى بار مەملەكەتتىڭ ارتىنان ەرۋ گۇرجىستاندى ونى رەسەيدىڭ ساتەلليتىنە اينالدىرىپ، ورعا جىعادى»، - دەيدى ساياساتكەر گيا نوديا.

ەۋرو كوميسسيانىڭ ەسەبى بويىنشا گۇرجىستان ەو كانديدات مارتەبەسىن الۋ ءۇشىن قويىلعان 12 تالاپتىڭ تەك ۇشەۋىن عانا ورىنداعان. ال، ەو وسى 12 تالابىن مۇلتىكسىز ورىنداعان ۋكراينا مەن مولدوۆا بيىل جازدا اتالعان مارتەبەنى يەلەنە الدى. وسى مارتەبەگى گۇرجىستاننىڭ الۋ الماۋى بيىلعى جىلدىڭ اياعىندا بەلگىلى بولادى.

دايىنداعان ءابىل-سەرىك الىاكبار

Abai.kz