30 تامىزدا استانادا «بيلىك-ديالوگ-قوعام» اتتى العاشقى قازاقستاندىق قوعامدىق-ساياسي فورۋم وتەدى.

ءىس-شارا قازاقستان رەسپۋبليكاسىنىڭ كونستيتۋتسياسى كۇنىنە جانە 2023-2024 جج. قوعامدىق-ساياسي ماۋسىمىنىڭ باستالۋىنا قاراي «جاس كاسىپقويلار قوعامى» رەسپۋبليكالىق قوعامدىق بىرلەستىگى ۇيىمداستىرىپ وتىر.

جيىننىڭ نەگىزگى ماقساتى: قازاقستاندىق ساياسي بيلىك ء(ارى قاراي – بيلىك) پەن قازاقستان حالقى ء(ارى قاراي – قوعام) اراسىندا ديالوگ ورناتۋ، ەلىمىزدە دەموكراتيالىق وزگەرىستەرگە قول جەتكىزۋ.

قازاقستانداعى مەملەكەتتىك ينستيتۋتتار، ونىڭ ىشىندە ساياسي پارتيالار بيلىك پەن قوعام اراسىنداعى ديالوگتى ءتيىمدى جۇرگىزە الماي كەلەدى. ويتكەنى بيلىكتىڭ باستاماسى قوعامنىڭ سەنىمىن تۋدىرمايدى.

قايعىلى «قاڭتار» وقيعالارى مەن وتكەن سايلاۋدان كەيىن ەلدە الەۋمەتتىك قاقتىعىستاردىڭ سانى بىرنەشە ەسە ءوستى، بۇل قايعىلى جاعدايدىڭ قايتالانۋىنا اكەلۋى مۇمكىن. قوعامنىڭ ءوزىنىڭ باستاماسىمەن بيلىك پەن قوعام اراسىندا ديالوگ ورناتۋدىڭ شۇعىل قاجەتتىلىگى تۋىندادى.

اتالعان جيىنعا پرەزيدەنت توقاەۆ باستاعان، مەملەكەتتىك حاتشى ەرلان قارين, ءپا جەتەكشىسىنىڭ ورىنباسارى ايدا بالاەۆا, ۇكىمەت باسشىسى ءاليحان سمايىلوۆ, پارلامەنت سپيكەرلەرى ماۋلەن اشىمباەۆ پەن ەرلان قوشانوۆتار قوستاعان ساياسي باسشىلىق تۇگەل قاتىسادى دەپ جوسپارلانعان.

سپيكەرلەردىڭ اراسىندا ءماجىلىس دەپۋتاتتارى ەرمۇرات باپي، ابزال قۇسپان، رينات زايىتوۆ، قازىبەك يسا، ماقسات تولىقبايلاردىڭ ەسىمدەرى اتالادى.

ولاردان بولەك، قۇقىق قورعاۋشى عالىم اعەلەۋوۆ, قوعام قايراتكەرلەرى ءۋاليحان قايساروۆ، زاۋرەش باتتالوۆا، الماسبەك سادىرباەۆتار دا سپيكەرلەر تىزىمىندە.

فورۋمنىڭ ارنايى قوناعى – قازاقستاننىڭ بۇرىنعى پرەمەر-ءمينيسترى اكەجان قاجىگەلدين دەلىنگەن.

Abai.kz