2022 جىلدىڭ شىلدەسىندە رەسەي سىرتقى ىستەر مينيسترلىگى كونسۋلدىق دەپارتامەنتىنىڭ ديرەكتورى يۆان ۆولىنكين ءتورت مەملەكەتتە، اتاپ ايتساق: اقتاۋ (قازاقستان), گرودنو (بەلارۋس), كانكۋن (مەكسيكا) جانە سامارقاندتا (وزبەكستان) رەسەيدىڭ كونسۋلدىق مەكەمەلەرىن اشاتىندىعىن تاسس ارقىلى ءسوز ەتكەن بولاتىن.

كاسپي بەستىگىنىڭ اراسىندا جەرى دە، تەڭىزى دە رەسەيمەن شەكتەسكەن تەك قازاقستان عانا. سول سەبەپتى اقتاۋ رەسەيدىڭ كونسۋلدىق مەكەمەسىنە تەگىن تاڭدالىپ وتىرعان جوق.

اراعا ايلار سالىپ، بىلتىرعى جىلى قاراشادا اقتاۋدا رەسەي باس كونسۋلدىعىن اشۋ ماسەلەسى تۇبەگەيلى شەشىلەتىن بولدى دەپ، رەسەي ەلشىسى الەكسەي بوروداۆكين مالىمدەدە جاساعانىن ءبارىمىز جاقسى بىلەمىز.

سودان كەيىن ەكى ەلدىڭ اقپاراتىندا وسى تاقىرىپ تىم-تىرىس قالدى. ەندى مىنە، رەسەي ەلشىسى الەكسەي بوروداۆكين ماڭعىستاۋ وبلىسىنىڭ اكىمى نۇرلان نوعاەۆپەن وسى ماسەلەنىڭ باسىن اشىپ الىپتى.

بۇل تۋراسىندا تاسس اگەنتتىگى: «رەسەي-قازاق ارىپتەستىگىن ودان ارى دامىتۋ اياسىندا ايماقارالىق دەڭگەيدەگى ەنەرگەتيكا، كولىك پەن لوگيستيك، اۋىلشارۋاشىلىع، ونىڭ ىشىندە مال شارۋاشىلىعى، ءارى تۋريزمدىك ارالاس-قۇرالاستىعى ەسكەرىلە وتىرلىپ، اقتاۋ قالاسىندا رەسەيدىڭ كونسۋلدىعىن اشۋ ماسەلەسى جان-جاقتى قاراستىرىلدى»،- دەپ جازادى.

بۇل ورايدا تازا قازاقي ايماققا ارىپتەستىكتى جەلەۋ ەتىپ، ءۇي ىشىنەن ءۇي تىگىپ، كونسۋلدىق اشىپ، اۋىز سالۋىنىڭ استارىندا نە جاتىر دەگەن ساۋالدىڭ قۇلاعى قىلتيادى.

Abai.kz