وسى جولعى جولداۋىندا مەملەكەت باسشىسى رەسپۋبليكا جۇرتشىلىعىن تولعاندىرعان كوپتەگەن ماسەلەلەرگە ناقتى دا، نىق جاۋاپ بەرە ءبىلدى. بۇرىنعى ەلباسى داۋىرىندەگى جولداۋلارعا ءتان الدەبىر بۋىلدىر سەنىمنىڭ جەتەگىندە كەتۋشىلكتەن ادالىق ايقىن بايقالدى.

ءبىزدىڭ بۇل ارادا ايقىن بايقالدى دەگەنىمىز – ول اەس سالۋ تەكەتىرەسى. قازىر قازاق قوعامىن ءتىل عانا ەكى ءبولىپ وتىرعان جوق. سونىمەن بىرگە ەلىمىزدە اەس سالىنۋى قولداۋشىلار مەن وعان قارسى ەكى بىردەي لاگەرگە بولىندىگى دە جاسىرىن ەمەس. رەسپۋبليكا تۇرعىدارى ەلىمىز حالقى كوپ 50 مەملەكەتتىڭ قاتارىنا قوسىلعاننان كەيىن ەنەرگەتيكالىق قۋات كوزدەرىنىڭ تاپشىلىعى ايقىن سەزىلە باستادى. ونىڭ بۇلاي بولۋ سەبەبى بۇرىنعى بيلىك كەزىندە كسرو مۇراعا قالعان ەلەكتر جەلىسىنە جاڭارتلۋ ەش جاسالعان جوق. جانە ەكسپو وتكەننەن كەيىنگى وندا قوزعالعان «جاسىل ەكونوميكا» قاعاز كۇيىندە قالا بەردى.

مەملەكەت باسشىسى ەسكى بيلىكتەن مۇراعا قالعان ەنەرگەتيكا سالاسىنداعى ارتتا قالۋشىلىق پەن باعاننىڭ وسى سالاداعى جىلدان جىلعا قىمباتتاۋى حالىققا دا، بيزنەسكە دە ءوز كەسىرىن تيگىزىپ وتىرعانىن جاقسى بىلەدى. مىنە، وسى تىعىرىقتان شىعىۋدى جاقتاۋشىلاردىڭ ءبىرى – اەس سالۋ دەسە، ەكىنشى جاعى – «جاسىل ەكونوميكانى» دامىتۋعا دەن قويۋعا شاقىرادى. پرەزيدەنتتىمىز حانعا ءتان ساليقالىقپەن ءبىر-بىرىنە اتارعا وعى جوق ەكى تاراپتىڭ دا كوڭىلىن تاۋىپ، «اەس سالىنۋ-سالىنباۋىن» بۇكىلحالىقتىق رەفەرەندۋم شەشەدى دەپ قارا قىلدى قاق جاردى.

اەس سالىنبايتىن بولسا، ونىڭ بالامالى جولدارى جەل مەن كۇن ەنەرگەتيكاسى دامۋىنا كەڭ جول اشىلادى. جانە رەسەي اتوم وندىرىسىنە ءلاپپاي تاقسىر بولىپ جۇرگەندەردىڭ دە اۋىزدارى جابىلادى. پرەزيدەنت وسىلايشا ماعجانشالاساق، «توقساننىڭ توبىنىڭ» كوڭىلىن تاۋىپ، رەسەيشىل «وننىڭ» اۋىزىنا رەفەرەندۋممەن قاقپاق قويا ءبىلدى.

Abai.kz