بۇرىنعى پرەزيدەنتتىڭ كىندىك قانى تامعان جەر – شامالعان تاعى ءبىر داۋدىڭ دۋمانىنا اينالدى.

بۇل جولعى داۋدىڭ كورىگىن قىزدىرعان الماتى وبلىسىنىڭ قارجى باسقارماسى «ۇشقوڭىر سۋشارۋاشىلىعى» كوللەدجىن مەملەكەتتىڭ قاراۋىنا قايتارىپ الۋ ءۇشىن مەنشىك يەسى جك «ءانيپانىڭ» ۇستىنەن سوتقا ارىز بەرگەن بولدى.

ەندى وسى ارىز قاناعاتتاندىرىلىپ، بۇرىن ەكس-پرەزيدەنتتىڭ قارىنداسى ءانيپا نازارباەۆانىڭ قاراۋىندا بولعان وقۋ ورنى مەملەكەت قاراۋىنا قايتارىلدى.

ءانيپا نازارباەۆا سوت سوڭىندا بار-جوعى 3450 ء(ۇش مىڭ ءتورت ءجۇز ەلۋ) تەڭگە باج سالىعىن تولەۋمەن جەڭىل قۇتىلدى. سوندا جالعاندى جالپاعىنان باسقان بۇل اۋلەت وسىلاي جەڭىل جەلپى بولىمسىز قارجى تولەۋمەن، جازاسىز قۇتىلا بەرە مە؟ ولاردىڭ بۇرىنعى باۋىرىنا باسقاندارىن قايتارۋ كەرەك-اق. الادايدا ولار ول دۇنيەلەردى قالاي، قانداي جولمەن يەمدەندى؟ تەرگەۋ اشىق جاريالانىپ، جازا قولدانىلماي ما؟

Abai.kz