قازاقستان مەن قىرعىزستاننىڭ ۇكىمەت ارالىق كەڭەسىنىڭ 11 وتىرىسى اقىلبەك جاپاروۆ پەن ءاليحان سمايلوۆتىڭ قاتىسۋىمەن قىركۇيەكتىڭ سوڭىندا تاراز قالاسىندا وتكەن. وندا تاراپتار سۋ بەرۋدى قالپىنا كەلتىرۋگە كەلىسكەن.

ء"بىز قىرعىز رەسپۋبليكاسىنىڭ اۋىل شارۋاشىلىعى مينيسترىمەن كەزدەسىپ، كيروۆ سۋ قويماسىن اشۋ بويىنشا كەلىستىك. قازىر سۋ قويماسىنان 12 تەكشە مەتر سۋ جامبىل وبلىسىنىڭ سۋ قويماسىنا بەرىلىپ جاتىر", - دەدى نۇرجىگىتوۆ.

سوڭعى ەكى ايدا سۋ بەرىلۋ توقتاعان بولاتىن.

بيىل قىرعىزستاننىڭ كيروۆ سۋ قويماسىندا سۋ دەڭگەيى سوڭعى 30 جىلداعى ەڭ تومەنگى دەڭگەيگە تۇسكەن. قازاقستان سۋعارۋ سۋىنىڭ جەتىسپەۋىنە بايلانىستى 13 اۋداندا توتەنشە جاعداي جاريالاعان.

1976 جىلى سالىنعان كيروۆ سۋ قويماسىنا 550 ملن تەكشە مەتر سۋ سيادى. رەسمي مالىمەتكە قاراعاندا، 2016 جىلى ەڭ كوپ سۋ جينالىپ، كولەمى 500 ملن تەكشە مەتر بولعان. كيروۆ سۋ قويماسىنا جينالعان سۋدىڭ 80% قازاقستانعا كەتەدى.

تالاستىڭ ماناس اۋدانى سۋدىڭ 20 پايىزىن عانا قولدانادى. قازاقستان سۋ العانى ءۇشىن كيروۆ سۋ قويماسىنا جىل سايىن جوندەۋ جۇمىستارىن جۇرگىزىپ وتىرادى.