اقش كونگرەسىنىڭ ستراتەگيالىق جوسپارلاۋ كوميسسياسىنىڭ 145 بەتتىك قۇجاتىندا قۇراما شتاتتارى رەسەي جانە قىتايمەن ورىن الىپ قالۋى ىقتيمال بىرمەزەتتىك سوعىسقا دايىن بولۋ كەرەكتىگى ءسوز ەتىلەدى.

قۇجاتتى دايىنداۋشىلار: «بۇگىن قۇراما شتاتتارى ەگەر قاجەت ەتەتىن بولسا، حالىقارالىق احۋالدىڭ ستاتۋس-كۆو-سىن وزگەرتۋگە دامەسى زور ءبىر ەمەس، قوس يادرولىق قۋاتتى وزىمەن دەڭگەيلەس باسەكەلەستىڭ ءوز جولىن كەسەتىن ءداۋىردىڭ قارساڭىندا تۇر. بۇل جاعدايدىڭ تۋىنداۋىن قۇراما شتاتتارى الدىن الا اڭعارا الماي قالدى ءام بۇعان مۇلدە دايىن بولماي قالدى»، - دەپ ەسەپتەيدى

Reuters-كە وسى مالىمەتتى بەرگەن اتالعان قۇجاتتى دايىنداۋعا اتسالىسقان جوعارى شەندى دەرەكشى  اۋىز جالاسىپ العان رەسەي مەن قىتايدى سابالارىنا ءتۇسىرۋ ءۇشىن اقش ەكى جاقتى سوعىستى جۇرگىزۋگە تاس-ءتۇيىن دايىن بولۋى كەرەك.

قۇجات اۆتورلارى رەسەي مەن قىتاي جاعىنان تۋىندايتىن قاۋىپ 2027-2035 ارالىعىندا مۇلدەم كۇشەيە تۇسەتىندىكتەن وسى باستان ونىڭ الدىن الۋعا كىرىسىپ كەتۋ قاجەت دەپ سانايدى. اقش پەن ونىڭ وداقتاستارى ەكى بىردەي قارسىلاستى تەۋجەۋ مەن تۇمسىعىن تاسقا سوقتىرۋ ءۇشىن وسى باستان قولدان كەلگەن شارانىڭ ءبارىن قولدانۋعا ءتيىس دەلىنگەن وي وسى قۇجاتتا ءسوز ەتىلەدى.

كونگرەستىڭ ستراتەگيالىق جوسپارلاۋ كوميسسياسى اقش بيلىگىنە «بيۋدجەتتىك حال-احۋالعا» پسىقىرىپ قاراماي ادەتتەگى قارۋ-جاراق شىعارۋدى ارتتىرىپ، يادرولىق قارۋدى مودەرنيزاتسيالاۋدى ۇسىندى.

Abai.kz