كەشە الەمنىڭ بىرقاتار مەملەكەتىنىڭ باسشى-قوسشىلارىقازاقستاندى رەسپۋبليكا كۇنىمەن قۇتتىقتاپ، جەدەلحات جولداپ جاتتى. سونداي ءۇشبۋ حاتتىڭ ءبىرىن رەسەي ەلشىلىگى جولدادى. كوڭىلىمىزدى كۇپتى ەتكەنى دە وسى.

رەسەي ەلشىلىگىنىڭ حابارلاماسىنداعى:

«قىمباتتى قازاقستاندىق دوستار! رەسپۋبليكا كۇنى مەرەكەسىنە بايلانىستى جۇرەكجاردى قۇتتىقتاۋىمىزدى قابىل الىڭىزدار! رەسەي ءۇشىن قازاقستان كورشى مەملەكەت قانا ەمەس، ءارى ساۋدا-ەكونوميكالىق ارىپتەس تە بولىپ تابىلادى. سىزدەر بىزگە سەنىمدى وداقتاس ءارى ينتەگراتسيالىق ارىپتەسسىزدەر، سوندىقتان رەسەي قاجەت بولعان شاقتا تاۋەلسىزدىكتەرىڭىز بەن تۇتاستىقتارىڭىزدى قورعاۋعا قاشاندا دايىن»، - دەدى.

سوڭعى «رەسەي قاجەت بولعان شاقتا تاۋەلسىزدىكتەرىڭىز بەن تۇتاستىقتارىڭىزدى قورعاۋعا قاشاندا دايىن»، - دەگەن جولدار قوعامنىڭ تالقىسىن تۋدىرىپ وتىر.

ءومىرى قازاق دەسە قاعىنان جەرىگەن قۇلىن بولىپ كەلەتىن رەسەي ەلشىسىنىڭ بۇلايشا سايراۋىنىڭ ءتۇپ توركىنى اقش-تىڭ استاناداعى ەلشىسى ناتو-نىڭ قازاقستانداعى بىتىمگەرلىك وپەراتسيالار ورتالىعىن اشۋى ەدى.

پۋتيندىك رەسەيدىڭ مىڭ قۇبىلىپ، قىتايدان جاقتاۋ ىزدەپ، وا-نى «ناتو-دان قورعايمىز» دەگەن جاڭا تەزيسىن ومىرگە اكەلۋگە ءماجبۇر ەتكەنىن رەسەي ەلشىلىنىڭ وسى ءبىر قۇتتىقتاۋىنىڭ استارىنان  بايقاۋعا بولادى.

كەزىندە حاكىم اباي «شىعىسىم باتىس بوپ» كەتتى دەگەن ەدى. ءبىزدىڭ بيلىكتىڭ ءبىرازى ماسكەۋدى بەيجىنگە اۋىستىرعان سىڭايلى. ويتكەنى، ەلىمىزدىڭ گەوساياسي ورنالاسۋىنان پايدا كورۋدىڭ ورنىنا ساياسي زيان كورەتىن بولدىق. ۇجىمدىق باتىس پەن اقش قىزىقتىراتىن «ساياسي سەركەلىگىمىز» «ساياسي سايقىمازاقتىققا» اينالىپ وتىر. قىتاي مەن رەسەيگە ايبات كورسەتە الماۋشىلىقتى «بۇل ءبىزدىڭ ەكى ەلمەن بەيبىت ءومىر كەشۋدەگى ساياسي ديپلوماتيالىق سىپايىلىعىمىز» دەپ ميپازدايتىن بولدىق.

وسى ميپازداۋى قورعانىس مينسترىلىگىندەگىلەرىنىڭ رەسەي الدىندا اقتالۋىنان اڭعارۋىمىزعا بولادى.

«سوندا بىزدە ورىس بارلاۋى مەن ماسكەۋ قۇپتاعان ادامدار عانا بيىك لاۋازىمدى يەلەنەدى مە» دەگەن ويعا قالادى ەكەنسىڭ. ەكى ەلدىڭ «ءبىزدىڭ تاۋەلسىزدىك پەن تۇتاستىعىمىزدى قورعاۋعا قاشاندا دايىندىعى» اقش پەن ناتو-نى وا-عا قازاق جەرى ارقىلى كىرگىزبەۋ ەكەنىن ۇعاتىن كەز كەلدى ەمەس پە؟ ازيانىڭ «التىن قاقپاسىن» قورقاق مينيسترلەر ۇشپاققا شىعارا المايدى!

سوندا ءبىزدىڭ بيىك لاۋازىمداعىلار حالىققا جاعۋ ءۇشىن ەمەس، بەيجىن مەن كرەملگە جاعىنۋ ءۇشىن ورىنتاقتارىن يەلەنگەندەر مە دەگەن ساۋال كوڭىلدى كۇپتى ەتەدى. ءوزىڭدى ءوزىڭ سىيلاساڭ، جات جانىنان تۇڭىلەدى دەگەن ءسوزدى وسى باسىشلار باسقارعان مەكەمەلەردىڭ ماڭدايشاسىنا باتپيتىپ جازۋ قويۋ كەرەك سياقتى.

Abai.kz