مارقۇم بولات نازارباەۆ مەملەكەت مەنشىگىن زاڭسىز يەلەنۋ بويىنشا قىلمىستىق ءىس وربيتاسىندا بولعان، بىراق سوڭعى التى ايدا ونىڭ دەنساۋلىعى كۇرت ناشارلاعاندىقتان ۆەدومستۆوارالىق تەرگەۋ توبى ول اقپاراتتى ەشكىمگە جاريالاماي كەلدى دەيدى، DALA INSIDE دەرەككوزى.

قازىر پروكۋرورلار مەن قارجىلىق مونيتورينگ اگەنتتىگى «بوكەڭنىڭ قاي مۇلكىن مەملەكەتكە قايتارامىز؟» دەگەن ماسەلەنى رەتتەپ جاتىر. قۇزىرلى ورگاندار «جاڭا قازاقستان» تاراپىنان «ەشكىمنىڭ كوڭىلىنە قاراماي باتىل قيمىلداڭدار» دەگەن سيگنال العان. سوندىقتان، بولات نازارباەۆتىڭ ەڭ قوماقتى مۇراگەرى مەملەكەت بولىپ شىعۋى عاجاپ ەمەس.

بوكەڭنىڭ ارتىندا 9 زاڭدى بالاسى، ودان بولەك ونعا جۋىق زاڭسىز بالا قالدى. ونىڭ ىشىندە بايبىشەنىڭ ۇلدارى - نۇربول مەن ەربول نازارباەۆتاردىڭ قولدارى ۇزىن جانە بارىنشا كوپ مۇراعا تالاسى بار. دالا زاڭى بويىنشا قۇقىق قورعاۋ ورگاندارى مارقۇمنىڭ قىرقى بەرىلگەنىن كۇتپەك. ودان كەيىن مەملەكەت تە ۇلەس ءبولۋ بارىسىنا بەلسەندى كىرىسكەلى وتىر.

دەرەككوزدەر بوكەڭنىڭ «زاۆەششانيەسى» بار دەيدى. الايدا بولات نازارباەۆ وسيەتى بويىنشا مۇراگەرلىك ءىسى ونىڭ قىرقى بەرىلگەننەن كەيىن عانا قارالاتىن بولادى.

بوكەڭنىڭ «قارا ءتىزىمى»

بولات نازارباەۆ قازاسى قوعامدا ەكىۇداي سەزىم تۋدىرىپ، ءتىپتى ونىڭ ءولىمىن جاعىمدى جاڭالىق رەتىندە قارسى العاندار از بولماعاندىقتان، تۋىستارى مەن بالالارى ءبىراز داڭدايسىپ كەتكەن جازعىشتاردان كەك قايتارماق. تىزىمدە بوكەڭ تۋرالى زەرتتەۋ جاساعان جۋرناليستەر، ول تۋرالى جاعىمسىز ايتقان جەلى قولدانۋشىلارى دا بار. دەگەنمەن، ول كەكتىڭ قانداي فورمادا بولاتىنى بەلگىسىز.

بىراق، كەك الماق تۇگىل، بوكەڭ اۋلەتى ءوز اكتيۆتەرىن ساقتاپ قالۋ جولىندا «باسىمەن قايعى" بولاتىن سياقتى. ال نۇربول مەن ەربول نازارباەۆتار كەز-كەلگەن ۋاقىتتا سوتتالىپ كەتۋى مۇمكىن. سەبەبى گارانت كەتكەننەن كەيىن، ەشكىمگە گارانتيا بەرىلمەيتىنى ايدان انىق.

Abai.kz