بۇل تۋرالى ورتالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا وبلىس اكىمى ناريمان تورەعاليەۆ بايانداپ ءوتتى.

بايانداۋىنشا، پرەزيدەنتتىڭ سايلاۋالدى باعدارلاماسىن ىسكە اسىرۋ ماقساتىندا ءبىلىم بەرۋ سالاسىن دامىتۋعا جالپى 37 ملرد. تەڭگە قاراجات بولىنگەن. سونىڭ ىشىندە اپاتتى جاعدايداعى مەكتەپتەردىڭ، سونىمەن بىرگە ءۇش اۋىسىمدى وقىتۋ، وقۋشى ورىن تاپشىلىعى ماسەلەلەرىن تۇبەگەيلى شەشۋ ءۇشىن 32 ملرد. تەڭگەگە 27 مەكتەپتىڭ قۇرىلىسى جۇرگىزىلۋدە. قازىرگى تاڭدا 4 مەكتەپ پايدالانۋعا بەرىلسە، جىل سوڭىنا دەيىن 12 مەكتەپ قۇرىلىسىن اياقتالاتىن بولادى.

«مەكتەپتەردە وقۋشىلارعا جايلى جانە قاۋىپسىز جاعداي جاساۋ ءۇشىن 2,3 ملرد. تەڭگەگە 114 زاماناۋي پاندىك كابينەتتەر جابدىقتالىپ، 62 اۋىلدىق مەكتەپتەرگە قاجەتتى قۇرالدار مەن جيھاز الىندى. سونداي-اق، مەكتەپتەردى اپاتتىلىق جاعدايىنا دەيىن جەتكىزبەۋ ءۇشىن 2,5 ملرد. تەڭگەگە 4 ءبىلىم بەرۋ نىسانىن كۇردەلى جوندەۋدەن وتكىزسەك، 3 نىساندى 2024 جىلعا دەيىن اياقتايتىن بولامىز»،- دەدى ءوڭىر باسشىسى.

Abai.kz