پرەزيدەنت قاسىم-جومارت توقاەۆتىڭ 5 جەلتوقساندا رەسەي جانە قىتاي ەلشىلەرىن بىرىنەن كەيىن ءبىرىن قابىلداۋى بۇل ءبىر ەمەس. بۇعان دەيىن وسى جىلدىڭ 14 ناۋرىزىندا تاپ وسىنداي جاعداي بولعان ەدى.

ەندى ءمىنى اراعا 7 اي سالىپ تاعى وسى ىركەس-تىركەستىك قايتالانىپ وتىر. قىتايدىڭ قازاقستانداعى ەلشىسى چجان سياونى قابىلداعان توقاەۆ قازاقستاننىڭ قىتايمەن بارلىق باعىت بويىنشا ىقپالداستىقتى جانداندىرۋعا نيەتتى ەكەنىن رەسمي اقوردا حابارلادى.

چجان سياو بولعان كەزدەسۋدە ساۋدا، اۋىل شارۋاشىلىعى، ەنەرگەتيكا، جاڭا تەحنولوگيا، كولىك جانە لوگيستيكا سالالارىنداعى ءوزارا ءتيىمدى قاتىناستاردى ودان ءارى ارتتىرۋ ماڭىزدى ەكەنى ءسوز بولىپ، ەكى اراسىنداعى مادەني-گۋمانيتارلىق بايلانىستاردى نىعايتۋ ماسەلەسى دە نازاردان تىس قالمادى.

مەملەكەت باسشىسى قازاقستانداعى قحر ەلشىسى چجان سياودان كەيىن رەسەيدىڭ قازاقستانداعى ەلشىسى الەكسەي بوروداۆكيندى قابىلداپ، وسى كەزدەسۋ بارىسىندا قازاقستان پرەزيدەنتى مەملەكەتارالىق بايلانىستاردىڭ بارلىق باعىتى بويىنشا ەكى ەل اراسىندا تۇراقتى ديالوگ قالىپتاسقانىن ەرەكشە توقتالىپ وتكەنى رەسمي اقوردانىڭ حابارلاماسىندا ءسوز بولدى.

مەملەكەت باسشىسى رەسەي پرەزيدەنتى ۆلاديمير ءپۋتيننىڭ جۋىردا استاناعا جاساعان رەسمي ساپارى كەزىندە قول جەتكىزىلگەن ۋاعدالاستىقتار تاتۋ كورشىلىك قاتىناستاردى جان-جاقتى نىعايتۋعا باعىتتالعان ءوزارا ۇمتىلىستى جەردە قالدىرمايتىندىعىن قاداپ ايتتى.

رەسەيدىڭ قازاقستانداعى ەلشىسى الەكسەي بوروداۆكين ەكەۋ ارا اڭگىمە بارىسىندا قازاقستان مەن رەسەي اراسىنداعى ستراتەگيالىق سەرىكتەستىكتىڭ وزەكتى ماسەلەلەرى جانە دامۋ پەرسپەكتيۆالارى قاراستىرىلدى.

قوس كورشىمىزدىڭ قازاقتىڭ ءىلتيپاتىنا يە بولۋعا تالپىنىسى اقش پەن باتىستان تونگەن ەكونوميكالىق ىنتىماقتاستىق پەن ارىپتەستىڭ داۋىلىنىڭ الدىن الۋعا دەگەن ساياسي قادامدارى ما دەگەن ويعا قالدىرادى.

Abai.kz