تۆيتتەر جەلىسىنىڭ قولدانۋشىسى گۇلنۇر ابيدىلداقىزىنىڭ وسى ءبىر جازباسىنان كەيىن (ەكىنشى سۋرەت) الماتى اۋەجايىندا ورىن العان كەلەڭسىز وقيعانىڭ ءمان-جايىن بىلمەك نيەتپەن ساكەن مايعازيەۆتىڭ وزىنە تىكەلەي حابارلاسقان بولاتىنبىز. ءانشى ىشتەگى قىنجىلىسىن جاسىرماي، بۇكپەسىز جايىپ سالدى.

Cاكەن مايعازيەۆ، «مۇزارت» توبىنىڭ ءانشىسى:

تۆيتتەر جەلىسىنىڭ قولدانۋشىسى گۇلنۇر ابيدىلداقىزىنىڭ وسى ءبىر جازباسىنان كەيىن (ەكىنشى سۋرەت) الماتى اۋەجايىندا ورىن العان كەلەڭسىز وقيعانىڭ ءمان-جايىن بىلمەك نيەتپەن ساكەن مايعازيەۆتىڭ وزىنە تىكەلەي حابارلاسقان بولاتىنبىز. ءانشى ىشتەگى قىنجىلىسىن جاسىرماي، بۇكپەسىز جايىپ سالدى.

Cاكەن مايعازيەۆ، «مۇزارت» توبىنىڭ ءانشىسى:

شىنىمدى ايتسام، زىعىردانىم قايناپ وتىر. مۇنداي سوراقى، ماسقارا جايتقا قاشانعى توزۋگە بولادى؟ مەملەكەتتىك ءتىلدى مەنسىنبەيتىندەر ءبىزدىڭ «مەنىمەن قازاقشا سويلەسىڭىز» دەگەن تالاپ-ارىزىمىزدى «يت ۇرەدى، كەرۋەن كوشەدىگە» بالايتىن سياقتى.
بولعان جايدى قاز-قالپىندا باياندايىنشى. الماتى اۋەجايىنىڭ جۇك كولىكتەرىن تاپسىراتىن جەرىنەن وتەر تۇستا تەكسەرىس جۇرگىزەتىن اۋەجاي قىزمەتكەرىنىڭ ءبىرى: «سنيميتە رەمەن، ا تاكجە چاسى» دەپ بۇيىرا سويلەدى.
جارايدى، ونىسىن قويشى، ماعان الگىنىڭ ورىسشا شۇلدىرلەي جونەلگەنى جانىما باتتى. سەبەبى، مۇنداي جاعدايدا ءبىر ەمەس، ەكى ەمەس بىرنەشە مارتە بولدىم. قاشانعى شىداۋ كەرەك.
– مەن ورىسقا ۇقساپ تۇرمىن با؟ – دەدىم ءوز كەزەگىمدە.
– ا چە ۆى سپەتسيالنو نارىۆاەتەس؟
– جوق، مەن سىزدەن مەنىمەن مەملەكەتتىك تىلدە سويلەۋدى تالاپ ەتىپ وتىرمىن. وسى ەلدە تۇراتىن ءاربىر ازامات قازاق ءتىلىن بىلۋگە ءتيىستى...
– پوچەمۋ يا دولجەن؟ يا سام رەشايۋ نا كاكوم يازىك بۋدۋ رازگوۆاريۆات؟ – دەدى الگى.
بىلايشا ايتقاندا، مەملەكەتتىك ءتىلدى ءبىلۋ مەنىڭ مىندەتىم ەمەس دەدى.
ءسويتىپ ەكەۋمىز سول ارادا سوزبەن ۇستاسىپ قالدىق. تەك ارتتاعى ادامدار باسۋ ايتقاننان كەيىن بارىپ ساباما كەلدىم. ال الگى ادامنىڭ بەتى بۇلك ەتكەن جوق. ارتىنشا سونىڭ ۇستىنەن قارايتىن باسشىسىن تاۋىپ الىپ، ول كىسىمەن اشىق سويلەستىك. «اتى-ءجونى – راۆيل ماحمۇدوۆ، قازاق ەمەس» دەپ اقتالعان بولادى. مەنىڭ ونىڭ قاي ۇلتتىڭ وكىلى ەكەندىگىندە شارۋام جوق. جارايدى، تاۋەلسىزدىك العانىمىزعا ەكى جىل بولسا تۇسىنەمىن. 22 جىل بويى قاقساپ كەلەمىز عوي. سول كەزدەن بەرى ءبۇتىن ءبىر ۇرپاق ءوسىپ جەتىلدى. مەن الگىدەن سول ارادا قازاقتىڭ تاريحىن ايتىپ بەرۋدى بولماسا قازاقشا ولەڭ وقىپ بەرۋىن سۇراعان جوقپىن عوي! بار بولعانى:
«سالەمەتسىز بە؟ بەلدىگىڭىزدى، ساعاتىڭىزدى شەشىڭىز. وتە بەرىڭىز» دەگەن ەكى اۋىز ءسوزدى جاتتاپ السا، اۋزى قيسايىپ قالا ما؟ قالاي بولعاندا دا مەملەكەتتىك تىلگە مۇرنىن شۇيىرە قارايتىندارعا قاتىستى قاتاڭ شارا قولدانۋ كەرەك. وسىنى ايتسام، ماعان قولداۋ كورسەتۋدىڭ ورنىنا ونەردە جۇرگەن كەيبىر ارىپتەستەرىم «قايتەسىڭ باسىڭا بالە تىلەپ» دەگەندەي قىلادى. ال استاناعا كوڭىلىم قۇلازىپ جەتتىم.

دايىنداعان - دۋمان بىقاي

"دالا مەن قالا" گازەتى