سىيلىق اتاۋلىنىڭ ءبارى جاقسى. اسىرەسە، جاستاردى ىنتالاندىرۋ، قولداۋ ماقساتىندا بەرىلەتىن سىيلىقتاردىڭ ورنى وزگەشە. بىراق، مۇراعا قالعان بولشەۆيكتىك سىيلىقتاردىڭ تاۋەلسىز ەلدىڭ جاستارىنا بەرىلىپ جاتقاندىعى جانىڭا باتادى. ماسەلەن، كۇنى كەشە ادەبيەت، ونەر، عىلىم سالاسىنداعى ءبىر توپ جاستار ماراپاتتالعان «سەرپەر» سىيلىعى اتى اۋىسقان دەمەسەڭىز، قاساپشى قىزىلداردىڭ قاندى قولىنىڭ تابى قالعان دۇنيە.

كەشە عانا سىيلىق العان جاستار – تاۋەلسىزدىكتىڭ ۇلاندارى. تاۋەلسىزدىك جىلدارى قالىپتاسىپ، وڭ-سولىن تانىپ، وقىپ، ادەبيەت، ونەر، عىلىم، جۋرناليستيكا دا تاۋەلسىز مەملەكەتتىڭ ازاماتتارى رەتىندە ەڭبەك ەتىپ، ەل تانىعان جاستار. مىنە، وسى ماڭدايىن بوستاندىقتىڭ كۇنى ءسۇيىپ وسكەن جاستاردى قىزىل سىيلىقپەن ماراپاتتاۋعا بولا ما؟! جاستارعا تاۋەلسىزدىكتىڭ بەلگىسىندەي، بوستاندىق پەن ازاتتىقتىڭ لەبى ەسەتىن ءبىر سىيلىق تاعايىنداي الماۋىمىزدى كىمنەن كورەمىز؟ كىمنىڭ دارمەنسىزدىگى؟ «قازاقستان جاستار وداعى» دەيتىن كوممۋنيستىك مۇراگەر ۇيىمنان تاۋەلسىز دۇنيە شىقپايدى دەلىك. ال، «جاستار ساياساتى، جاستار ءبىزدىڭ بولاشاعىمىز، ءبىز جاستارعا سەنەمىز» دەپ ۇرانداتىپ جۇرەتىن كوسەمدەر قايدا؟

قۇلدىق سانادان ازات جاستارعا كوممۋنيستىك سىيلىقتى ۇلەستىرۋ ارقىلى ءبىز، بولاشاقتى العا ەمەس، ارتقا سۇيرەپ بارامىز. بۇل سىيلىقتىڭ 40 جىلدىق تاريحى بار دەيدى. سول 40 جىلدا قازاقتىڭ قانشاما مۇددەسى جەر بولىپ، رۋحى تاپتالعانىن نەگە ۇمىتا قالدىق؟ الدە كوممۋنيستەردىڭ ءوزى جامان، سىيلىعى جاقسى ما؟

سىيلىق اتاۋلىنىڭ ءبارى جاقسى. اسىرەسە، جاستاردى ىنتالاندىرۋ، قولداۋ ماقساتىندا بەرىلەتىن سىيلىقتاردىڭ ورنى وزگەشە. بىراق، مۇراعا قالعان بولشەۆيكتىك سىيلىقتاردىڭ تاۋەلسىز ەلدىڭ جاستارىنا بەرىلىپ جاتقاندىعى جانىڭا باتادى. ماسەلەن، كۇنى كەشە ادەبيەت، ونەر، عىلىم سالاسىنداعى ءبىر توپ جاستار ماراپاتتالعان «سەرپەر» سىيلىعى اتى اۋىسقان دەمەسەڭىز، قاساپشى قىزىلداردىڭ قاندى قولىنىڭ تابى قالعان دۇنيە.

كەشە عانا سىيلىق العان جاستار – تاۋەلسىزدىكتىڭ ۇلاندارى. تاۋەلسىزدىك جىلدارى قالىپتاسىپ، وڭ-سولىن تانىپ، وقىپ، ادەبيەت، ونەر، عىلىم، جۋرناليستيكا دا تاۋەلسىز مەملەكەتتىڭ ازاماتتارى رەتىندە ەڭبەك ەتىپ، ەل تانىعان جاستار. مىنە، وسى ماڭدايىن بوستاندىقتىڭ كۇنى ءسۇيىپ وسكەن جاستاردى قىزىل سىيلىقپەن ماراپاتتاۋعا بولا ما؟! جاستارعا تاۋەلسىزدىكتىڭ بەلگىسىندەي، بوستاندىق پەن ازاتتىقتىڭ لەبى ەسەتىن ءبىر سىيلىق تاعايىنداي الماۋىمىزدى كىمنەن كورەمىز؟ كىمنىڭ دارمەنسىزدىگى؟ «قازاقستان جاستار وداعى» دەيتىن كوممۋنيستىك مۇراگەر ۇيىمنان تاۋەلسىز دۇنيە شىقپايدى دەلىك. ال، «جاستار ساياساتى، جاستار ءبىزدىڭ بولاشاعىمىز، ءبىز جاستارعا سەنەمىز» دەپ ۇرانداتىپ جۇرەتىن كوسەمدەر قايدا؟

قۇلدىق سانادان ازات جاستارعا كوممۋنيستىك سىيلىقتى ۇلەستىرۋ ارقىلى ءبىز، بولاشاقتى العا ەمەس، ارتقا سۇيرەپ بارامىز. بۇل سىيلىقتىڭ 40 جىلدىق تاريحى بار دەيدى. سول 40 جىلدا قازاقتىڭ قانشاما مۇددەسى جەر بولىپ، رۋحى تاپتالعانىن نەگە ۇمىتا قالدىق؟ الدە كوممۋنيستەردىڭ ءوزى جامان، سىيلىعى جاقسى ما؟

ماسەلەن، «سەرپەر» دەپ ات اۋىستىرعان «قازاقستان لەنين كومسومولى سىيلىعىن» جاستاردىڭ ساناسىنا ەنگىزىپ، بوداندىق تاريحتى تىرىلتۋگە قۇلشىنىپ، كەرى باسقانشا، جاستارعا ادەبيەت بويىنشا، احمەت بايتۇرسىنوۆ اتىنداعى، عىلىم – ءالىمحان ەرمەكوۆ، جۋرناليستيكا – مىرجاقىپ دۋلاتوۆ، ونەر – م.اۋەزوۆ ت.ب. اتىنداعى سىيلىقتاردى تاعايىنداسا، قاي جاعىنان الىپ قاراساڭىزدا ناعىز تاۋەلسىزدىك جاستارىنا لايىق سىيلىق بولار ەدى. بىراق، ونى ويلايتىن ادام قايدا؟

بۇل – ءوز ويىمىز، ۇسىنىسىمىز.

نە دەسەك تە، سىيلىق الىپ قۋانىپ جاتقان جاستاردى ەڭبەكتەرىنىڭ جانىپ، جالاۋلارى بيىكتەي جەلبىرەۋىمەن قۇتتىقتايمىز.

قازاقستان جاستار وداعىنىڭ «سەرپەر» سىيلىعىنىڭ (قازاقستان لەنين كومسومولى سىيلىعى) 2013 جىلعى يەگەرلەرى اتانعان جاستاردىڭ تولىق ءتىزىمى:

ابىلاي تىلەپبەرگەنوۆ

ايدا جانتىلەۋوۆ

الماس شاياحمەتوۆ

اسەل سادۋاقاسوۆ

اسىلحان تولەپوۆ

ايان وتەپبەرگەن

ءاليا انۋاربەك

اسەت يمانعاليەۆ

باقىتجان وماروۆ

بانۋ مانكەەۆا

باۋىرجان الىقوجا

باۋىرجان وردين

دانا كوڭىروۆا

دارحان بەيسەنبەكۇلى

دينارا ابىكەەۆا

دينارا مىڭجاسارقىزى

ەركەبۇلان دايىروۆ

قاناعات ابىلقايىر

قانات اۋەسباي

قۇرالاي اناربەكوۆا

مانشۇك بەكبوسىن

ولجاس قاسىموۆ

رەداكتسيادان ەسكەرتۋ:

ءبىز سىيلىق يەلەرىنىڭ، سونىڭ ىشىندە ارىپتەس جۋرناليستەردىڭ، قالامداس اقىن-جازۋشىلاردىڭ، اكتەرلاردىڭ، جاس عالىمداردىڭ ەڭبەكتەرىنە قۇرمەتپەن قارايمىز، ءارى ولاردىڭ سىيلىققا لايىقتى ەكەنىنە شاك-ءشۇبامىز جوق. بۇداندا جوعارى ءھام مارتەبەلى سىيلىق، ماراپاتتارعا جەتە بەرۋلەرىنە، ەڭبەكتەرىنىڭ جانىپ، شىعارماشىلىقتارىنىڭ دامۋىنا شىن جۇرەكتەن تىلەۋلەسپىن. ال، جوعارىداعى شاعىن ماتەريال ءبىزدىڭ «سەرپەر» اتتى سىيلىقتىڭ تاريحىنا قاتىستى ايتاقىنىمىز. ول سىيلىق بولاشاقتا سوۆەتتىك «سانادان» تازارىپ، تاۋەلسىزدىك رۋحىنداعى سىيلىق بولسا دەيمىز. ۇسىنىسىمىزدىڭ سىيلىق يەگەرلەرى مەن ولاردىڭ شىعارماشىلىق جەتىستىكتەرى مەن ەڭبەكتەرىنە ەشقانداي قاتىسى جوق.

Abai.kz