بلوكچەين تەحنولوگيالارى قازاقستاندى جەمقورلىقتان بارىنشا تازارتىپ شىعا الادى. بۇگىن مەملەكەت باسشىسى بيۋدجەت قاراجاتىنىڭ جۇمسالۋىن باقىلاۋ ءۇشىن تسيفرلىق تەڭگەنى پايدالانا وتىرىپ، اقشانى تاڭبالاۋ كىلتى تۋرالى ايتىپ ءوتتى.

ءتسيفرلى تەڭگەنىڭ ەڭ مىقتى جەرى وسى. پروگراممالانعان توكەن بولعاندىقتان اقشا كىمنەن كىمنىڭ قولىنا ءوتتى، باقىلاپ وتىرا الامىز. مىسالى، مەملەكەتتىك تەندەرلەردىڭ بارلىعىن ءتسيفرلى تەڭگەگە اۋىستىرىپ، وسى تەندەرلىك ءتسيفرلى تەڭگەنى قولما-قول اقشا رەتىندە شەشىپ الۋ مۇمكىن بولمايتىنداي جاساپ قويۋعا بولادى. سوندا ءبىز تەندەر جەڭىمپازىنىڭ اقشانى قالاي جۇمساعانىن، كىمنەن تاۋار العانىن، كىمدەرگە قانشا ايلىق تولەگەنىن كورىپ، سودان ۇلكەن BIG Data بازاسىن قۇرايمىز. ءدال وسى كەزدە، مەملەكەتتىك اقشاعا مۇمكىندىگىنشە قازاقستاندىق تاۋار الىنعاندىعىن باقىلاپ، ماجبۇرلەپ وتىرۋعا مۇمكىندىك بار.

وسى ارقىلى جەمقورلىقتى اتىمەن جويىپ، وتاندىق بيزنەسكە مىقتى قولداۋ كورسەتە الماقپىز. قازىر ۇلتتىق بانك نەگىزگى شارۋالارىن ءساتتى اياقتاپ، ءتسيفرلى تەنگەنى جۇمىس رەجيمىنە ەنگىزدى. جوسپار بويىنشا 2025 جىلدان باستاپ ءتسيفرلى تەڭگە بارلىق جەردە قولدانىلا باستايدى.

ونىمەن بىرگە، زەينەتاقى اكتيۆتەرىن ەكونوميكا مۇددەلەرى ءۇشىن ءتيىمدى پايدالانۋ تاپسىرىلدى. بۇل وتە جاۋاپتى جۇمىس. العاشقى ترانش، 173 ميلليارد تەڭگەگە 13% كىرىستىلىكپەن وبليگاتسيالار ورنالاستىرىلدى. ودان حالىق تا، ەكونوميكا دا ۇتپاق. حالىققا زەينەتاقى جيناعىنىڭ جوعارى تابىسى، ال ەكونوميكاعا ۇزاق مەرزىمدى وتىمدىلىك كەلەتىن بولادى. ۇلتتىق بانك ۇكىمەتپەن بىرلەسە وتىرىپ، ەكونوميكالىق ەففەكتىسى جوعارى، بولاشاقتا جاقسى پايدا بەرەتىن جوبالاردى ىرىكتەيدى. ەگەر كوزدەلگەن 1,5 تريلليون تەڭگەنىڭ بارلىعىنا جاقسى جوبالار تابا الساق، ورتاق كىرىستىلىگى جىلدىق 10 پايىزدان اسقان جاعدايدا، ءبىز، بولاشاق زەينەتكەرلەر، وتە جاقسى تابىس الاتىن بولامىز.

ايبار ولجاەۆتىڭ جازباسى

Abai.kz