رەسەي قازاقستاندا ءۇش بىردەي جىلۋ ەلەكتر ستانتسياسىن سالۋدى بيىل باستاۋى مۇمكىن. بۇل تۋرالى قر ەنەرگەتيكا ءمينيسترى الماسادام ساتقاليەۆ مالىمدەدى. 

ۇكىمەت وتىرىسىنان سوڭ باق وكىلدەرىمەن جولىققان مينيستر الماسادام ساتقاليەۆ وسىلاي دەپ مالىمدەدى.

ءمينيستردىڭ ايتۋىنشا، قازاقستاندا سالىنۋى ءتيىس 3 جىلۋ ەلەكتر ستانتسياسىن رەسەيدىڭ "ينتەر-راو" دەگەن كومپانياسى سالادى.

"قۇرىلىس جۇمىسىن بيىل باستاۋ مۇمكىندىگى بار، جوبا ايتارلىقتاي ىلگەرىلەدى. قالعان جوبالار بويىنشا تەحنيكالىق-ەكونوميكالىق نەگىزدەمە ازىرلەۋ اياقتالۋدا، ونىڭ ناتيجەلەرى بويىنشا تەحنيكالىق شەشىمدەر بەكىتىلىپ، ءتيىستى زاۋىتتاردا جابدىقتارعا تاپسىرىس بەرىلەدى", - دەدى الماسادام ساتقاليەۆ.

وتكەن جىلدىڭ قاراشا ايىندا قازاقستان مەن رەسەي قازاقستان اۋماعىندا 3 جىلۋ ەلەكتر ستانتسياسىن سالۋعا كەلىسكەن. جەس-تەر  كوكشەتاۋ، سەمەي جانە وسكەمەندە سالىنادى.

Abai.kz