رەسپۋبليكالىق اقپاراتتىق شتابتا وتكەن بريفينگتە قازاقستانداعى سۋ تاسقىنى جاعدايى تۋرالى جەدەل اقپارات بەرىلدى.

تجم ازاماتتىق قورعانىس جانە اسكەري بولىمدەر كوميتەتىنىڭ اعا وفيتسەرى سايپاش ەراسىلدىڭ ايتۋىنشا، سۋ تاسقىنى كەزەڭىنىڭ باسىنان بەرى 96 مىڭنان استام ادام قۇتقارىلدى. ولاردىڭ 31 مىڭعا جۋىعى - بالالار.

ونىڭ ايتۋىنشا، اۋە كەمەلەرىمەن 2823 ادام قۇتقارىلدى، ونىڭ ىشىندە 865 بالا. ۋاقىتشا ورنالاستىرۋ پۋنكتتەرىندە 7605 ادام، ونىڭ ىشىندە 3474 بالا بار. قاۋىپسىز جەرگە 82 559 اۋىل شارۋاشىلىعى جانۋارلارى ايدالدى.

زارداپ شەككەن ايماقتارعا 167 935 كيلوگرامم گۋمانيتارلىق كومەك جەتكىزىلدى. 8,5 ميلليون تەكشە مەتردەن استام ەرىگەن سۋ سورىلدى. 2750 تۇرعىن ءۇي مەن 1816 اۋلا اۋماعىنىڭ سۋ بۇرىلعان.

"تاۋلىك بويى اۆاريالىق-قۇتقارۋ جۇمىستارىنا 24 295 ادام جانە 2655 بىرلىك تەحنيكا، 469 سۋ سورۋ قۇرالدارى جانە 139 ءجۇزۋ قۇرالدارى، 10 اۋە كەمەسى جۇمىلدىرىلدى. قازىرگى ۋاقىتتا 3444 وبلىستارداعى 339 جەكە تۇرعىن ءۇيدى، 5 اۋلا اۋماعىن سۋ باسۋدا، اتاپ ايتقاندا اتىراۋ، اقتوبە، اقمولا، قوستاناي، سولتۇستىك قازاقستان وبلىستارى. 105 اۆتوجولدىڭ شايىلۋى باقىلاۋدا، ونىڭ ىشىندە 8 كوپىر مەن 97 جول توسەمى بار. كولىك قاتىناسى جوق 69 ەلدى مەكەن باقىلاۋدا ", - دەدى سايپاش ەراسىل.

ەسكە سالا كەتەيىك، بۇعان دەيىن اكىم عاۋەز نۇرمۇحامبەتوۆ سولتۇستىك قازاقستان وبلىسىنىڭ تۇرعىندارىنا وڭىردەگى سۋ تاسقىنى جاعدايىنا بايلانىستى ءوتىنىش جاساعان بولاتىن.

بقو-دا سۋ تاسقىنى: ورال قالاسىنا سۋ كەلۋىن جالعاستىرۋدا

سۋ رەسۋرستارى مينيسترلىگىنىڭ حابارلاۋىنشا، شاعان وزەنى دەڭگەيىنىڭ كوتەرىلۋى بايقالادى.

ءماجبۇرلى ەۆاكۋاتسيالاۋ: سولتۇستىكتەگى احۋال قانداي؟

ۇكىمەت باسشىسىنىڭ ءبىرىنشى ورىنباسارى رومان سكليار پەتروپاۆل قالاسى ماڭىنداعى ەلدىمەكەن تۇرعىندارىن ماجبۇرلەپ ەۆاكۋاتسيالاۋدى تاپسىردى.

"مەن جەرگىلىكتى اكىمدىككە، تج دەپۋراتامەنتى مەن پوليتسياعا تاپسىرما بەرەمىن. حالىقتى ماجبۇرلەپ ەۆاكۋاتسيالاۋدى باستاۋ كەرەك. بىزگە ادامداردىڭ اماندىعىن قامتاماسىز ەتۋ كەرەك. ەشكىم زارداپ شەكپەۋى كەرەك. سۋ تاسقىنى توسىننان كەلە قالسا، جاعداي قيىن بولماق. حالىق تاۋەكەلگە بەل بايلاپ، وزدەرىن قاۋىپكە دۋشار ەتپەۋى ءتيىس. بۇعان جول بەرە المايمىز", - دەدى رومان سكليار.

ال تۇندەلەتىپ ءوڭىردى ارالاعان پەتروپاۆل اكىمى سەرىك مۇحامەديەۆ زارەچنىي اۋىلىنىڭ 32 تۇرعىنىنىڭ كوشۋدەن باس تارتىپ وتىرعانى ايتتى.

"ول تۇرعىندار سۋ تاسقىنىن ءوز كۇشىمىزبەن ەڭسەرەمىز دەپ، ەۆاكۋاتسياعا قارسىلىق ءبىلدىرىپ وتىر", - دەيدى اكىم.

Abai.kz