جازايىن دەپ جازبايسىڭ عوي. تيك-توك الەۋمەتتىك جەلىسىندە «دانابەك ۇستاز» دەگەن اتپەن ءدىن ۋاعىزشىسىنىڭ ءبىر مينۋتتىق بەينە جازباسى تاراپ ءجۇر. بەينە جازبا تولىق ۋاعىزدان كەسىپ الىنعان ءۇزىندى. وندا دانابەك ەسىمدى جىگىت ابايتانۋشىلارعا قاتىستى ءسوز ارنايدى.

«ابايتانۋشىلاردى وتىرعىزىپ قويىپ، اباي اتامىزدىڭ ءسوزىن سۇراشى. جاۋاپ بەرە الا ما؟ دىنگە قاتىستى سۇراقتارعا جاۋاپ بەرە المايدى. مەدرەسە وقىماعان ادامدار ابايتانۋشى بولا المايدى. فيلوسوفتار ابايتانۋشى بولا المايدى. ول ءدىندى وقۋى كەرەك. سەبەبى اباي اتامىز مەدرەسە وقىعان ادام. مەدرەسە وقىماي، قالاي ابايتانۋشى بولاسىڭ، سەن؟ سەن سونىڭ جولىن قۋ كەرەكسىڭ عوي؟.. ول ءدىندار ادام بولعان. سەن ءدىندار ادام بولمايىنشا، قالاي ونىڭ ءسوزىن اۋداراسىڭ؟

قازىر قاتەلىك وسى جەردەن كەتىپ جاتىر. ەكىنىڭ-ءبىرى ابايتانۋشى بولىپ العان. ءوزىنىڭ ويىمەن اۋدارىپ جاتىر. ءدىن ءبىر جاقتا، بۇل ءبىر جاقتا. ءتۇسىنىپ وتىرسىز با، ول قاتەلىك. ۇلكەن قاتەلىك! ءار سالانىڭ ءوز ماماندارى بار.

ال ابايتانۋشى بولۋ ءۇشىن سەن ءدىني مامان بولۋ كەرەكسىڭ. جانە ادەبيەتشى بولۋ كەرەكسىڭ! قۇرى ءدىن مامانى بولىپ، ادەبيەتتى وقىماساڭ تاعى بولمايدى. سەنىڭ ءتىل بايلىعىڭ جەتپەي قالادى»، - دەپ وتىر.

ال بۇعان نە دەيسىزدەر؟ مەكەمتاس اقساقال مىرزاحمەتوۆتەر، تۇرسىن جۇرتباي اعالار، جابال شويىمبەت اعايلار باستاعان ەسىم-سويلارى ەلگە بەلگىلى ابايتانۋشى عالىمدار بۇعان نە دەر ەكەن؟ ولار مەدرەسسە وقىپ پا؟ Abai.kz اقپاراتتىق پورتالى الداعى ۋاقىتتا بەلگىلى ابايتانۋشىلاردىڭ جوعارىدا اتالعان سوزدەرگە قاتىستى پىكىرلەرىن جاريالايتىن بولادى.

Abai.kz