تولەن ابدىك: ءبىزدىڭ بيلىكتەگىلەر شايتاننىڭ دا وداعىنا كىرىپ كەتەدى...
جازۋشى، مەملەكەتتىك سىيلىقتىڭ لاۋرەاتى، كوپ جىلدار لاۋازىمدى قىزمەتتەر اتقارعان تولەن ابدىك مىرزامەن تاريحشى عالىم جۇمامۇرات ءشامشىنىڭ اڭگىمەسىن وقىرمان نازارىنا ۇسىنىپ وتىرمىز. ەكۋارا اڭگىمە ەلباسىمىزدىڭ بيىلعى جولداۋىنان باستاپ ءوربىپ، ۋكرايناداعى احۋال مەن ەۋرازيالىق وداقتىڭ جاي-جاپسارىن شولادى. قازاقستاننىڭ ورىسشىل وكىمەتىن سىنعا العان قالامگەر ءبىر سوزىندە: «بيلىكتەگىلەردىڭ دەنى قازاقشا بىلمەيتىن رۋحسىز بولعاننان سوڭ، ەرتەڭ بالالارىنىڭ بولاشاعىنا الاڭداپ ورىسشادان ايىرىلماي وتىر. ولاردىڭ بويىندا ۇرەي بار، ەرتەڭ ەل باسىنا قازاقتىلدى باسشى كەلسە، بارلىق مەملەكەتتىك يگىلىكتەردەن قۇر قالامىز دەپ ويلايدى. ولارعا سالساڭ، ء«لابباي، تاقسىر» دەگەننەن ءارى اسپايدى. اقشا مەن لاۋازىمدى قىزمەت بەرسەڭ، شايتاننىڭ دا وداعىنا كىرىپ كەتەدى»، - دەپ اشىنادى.
- تولەن اعا، جۋىرداعى ەلباسىنىڭ 18-شى جولداۋىنان نە ءتۇيدىڭىز؟
جازۋشى، مەملەكەتتىك سىيلىقتىڭ لاۋرەاتى، كوپ جىلدار لاۋازىمدى قىزمەتتەر اتقارعان تولەن ابدىك مىرزامەن تاريحشى عالىم جۇمامۇرات ءشامشىنىڭ اڭگىمەسىن وقىرمان نازارىنا ۇسىنىپ وتىرمىز. ەكۋارا اڭگىمە ەلباسىمىزدىڭ بيىلعى جولداۋىنان باستاپ ءوربىپ، ۋكرايناداعى احۋال مەن ەۋرازيالىق وداقتىڭ جاي-جاپسارىن شولادى. قازاقستاننىڭ ورىسشىل وكىمەتىن سىنعا العان قالامگەر ءبىر سوزىندە: «بيلىكتەگىلەردىڭ دەنى قازاقشا بىلمەيتىن رۋحسىز بولعاننان سوڭ، ەرتەڭ بالالارىنىڭ بولاشاعىنا الاڭداپ ورىسشادان ايىرىلماي وتىر. ولاردىڭ بويىندا ۇرەي بار، ەرتەڭ ەل باسىنا قازاقتىلدى باسشى كەلسە، بارلىق مەملەكەتتىك يگىلىكتەردەن قۇر قالامىز دەپ ويلايدى. ولارعا سالساڭ، ء«لابباي، تاقسىر» دەگەننەن ءارى اسپايدى. اقشا مەن لاۋازىمدى قىزمەت بەرسەڭ، شايتاننىڭ دا وداعىنا كىرىپ كەتەدى»، - دەپ اشىنادى.
- تولەن اعا، جۋىرداعى ەلباسىنىڭ 18-شى جولداۋىنان نە ءتۇيدىڭىز؟
- شىنىن ايتسام، ەلباسىنىڭ ءداستۇرلى جولداۋى جىلدا جولدانىپ جاتقاننان كەيىن بە ناۋقانشىلىققا ۇلاسۋدا. ويتكەنى، رەسپۋبليكامىزداعى بارلىق مەملەكەتتىك ورگانداردا ەلباسىنىڭ جولداۋىن ۇگىتتەپ-ناسيحاتتاۋ ۇردىسكە اينالعالى قاي زامان. سول ۇگىت-ناسيحاتتاردىڭ ەلدى ىعىر قىلعانى سونشالىقتى، جولداۋدىڭ اڭگىمەسىن تىڭداۋعا كەلگەن جۇرتتىڭ ۇيقىسى كەلىپ وتىرادى. سەبەبى، جولداۋدا جازىلعان تالاپتاردىڭ باسىم كوپشىلىگى ورىندالمايتىنىن قازىر جاس بالا دا بىلەدى. وسى كۇنى بوس ءسوز كىمگە كەرەك؟ سوندىقتان قىسىر اڭگىمە ايتۋدىڭ قاجەتى جوق. ەندى وعان كەلىپ باياعى كوك تۇرىكتىڭ «ماڭگىلىك ەل» دەگەنىن قوسىپتى.
«امەريكانى اشۋدىڭ» نەمەسە «ۆەلوسيپەد ويلاپ تابۋدىڭ» مۇلدەم قاجەتى جوق. ويتكەنى، بىزگە دەيىن ادامزات بالاسى ەۆوليۋتسيالىق دامۋدىڭ ارقاسىندا وركەنيەتكە قادام باستى. كىم جابايى بولمادى دەسەڭشى، كەز كەلگەن حالىقتىڭ تاريحىنا ۇڭىلسەڭ، بارلىعى ۋاقىت وتە كەلە دامىدى. جىلدا جولداۋدى جولداي بەرگەنشە، حالىقتى جۇمىسپەن قامتاماسىز ەتۋ، ولاردىڭ الەۋمەتتىك احۋالىن ءال-اۋقاتىن كوتەرۋ ماڭىزدىراق بولار ەدى دەپ ويلايمىن. ءوزىنىڭ باسپاناسى جوق، بىرەۋدىڭ پاتەرىن جالداپ تۇراتىن، قالتاسىندا اقشاسى جوق، قارنى اش ادامعا جولداۋدىڭ كوك تيىنعا كەرەگى بار ما؟..
- بىلتىرعى جىلدىڭ قاراشا ايىندا (23 جۇلدىزى) «حالىق وكىلدەرىنىڭ قۇرىلتايى» دەگەن اتپەن جيىن ءوتتى. سول قۇرىلتاي تۋرالى نە ايتاسىز؟ وسى كۇنى ەل ءىشى بيلىكتىڭ تاۋسىلىپ بىتپەيتىن باعدارلامالارىنان شارشاپ، ناقتى يدەيالار مەن جۇزەگە اسۋى ىقتيمال ارەكەتتەرگە كوڭىل اۋدارا باستاعان سياقتى ما، قالاي؟
- مەملەكەتتىك ءتىل توڭىرەگىندەگى اڭگىمە قوزعالسا، مۇحتار شاحانوۆتى ايتامىز، ويتكەنى كوپ جىلداردان بەرى بۇل ماسەلەمەن مۇحتار اينالىسىپ ءجۇر. جالپى، قازاق ءتىلى تۋرالى اڭگىمە وتە كوپ. قازاق ءتىلى بالا باقشادان باستاپ مەكتەپتە جانە جوعارعى وقۋ ورىندارىنان باستاپ جوعارعى مەملەكەتتىك قىزمەتتە قالاي قولدانىلىپ، قالاي ورىندالۋى كەرەك دەگەن پروبلەمالار شاش-ەتەكتەن. وزگە ۇلت وكىلدەرىنە قالاي ۇيرەتۋ قاجەت؟ وقۋلىقتار مەن ماتەريالدىق-ادىستەمەلىك قۇرال جابدىقتارىمىز قاي دەڭگەيدە؟ الايدا، ماسەلەنىڭ ءبارىن ءبىر جەرگە ۇيە بەرگەننەن تۇك ونبەيدى. مەملەكەتتىك ءتىلدى ءوز تۇعىرىنا قوندىرساق، قالعان پروبلەمالار وزىنەن-ءوزى شەشىلەدى. 2006 جىلى رەسەيدە ورىس ءتىلى تۋرالى زاڭ قابىلداندى. الگى زاڭدا شەت ەلدەردە ورىس ءتىلىن ۇيرەتۋ كۋرستارىنا دەيىن ويلاستىرىلعان. اتالعان زاڭ قازىر تىم جاقسى جۇمىس ىستەپ تۇر. بۇگىنگى رف بيلىگى ورىس ءتىلىن دامىتۋعا قىرۋار قارجى شىعىنداپ وتىر. بىزگە اۋاداي قاجەت زاڭ، مىنە، وسىنداي – زاڭ.
قۇرىلتايعا كەلەتىن بولساق، ول وتە اسىعىستىقپەن ءوتتى. ونى ۇيىمداستىرعان ەشكىم تانىمايتىن ءۇش جىگىت ەكەن. مەنىڭشە، سول ءۇش جىگىتتى دە اق وردا دايىنداپ جىبەرگەنگە قاتتى ۇقسايدى. وزدەرىن ەشكىم تانىماعان سوڭ، مۇحتاردى پايدالانىپ وتىرعان سەكىلدى.
بۇكىل قوعامدىق ۇيىمدار ءارتۇرلى پارتيا بەلسەندىلەرى مەن قوسا ۇلت زيالىلارى ءبىر ادامنىڭ بالاسىنداي ىمىراعا كەلىپ، بيلىكتەن تالاپ ەتسە، سوندا عانا ولارمەن لاۋازىمدى شەندى-شەكپەندىلەر ساناسار ما ەدى، كىم ءبىلسىن. ال ءبىز بولساق، ءبىر-بىرىمىزبەن ءتىل تابىسا الماي جاتىرمىز. وسى قۇرىلتايدا ايدوس سارىم، مۇحتار تايجان، راسۋل جۇمالى، سماعۇل ەلۋباي، سوفى سماتاەۆ، جانبولات ماماي، جارماحان تۇياقباي، بولات ءابىلوۆ، ءامىرجان قوسانوۆ، گۇلجان ەراليەۆا، ءازىمباي عاليلار بوي كورسەتپەپتى. ءالى كۇنى ءبىر قازاقتىڭ بالاسى بولعانىمىزعا قاراماستان، جۇزگە، رۋعا، اتاعا ءبولىنىپ ءجۇرمىز، قۇدايىم-اۋ. ءتىپتى، تاس ءداۋىرىنىڭ وزىندە دە سىرتتان جاۋ كەلگەندە ۇڭگىردىڭ ىشىندەگى ادامدار تاس-ءتۇيىن بولىپبىرىگىپ جاۋدان قورعانباپ پا ەدى. قازىر – XXI-عاسىر، مەملەكەتتى قورعايتىن ارنايى اسكەر جابدىقتالعان. سوندىقتان ءبىر ەلدە تۇرىپ ءبولىنۋدىڭ مۇلدەم قاجەتى جوق. ازاماتتار دۇنيەتانىمى مەن رۋحاني كوزقاراسى، ساياسي ۇستاناىمى ارقىلى بىرىگە بەرگەنى ابزال.
- ەندى اڭگىمەنى سىرت ەلدەردەگى جاعدايعا قاراي بۇرايىق. ۋكراينادا بيلىك پەن بۇقارا حالىق اراسىنداعى تەكە-تىرەس ۋشىعىپ، ەل ۇكىمەتى وتستاۆكاعا كەتتى. ويىمشا، ۋكراينانىڭ ەكس-پەرمەرى ازاروۆ ازامات ەكەن. ءوزىڭىنىڭ قىزمەتتەن كەتۋىن ول مەملەكەتتىڭ تۇتاستىعىمەن بايلانىستىردى. ودان كەيىن ۋكراينانىڭ بۇرىنعى-سوڭعى پرەزيدەنتتەرى جينالىپ وتىرىپ ەل تاعىدىرىن ويلاستى. مۇنىڭ بارىنەن ءوزىڭىز دە قۇلاعدار بولىپ وتىرعان شىعارسىز. ءسوزدىڭ قىسقاسى، ۋكرايناداعى احۋالعا بايلانىستى نە ايتاسىز؟
- بۇل – تۇتاستاي ۋكراين حالقىنىڭ ويانعاندىعىنىڭ ايعاعى. كەڭەستىك سانادان ايىرىلىپ ءوز الدىنا مەملەكەت بولعىسى كەلەتىن ەلدىڭ تىرلىگى. ءۇش ايعا جالعاسىپ بارادى، پرەمەر-مينيستر نيكولاي ازاروۆ وتستاۆكاعا كەتسە دە، مايدانعا جينالعانداردىڭ تارقايتىن ءتۇرى جوق. ۋكراينانىڭ ەۋرووداق تابالدىرىعىن اتتاعالى تۇرعانىن ەستىپ بارلىعى ءبىر اۋىزداپ قولداپ، بولاشاقتا ەۋروپاشا ءبىلىم الىپ، ءومىر ءسۇرۋدىڭ تيىمدىلىگىن تىلگە تيەك ەتكەن بولاتىن. ەۋرووداق كەلىسىمىنەن باس تارتقان بيلىككە وكپەلەرى قارا قازانداي.
ەۋرووداقتىڭ ەسىگىن اشىپ، تابالدىرىعىننان ەندى اتتاعالى تۇرعان رەسمي كيەۆكە رەسەيدىڭ شوۆينيستتىك پيعىلداعى قازىرگى بيلىگى قىسىم جاساعانىن جەتى جاستان جەتپىس جاسقا دەيىنگىنىڭ ءبارى بىلەدى. اۋەلى كامپيتتەردىڭ قۇرامىندا زياندى زاتتار بار دەپ دابىل قاتتى، ودان كەيىن گازدىڭ باعاسىن ءۇش ەسەگە كوتەرمىن دەپ تاعى شۋلادى. وعان پىسقىرىپ جاتقان ۋكرايندەر جوق ەدى. ەۋرومايدان ۋكراينا ۇلتىنىڭ ەرتەڭىنە بەي-جاي قاراي المايتىن، ساياسي ۇستانىمى نىق ناعىز ساياساتكەرلەردى دايىنداپ بەردى. ۋكراينا جاستارى كوكىرەك كوزى اشىق، ساياسي جاعىنان ساۋاتتى ەكەن. ۆ. جيرينوۆسكي بولسا، بۇل ءساتتى پايدالانىپ، «ۋكراينادا 48 ملن-عا جۋىق حالىق تۇرادى، ونىڭ 8 ملن-ى عانا ورىستار. ۋكراين دەگەن ەل ەشقاشان بولماعان. ولار رەسەيدىڭ كولەڭكەسى ىسپەتتەس. كاتوليكتەردى باتىسقا، پراۆوسلاۆتاردى شىعىسقا توپتاستىرۋ كەرەك نەمەسە رەسەيگە قوسىپ جىبەرۋگە بولادى» دەپ اراڭداتۋشىلىق تانىتىپ ۇلگەردى. بۇل تارتىستىڭ سوڭى نەمەن اياقتالاتىنى ۋاقىتتىڭ ەنشىسىندە. نەگىزى، ۋكرايندەر جەڭىسىنە سەنىمىم مول، ءتۇپتىڭ تۇبىندە جەڭەتىنىنە كۇمانىم جوق. ويتكەنى، رۋحى اسقاق ەلدىڭ ارقاشان دەگەنىنە جەتەتىنىن اقساقال تاريح سان-مىڭ رەت دالەلدەگەن بولاتىن.
- ۋكراينا حالقى ەۋرووداققا ۇمتىلسا، ءبىز الادعى ءساۋىر ايىنىڭ 17-سىندە ەۋرازيالىق وداققا قول قويعالى جاتىرمىز ناقتىلاي ايتساق، ءۇش ەلدىڭ پرەزيدەنتتەرى ماسكەۋدە باس قوسىپ ەۋرازيالىق وداقتى جاريا ەتپەك. ونىڭ سوڭى ءبىر پارلامەنت، ءبىر ۆاليۋتا بولۋى دا مۇمكىن دەگەن بولجامدار بار.
- كەدەندىك وداقتىڭ اقىرى، ەۋرازيالىق وداققا الىپ كەلەتىنىن سەزگەنبىز. ويتكەنى، رەسەيدىڭ ماقساتى – قازاقستان مەن بەلورۋسسيانى ءوز ۋىسىنان شىعارىپ الماۋ. رەسەيدىڭ پيعىلى بەلگىلى – سول باياعى سوۆەت وداعىنا ۇقساعان يمپەريا قۇرۋ، ونى وزدەرى اشىق ايتىپ تا ءجۇر، اڭسايدى، ارماندايدى جىمىسقى ساياساتىن جۇرگىزگىسى كەلەدى. ءبىزدىڭ باسشىلاردىڭ سولاردى قولدايتىندىقتارىن ەكى دۇنيەدە دە تۇسىنە المايتىن شىعارمىن. ەۋرازيالىق وداق دەگەنىمىز – ءوزىڭ قازعان ورعا ءوزىڭ سەكىرۋمەن تەڭ دەگەن ءسوز. نەگە ولار (اسىرەسە، ورىستار) نازارباەۆتىڭ تۇركيانى دا وداققا قوسايىق دەگەن ۇسىنىسىن ەستي سالا ات-توندارىن الا قاشتى. ويتكەنى، رەسەيگە تۇركيا سەكىلدى باسەكەلەس كەرەك ەمەس. ابىرويى اسقاق ەل تومەندەگىسى جوق. وزىنەن تومەن ەلگە دوق كورسەتىپ تۇرۋ عانا رەسەيدىڭ قولىنان كەلەدى. وزىنەن جوعارى اقش-قا، ەۋروپانىڭ ەلدەرىنە نەمەسە جاپونياعا ول ءادىسى جۇرمەيدى.
رەسەي بەلورۋسسياعا نەمەسە ۋكرايناعا وداق بولامىز دەسە، ءتىلى دە، ءدىنى دە شەكاراسى دا بارلىق جاعىنان كەلىپ تۇر. ال بىزگە نە جوق، ءۇش قايناسا سورپامىز قوسىلمايدى. ءبىز وداق بولساق، وزىمىزگە جاقىن اعايىندار: قىرعىز، وزبەك، تۇركىمەن، ءازىربايجان، تۇرىكتەرمەن جاراسادى. ءتىلماشسىز ءبىر-ءبىرىمىزدى تۇسىنەمىز، ءدىنىمىز مۇسىلمان، شەكارامىز ءتيىپ تۇر. نەگە ءبىز گەوساياسي جاعىنان دا ءتيىمدى قارىم-قاتىناستاردان قاشامىز؟ ويتكەنى ءبىزدىڭ ەل باسقارىپ وتىرعان شەنەۋنىكتەر قۇلدىق سانادان ارىلماعان. قۇلدىق قامتىن كيگەن، ورىسسىز ءومىر ءسۇرۋدى كوز الدىنا ەلەستەتە المايتىن سورلىلار وتىرعاندا ءبىزدىڭ تەگى ءبىر تۋىس ەلدەرمەن جاقىن بايلانىستا بولۋىمىز مۇمكىن ەمەس.بيلىكتەگىلەردىڭ دەنى قازاقشا بىلمەيتىن رۋحسىز بولعاننان سوڭ، ەرتەڭ بالالارىنىڭ بولاشاعىنا الاڭداپ ورىسشادان ايىرىلماي وتىر. ولاردىڭ بويىندا ۇرەي بار، ەرتەڭ ەل باسىنا قازاقتىلدى باسشى كەلسە، بارلىق مەملەكەتتىك يگىلىكتەردەن قۇر قالامىز دەپ ويلايدى. ولارعا سالساڭ،ء«لابباي، تاقسىر» دەگەننەن ءارى اسپايدى. اقشا مەن لاۋازىمدى قىزمەت بەرسەڭ، شايتاننىڭ دا وداعىنا كىرىپ كەتەدى. ەۋرازيالىق وداق قازاققا جاقسىلىق اكەلەدى دەپ ءوز باسىم ويلامايمىن. ەندى قازاق تاۋەلسىزدىگىنەن ايىرىلسا، ونى قايتادان قالپىنا كەلتىرۋدى ويلاۋدىڭ ءوزى قورقىنىشتى.
- ونىڭ ۇستىنە ىشىكى جاعدايىمىز دا الا-قۇلا بولىپ بارا جاتقان جوق پا؟ ءماجىلىس دەپۋتاتى باقىتبەك سماعۇلدىڭ پارلامەنت قابىرعاسىندا ءدىني بىرلەستىكتەردىڭ ۋشىعىپ بارا جاتقاندىعى تۋرالى دابىل قاققانىن ەستىگەن شىعارسىز؟
- راسىندا كەيىنگى ۋاقىتتا ءدىني اعىمداردىڭ شامادان تىس ەركىنسىپ بارا جاتقاندىعى ويلانارلىق جايت. ارينە، ءبىز زايىرلى مەملەكەتتە ءومىر سۇرگەننەن كەيىن اركىم ءوزى بىلەدى، قاي ء دىندى ۇستايمىن دەسە دە ءوز ەركى. بىراق ءبىز 70-80 پايىزى مۇسىلمان بولىپ تابىلاتىن ەلدە تۇرامىز، اتا-بابامىزدان كەلە جاتقان سارا جولىمىز بار. ول جولدان اۋىتقىماۋىمىز كەرەك.
ءدىن ادامنىڭ ساناسىنان تىس دۇنيە. ادامنىڭ ىشكى جاندۇنيەسىن تازارتۋ ءۇشىن، حايۋان ءبولماۋىۇشىن، يمان ءار ادامنىڭ جۇرەگىندە بولۋى كەرەك. سودان كەيىن بارىپ، اللادان ءۇمىت كۇتىپ جۇرەسىڭ. ءبىزدىڭ كەيبىر شالاساۋات يمامدارىمىز مەشىتكە بارىپ ءپىتىر-ساداقاڭدى بەرىپ، مەككە مەن مادينەگە قاجىلىققا بارىپ كەلسەڭ، دۇعا وقىساڭ مۇسىلماندىق پارىزىڭ ورىندالدى دەپ ويلايدى، مەن ونىمەن مۇلدەم كەلىسپەيمىن.
بارلىق راسىمدەرىن بۇلجىتپاي ورىنداپ، كۇندىز بەس ۋاقىت نامازىن وقىپ، كىسىگە قيانات جاساسا، جالا جاۋىپ، وسەك-عايباتتى بورتاسا، تۇندە ادام ولتىرسە، نەمەسە مونشادا قىزدارمەن زينا جاساسا، ونداي ادامعا قاراعاندا، قۇدايعا قۇلشىلىققا ۋاقىتتى جوق، جۇرەگى تازا، بىرەۋدىڭ الا ءجىبىن اتتامايتىن، ەشكىمگە قيانات جاسامايتىن ادام اللاعا ءبىر تابان جاقىن دەپ ويلايمىن. كەزىندە ەۋروپانى ۆاتيكان كاتوليك دىنىمەن الاقانىندا ۇستاعان ۋاقىتتا، وسمان يمەرياسىنا سالىق تولەپ تۇردى، كەيىن ءدىن ءوز الدىنا بولىنگەن سوڭ، عىلىم مەن تەحنيكا شارىقتاپ دامىدى. ءدىندى مەملەكەتتىڭ ىستەرىنە ارالاستىرماعان دۇرىس، ويتكەنى ول مەملەكەتتىڭ دامۋىنا كەدەرگى كەلتىرەدى. مۇسىلمان ەلدەرىندەگى قاقتىعىستاردان نەگە ساباق المايمىز؟ وسىنى دا مىقتاپ ويلاعان ءجون.
- ال، ەندى، اعا، ءسىزدىڭ شىعارماشىلىق الەمىڭىزگە كەلەيىك. ءداستۇرلى سۇراق: نە جازىپ ءجۇرسىز؟
- ء«ولارا» رومانىمنىڭ ەكىنشى تومىن جازىپ قويىپ ەدىم. ودان كەيىن «كورشى» دەگەن اڭگىمە باستاپ قويدىم. اللا ءومىر بەرسە، ءبىر جىلدا جازىپ شىعامىن. ء«ولارانى» اياقتاپ تاستايمىن دەگەن جوسپارىم بار. بارلىعى ۋاقىتتىڭ ەنشىسىندە. وي كوپ، بىراق، ونىڭ جۇزەگە اسۋ جاعى تاعى بار. ادام ادام بولعاننان سوڭ، جوسپار قۇرماي وتىرا المايسىڭ. ادەبيەت تە ءومىر سەكىلدى كۇرەس. بىرەۋدى بىرەۋ قولدايدى، بىرەۋدى قولدامايدى، جاتقان قاراما-قايشىلىقتار. كەزىندە اسقار سۇلەيمەنوۆ ايتىپ ەدى، «بىلاي دا مي اشىپ جۇرگەن قازاقتىڭ ميىنا ميپالاۋ جاساۋدىڭ قاجەتى جوق» دەپ. سول ءسوزدىڭ ورايىنا كەلتىرىپ ويىمدى مىنا ءبىر مىسالمەن تۇيىندەيىن. 1978 جىلى ادامگەرشىلىگى مول يسلامبەك تاۋكەنوۆ دەگەن ازامات مەنى كوشەدە كەزدەستىرىپ قالىپ: «تولەن اعا، ءسىزدىڭ سپەكتاكلىڭىزدى كورىپ، كىر جۋعىش ماشينادان شىققانداي تازارىپ كەلە جاتىرمىز» دەگەنى ءالى ەسىمدە. شىن ادەبيەت تە سولاي – ادامنىڭ جانىن ءمولدىر سۋعا شومىلدىرعانداي اسەر ەتۋى قاجەت.
سۇحباتتاسقان – ءجۇمامۇراتشامشى، تاري حعىلىمدارىنىڭ كانديداتى
Abai.kz
