زاڭ فاكۋلتەتىنىڭ دەكانى مەن پروفەسسور-وقىتۋشىلار قۇرامى ستۋدەنتتەردىڭ تۇرمىس جاعدايىن جاقسارتۋعا باعىتتالعان كەزەكتى ءىس-شارا رەتىندە جاتاقحانانى ارالاپ، ونداعى جاعدايمەن تانىستى. بۇل كەزدەسۋ ستۋدەنتتەر ءۇشىن ماڭىزدى، سەبەبى ولاردىڭ وقۋ ۇدەرىسىنە اسەر ەتەتىن تۇرمىستىق جاعدايلار ءاردايىم نازاردا بولۋى قاجەت.

دەكان مەن وقىتۋشىلار جاتاقحانا بولمەلەرىن تەكسەرىپ، ستۋدەنتتەرمەن اشىق اڭگىمە جۇرگىزدى. ستۋدەنتتەر وزدەرىنىڭ كۇندەلىكتى ومىرىندەگى ماسەلەلەر، وقۋ مەن بوس ۋاقىتتى ءتيىمدى ۇيلەستىرۋ تۋرالى جانە  وزگە دە سۇراقتارىن قويىپ، ءوز پىكىرلەرىن ءبىلدىردى. بۇل كەزدەسۋ ارقىلى وقىتۋشىلار ستۋدەنتتەردىڭ وقۋ ۇدەرىسىنەن تىس قانداي قيىندىقتارمەن بەتپە-بەت كەلەتىنىن ناقتى ءتۇسىنىپ، ولاردى شەشۋدىڭ جولدارىن قاراستىرۋعا مۇمكىندىك الدى.

سونىمەن قاتار، ستۋدەنتتەردەن كەلىپ تۇسكەن ۇسىنىستار نازارعا الىنىپ، جاتاقحانانى جاقسارتۋ بويىنشا ءتيىستى شارالار قابىلداناتىن بولدى. فاكۋلتەت باسشىلىعى ستۋدەنتتەردىڭ وقۋىنا بارىنشا قولايلى جاعداي جاساۋعا كۇش سالاتىندارىن اتاپ ءوتتى.

مۇنداي شارالار ستۋدەنتتەر مەن وقىتۋشىلار اراسىندا تىعىز بايلانىس ورناتىپ، وقىتۋ پروتسەسىنىڭ تيىمدىلىگىن ارتتىرۋعا ىقپال ەتەدى. زاڭ فاكۋلتەتىنىڭ باسشىلىعى الداعى ۋاقىتتا دا وسىنداي كەزدەسۋلەردى وتكىزىپ، ستۋدەنتتەردىڭ جاعدايىن تۇراقتى تۇردە باقىلاپ وتىرۋدى جوسپارلاپ وتىر.

تۇرىسبەك ر.ب.

ءال-فارابي اتىنداعى قازۇۋ، قىلمىستىق قۇقىق، قىلمىستىق ءىس جۇرگىزۋ جانە كريميناليستيكا كافەدراسىنىڭ وقىتۋشىسى               

Abai.kz