ۋكراينا پرەزيدەنتتىگىنەن تايدىرىلىپ، ىلە ءوز ەلىنەن قاشىپ كەتكەن ۆيكتور يانۋكوۆيچ رەسەيدى پانالاعانى بەلگىلى بولىپ ەدى. يانۋكوۆيچتەن كەيىن ۋكراينادا جاڭا ۇكىمەت جاساقتالىپ، ەل بيلىگىن ۋاقىتشا جوعارعى رادا توراعاسى اتقارىپ وتىر. رەسەي بولسا، ۋكرايناعا اشىق ارانداتۋشىلىق ارەكەت جاساپ، باسقىنشىلىق پيعىلداعى دويىر وزبىرلىق كورسەتۋدە.

28 اقپان كۇنى  ۆيكتور يانۋكوۆيچ رەسەيدىڭ روستوۆ قالاسىندا بيلىكتەن كەتكەن كەيىنگى العاشقى ءباسپاسوز ءماسليحاتىن وتكىزدى. يانۋكوۆيچ بىردەن: «ۋكراينا بولاشاعى ءۇشىن كۇرەستى جالعاستىرامىن. مەن ەشكىم بيلىكتەن تايدىرعان جوق. جەكە باسىمنىڭ جانە جاقىندارىمنىڭ قاۋىپسىزدىگى ءۇشىن ۋكراينادان كەتۋگە ءماجبۇر بولدىم. وزدەرىڭىز بىلەتىندەي، بيلىكتى ۇلتشىل، فاشيستىك پيعىلداعىلار باسىپ الدى. ولار ۋكرايناداعى وتە از ساندى ادامدار»، - دەدى. وسىلايشا، يانۋكوۆيچ ءالى دە بولسا، ءوزىن ۋكراينا پرەزيدەنتى ساناپ وتىر. ول قازىرگى ۋكراينا ۇكىمەتىن جانە 25 مامىرعا بەلگىلەنگەن پرەزيدەنت سايلاۋىن زاڭسىز دەپ تانيتىنىن ايتتى.

ەستەرىڭىزدە بولسا، قىرعىزستاننىڭ تۇڭعىش پرەزيدەنتى اسقار اقاەۆ تا بيلىكتەن كەتكەن سوڭ، رەسەيدى پانالاعان ەدى. مىنە، يانۋكوۆيچتى دە رەسەي ءوز قاناتىنىڭ استىنا الدى.

فەيسبۋك الەۋمەتتىك جەلىسىندە يانۋكوۆيچتىڭ ءباسپاسوز ءماسليحاتىندا ايتقان سوزدەرى قىزۋ تالقىلاندى. ءبىز ساياساتتانۋشى ءامىرجان قوسانوۆتىڭ ءوز پاراقشاسىندا جازعان ويىن سول قالپىندا بەرۋدى ءجون كوردىك.

ءامىرجان قوسانوۆ، ساياساتتانۋشى:

ۋكراينا پرەزيدەنتتىگىنەن تايدىرىلىپ، ىلە ءوز ەلىنەن قاشىپ كەتكەن ۆيكتور يانۋكوۆيچ رەسەيدى پانالاعانى بەلگىلى بولىپ ەدى. يانۋكوۆيچتەن كەيىن ۋكراينادا جاڭا ۇكىمەت جاساقتالىپ، ەل بيلىگىن ۋاقىتشا جوعارعى رادا توراعاسى اتقارىپ وتىر. رەسەي بولسا، ۋكرايناعا اشىق ارانداتۋشىلىق ارەكەت جاساپ، باسقىنشىلىق پيعىلداعى دويىر وزبىرلىق كورسەتۋدە.

28 اقپان كۇنى  ۆيكتور يانۋكوۆيچ رەسەيدىڭ روستوۆ قالاسىندا بيلىكتەن كەتكەن كەيىنگى العاشقى ءباسپاسوز ءماسليحاتىن وتكىزدى. يانۋكوۆيچ بىردەن: «ۋكراينا بولاشاعى ءۇشىن كۇرەستى جالعاستىرامىن. مەن ەشكىم بيلىكتەن تايدىرعان جوق. جەكە باسىمنىڭ جانە جاقىندارىمنىڭ قاۋىپسىزدىگى ءۇشىن ۋكراينادان كەتۋگە ءماجبۇر بولدىم. وزدەرىڭىز بىلەتىندەي، بيلىكتى ۇلتشىل، فاشيستىك پيعىلداعىلار باسىپ الدى. ولار ۋكرايناداعى وتە از ساندى ادامدار»، - دەدى. وسىلايشا، يانۋكوۆيچ ءالى دە بولسا، ءوزىن ۋكراينا پرەزيدەنتى ساناپ وتىر. ول قازىرگى ۋكراينا ۇكىمەتىن جانە 25 مامىرعا بەلگىلەنگەن پرەزيدەنت سايلاۋىن زاڭسىز دەپ تانيتىنىن ايتتى.

ەستەرىڭىزدە بولسا، قىرعىزستاننىڭ تۇڭعىش پرەزيدەنتى اسقار اقاەۆ تا بيلىكتەن كەتكەن سوڭ، رەسەيدى پانالاعان ەدى. مىنە، يانۋكوۆيچتى دە رەسەي ءوز قاناتىنىڭ استىنا الدى.

فەيسبۋك الەۋمەتتىك جەلىسىندە يانۋكوۆيچتىڭ ءباسپاسوز ءماسليحاتىندا ايتقان سوزدەرى قىزۋ تالقىلاندى. ءبىز ساياساتتانۋشى ءامىرجان قوسانوۆتىڭ ءوز پاراقشاسىندا جازعان ويىن سول قالپىندا بەرۋدى ءجون كوردىك.

ءامىرجان قوسانوۆ، ساياساتتانۋشى:

ارينە، كونستيتۋتسياعا جانە 21 اقپانداعى كەلىسىمگە سۇيەنگەن سوزدەرىندە جان جوق ەمەس. پارلامەنتتىڭ وكىلەتتىگىن ارتتىرۋ تۋرالى دا سوزدەرى ورىندى سياقتى. بىراق وسىناۋ ساياسي كەڭدىكتى ول مايداننىڭ و باسىندا باسشىلىققا الۋى كەرەك ەدى. اقساق قوي تۇستەن كەيىن ماڭىرايدى...
"تۋىستارىما قاۋىپ تونگەن سوڭ كەتىپ قالدىم" دەيدى. ولاي بولسا، سول تۋىستارىن قاۋىپسىز جەرگە جىبەرىپ، ال ءوزى سول مايداننىڭ الدىنا شىعىپ، اعىنان جارىلۋى كەرەك ەدى! ء"وزىم ولسەم دە، ءوز حالقىما قارسى قارۋ جۇمسامايمىن!" دەپ اشىق جاريالاۋى قاجەت ەدى. ناعىز ساياساتكەر سولاي ىستەر ەدى.
ەندى بولسا، بار كىنانى باسقالارعا، سونىڭ ىشىندە ۇلتشىل كۇشتەرگە، ارتىپ، ءوزىن سۇتتەن اق، سۋدان تازا ەتىپ كورسەتۋگە تىرىستى.
تاۋەلسىز ەلدىڭ اتىنان سويلەگەن بوپ، ءسوز بارىسىندا بىرنەشە رەت باسقا ەل - رەسەيگە "ەشنارسە ىستەمەي جاتىر" دەپ، رەنىش ءبىلدىرىپ، ءۇمىت ارتۋى ءتىپتى ماسقارا! سوندا رەسەي نە ىستەۋ كەرەك ونىڭ ويىنشا؟!
سونىمەن، يانۋكوۆيچ شىن مانىندە ساياسي ولىككە اينالعان سياقتى. ءباسپاسوز ءماسليحاتىنان سونى ۇققانداي بولدىم.

ال، ۆيكتور يانۋكوۆيچتىڭ ءباسپاسوز ءماسليحاتىنىڭ تولىق نۇسقاسىن تومەندەگى ۆيدەودان كورە الاسىزدار.

Abai.kz